سواقة اللكزس بنيـّه

[align=center]السلام عليكم


أول مشاركة لي بالمستطرف النبطي ياليت تعجبكم ياعمالقة ..

مع التحية لصديقاتي في مشوارنا اليومي






[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]

ملّيت من فرز الأوجاعي=والشارع البايت بغيه
واشياء ما لامها داعي=تكتب ولاهيب مقريه
اقوم والناس هجاعي=واسرح على طاهر النيه
معي (منى بنت منّاعي)=و(ريم) و(جواهر) و(بدريه)
وسواقنا دوم مرتاعي= يخاف تمسكه دوريه
وحنا معه هوْش ونزاعي=مهبول يالعنبو حيه
مع الكباري والافواعي=وشوارع تغصْ ممليه
مابين شاري وبياعي=فالدرب مااكبر دواهيّه
يحط طبلون الاسراعي=واليا نزرته لوى لْحيّّه
جبناه من قل الاسناعي= ومامن سنع لارحم خيه
لا واحلالاه يا(رفاعي)=واللكزس اللي لمع ضيه
الدفع لاتنشد رباعي= واللون لون الهدب زيه
فالبر جاله تمرياعي= وفالديره الثقل ماريه
بشريه عن منة الساعي=والرخصة بشنطتي ذيه
وآمر كذا بس باصباعي=سواقة اللكزس بنيه
مسراحي اهون ومرجاعي=ولامنّة الهندي العيه
قلته مَزِح مالي اطماعي=ولاعندي اهداف مخفيه
ماغير افضفض عن اضلاعي=ولاّ السواقه مهي ليه
وانا تميزت بقناعي=وافخر واماري بطاريه
يسترني ويستر اوجاعي= عن شارعٍ بااات في غيه
يسترني ويستر اوجاعي= عن شارعٍ بااات في غيه[/poem]




وسلامتكم جميع[/align]

الله عليج يا كبرياء ,,,


وسع الله خاطرج ياغلاي


صح الله كل مافيج


شاعرة صح ,,

[poem=font="Simplified Arabic,5,#CE309E,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
جبناه مـن قـل الاسناعـي=ومامن سنـع لارحـم حيـه[/poem]

وجبتي نص مستطرف سنع .

اي بالله تعجبنا ونص وثلاثة ارباع بعد ههه
وســـواقــــنــــا دوم مــــرتــــاعــــي
يـــخــــاف تــمــســكــه دوريــــــــه
ههههههههههههه
تخيلته وهو يومي براسه مرةٍ فالغمارة ومرة عند المراية برا
تسلمين ياكبرياء وكثري من ذالنوعيه هنا

رائعه ياكبرياء اينما تكتبين

والبنت لا ساقت ما هوب بعيب العيب ان الهندي يكون معها بنفس السياره من دون محرم

تجربة ناجحه بالمستطرف لن نكتفي بواحده بل المزيد المزيد غاليتي

وعليكم السلام ورحمة الله وبركاته



اولاً سعدنا بوجودك في المستطرف بصراحه الشعر النسائي فيه الكثير
من الطرافه المحببه خاصه إذا كان يلامس مشكله حاضره بقوه في المجتمع .


وثانياً


وآمر كـذا بـس باصباعـي .... سواقـة اللـكـزس بنـيـه


والله الموتر زين وسواقته بعد بنيه أقول يابنت الحلال تدرين أكثرنا هنا
شيبان وقلوبنا معاد فيها الكثير من المتانه والقوه لتحمل بعض المناظر
الخلابه لكن أقول بدري عليكم بتبطون .




والحقيقه إنها مصيبه السواق مصيبه هندي ولا غيره وأنا أرا أن يسمح
للبنات بالسواقه ولكن يحطون لهن خطوط لحالهم وتكون مترو من تحت
الارض ومرور نسائي ويمنعون دخول الرجال نهائياً أما يسوقون معنا
على طرقاتنا فوالله مشكله الشباب بيزعجونهم والشيبان مثلي اللي
قد شوفه حوله بيصدمهم لذلك أريحلهم لحالهم .




عموماً حضورك للمستطرف ونصك هذا جميل لاهنتي يانقيه

الله عليج يا كبرياء ,,,


وسع الله خاطرج ياغلاي


صح الله كل مافيج


شاعرة صح ,,

لبا قلبك ياعمري

،،،

[poem=font="Simplified Arabic,5,#CE309E,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
جبناه مـن قـل الاسناعـي=ومامن سنـع لارحـم حيـه[/poem]

وجبتي نص مستطرف سنع .

الله يسلمك أخ حمد

شكراً لك

أختك

,,

اي بالله تعجبنا ونص وثلاثة ارباع بعد ههه
وســـواقــــنــــا دوم مــــرتــــاعــــي
يـــخــــاف تــمــســكــه دوريــــــــه
ههههههههههههه
تخيلته وهو يومي براسه مرةٍ فالغمارة ومرة عند المراية برا
تسلمين ياكبرياء وكثري من ذالنوعيه هنا

سعيد بن مقبل أحد عمالقة المستطرف ، بالتأكيد رأيك يهمني

الف شكر لك أخوي


أختك
،،

رائعه ياكبرياء اينما تكتبين

والبنت لا ساقت ما هوب بعيب العيب ان الهندي يكون معها بنفس السياره من دون محرم

تجربة ناجحه بالمستطرف لن نكتفي بواحده بل المزيد المزيد غاليتي

الشاعرة شواهق ...روعة وجود أكثر

شكراً للتحفيز ياغالية ..


ودي
,,

وعليكم السلام ورحمة الله وبركاته



اولاً سعدنا بوجودك في المستطرف بصراحه الشعر النسائي فيه الكثير
من الطرافه المحببه خاصه إذا كان يلامس مشكله حاضره بقوه في المجتمع .


وثانياً


وآمر كـذا بـس باصباعـي .... سواقـة اللـكـزس بنـيـه


والله الموتر زين وسواقته بعد بنيه أقول يابنت الحلال تدرين أكثرنا هنا
شيبان وقلوبنا معاد فيها الكثير من المتانه والقوه لتحمل بعض المناظر
الخلابه لكن أقول بدري عليكم بتبطون .




والحقيقه إنها مصيبه السواق مصيبه هندي ولا غيره وأنا أرا أن يسمح
للبنات بالسواقه ولكن يحطون لهن خطوط لحالهم وتكون مترو من تحت
الارض ومرور نسائي ويمنعون دخول الرجال نهائياً أما يسوقون معنا
على طرقاتنا فوالله مشكله الشباب بيزعجونهم والشيبان مثلي اللي
قد شوفه حوله بيصدمهم لذلك أريحلهم لحالهم .




عموماً حضورك للمستطرف ونصك هذا جميل لاهنتي يانقيه

هلا بك يابو شايع والله يرحب بك دنيا وآخره والمسلمين اجمعين

والحقيقة اقتراحك بخطوط ومترو تحت الأرض صعب ..!

حنا مانبي نسوق نبي نستقدم سواقات حريم عن الخلوة فقط ، لأننا بنات وسيدات تعودنا على جر الأذيال ولله الحمد ، السواقة هذي مهنة خدمنا وحشمنا

على العموم وجودك أخي عبدالله شرفني

تقديري لك

أختك
.

وســـواقــــنــــا دوم مــــرتــــاعــــي
يـــخــــاف تــمــســكــه دوريــــــــه


ههههههههههههههه ايه المنظر ذا يا كثره

ابو شايع اي والله القلوب خضر وشواهق بعد تقول نبي نسوق لا والله تبطون ههههههههههههه

ياسلام عليك ياكبرياء

نص مستطرف بحرفنه شاعره ذكيه

قصيده في حكمه ورساله وراي .

لله درك

ودمتي للشعر النسائي نبراسا يحتذي به


تحياتي

وســـواقــــنــــا دوم مــــرتــــاعــــي
يـــخــــاف تــمــســكــه دوريــــــــه


ههههههههههههههه ايه المنظر ذا يا كثره

ابو شايع اي والله القلوب خضر وشواهق بعد تقول نبي نسوق لا والله تبطون ههههههههههههه

ناصر مناحي

شكراً على التواجد

تقديري لك

أختك

,,