محاورة بين صالح مبارك المشعلي ومحمد سعيد المسعودي

محاورة بين صالح مبارك المشعلي ومحمد سعيد المسعودي

[poem=font="simplified arabic,6,black,normal,normal" bkcolor="transparent" bkimage="" border="double,6,gray" type=0 line=0 align=center use=ex num="0,black""]
=صالح مبارك المشعلي
العلـم وارد بالشمـال وبالجنـوب=وان راح بعض الناس ما يرتاح لي
يا ما حلا في نجد ذع ذعاع الهبوب=بعيد من حمـاك يـا وادي حلـي

=محمد سعيد المسعودي
يا الشاعر اللي بالمواجيب محسوب=لا تقول رحت لذا وهـذا راحلـي
ما دامها تمشي معك كل الـدروب=ما أنته مكلف بالطريق الساحلـي
=صالح مبارك المشعلي
مانيب متحمل من الدنيا ذنـوب=أبغى أتجنب كل درب واحلـي
جلست أخيل في مراويح النصوب=برق تعداني وبـرق لاح لـي

=محمد سعيد المسعودي
ما أنته على ما لا يناسبك مغصوب=أفطـن لهـا نـزال والا راحلـي
الوادي اللي دايـم سيلـه جـذوب=ما أجيه لو ان عطر نبته فاح لـي

=صالح مبارك المشعلي
كله لأجل سلواك يا القلب الطروب=والا فلانـي فالمجـال اباحـلـي
اللي يبي يجني عسل منحال نوب=وادي السدر ما هوب مثل الماحلي

=محمد سعيد المسعودي
سبحان من يعلم تقلاب القلـوب=عندك علوم سرها ما باح لـي
و ( الكدلك )اللي واقف بين الجيوب=قم شغله والا جب المفتاح لـي

=صالح مبارك المشعلي
تبغى تنشبني وأنا ما أبغى النشوب=لا والله الا ما تبي لنصـاح لـي
و ( الكدلك ) اللي فيه قير وفيه هـوب=بأزيحه من الدرب لو ينزاح لـي

=محمد سعيد المسعودي
بعض العرب لو صحت بأذنه ما يتوب=يتبـع متاهـات المكـان القاحـلـي
لا تبتلش ما أنته على الأمر مغلـوب=والصاحب الصاحي ترى ما له حلـي

=صالح مبارك المشعلي
أبغى أسرق المعنى ودوب السرق دوب=وأخاف منـك تولـع المصبـاح لـي
اللي يبي يهرب مـن الوقفـه هـروب=دربـه علـى المريـخ والا الزاحلـي

=محمد سعيد المسعودي
تو الحليب اليوم للضيف محلـوب=من حجر بكر درها حالـي حلـي
لا تشرب الا السلسبيل من الشروب=ولا تحـاول تجلـب التفـاح لـي
=صالح مبارك المشعلي
ما تقلب اللعبة على الرجل اللعـوب=لا صحت له بالصوت قام وصاح لي
العام الأول بالشـروق وبالغـروب=واليوم ما بـه فرصـة تتـاح لـي

=محمد سعيد المسعودي
سلاحنا لا ولعـت نـار الحـروب=جرد الرقاب اللي خشبهـا ناحلـي
والحرب خدعه والنصر نوب ونوب=ان طحت له والا سعى ثم طاح لي

=صالح مبارك المشعلي
حنا تقدمنا و واكبنـا الشعـوب=وتردنا صوب الزمان الضاحلـي
ما ني مفكر في نجاح ولا رسوب=ما دام يدي تمسك المسباح لـي

=محمد سعيد المسعودي
الترجمان اللي يترجـم للكنـوب=صحح معك رقم خطاء ما صح لي
لا لا تقلبها علـى كـل الجنـوب=يا بايع الكحلة علـى المتكحلـي[/poem]

صح لسانك يا صالح المشعلي وصح لسان محمد سعيد المسعودي
ولاهنت على نقلها

صح لسانك يابومبارك
وصح لسان محمد المسعودي
محاورة قمة وقافيتها جميلة جدا

ارررررررررحب ياصالح



وصح لسان المشعلي والمسعودي



تقديري للجميع

محاوره غييررررررررررررررررر

وقافيه غير الساحلي

ح لي

المشاعلي والمسعودي

يعطييك العافيه

لاهنت يالمشعلي

صح لسانك يابومبارك

وصح لسان محمد المسعودي