سليمان من بلال والزملامي وبن بلال مطلوب هنا

ابو منصور
هذه المحاورة جرت بينك وبين الشاعر العلم رشيد الزلامي ..
مطلوب تكملتها ولاعليك امر .

وصح لسانك ولسان ابو جميل ..


سليمان بن بلال





ياسلام الله سـلام للمطاليـق ابتـدي بـه=بعد ماجينـا وجيتـو يارفيعيـن المقامـي
ليسريت الليل غير الجدي ماني بقتدي بـه=أسمحولي ياحضور أن كان ناديت الزلامي


رشـــــــــيـــــــــد الزلامي






مرحبا والطيبه ماهي على الطيـب غريبـه=ماعلينا ألا نرحب بعـد رديـت السلامـي
القريـب الله يشيلـه والبعيـد الله يجيبـه=من يقول أن النصيب يجيب من نجران يامي


ســــلــــيــــمـــــان بن بلال






ماعليكم زود وانتـم مـن قديـم ياعتيبـه =تكسبون الطيب والمعنى على فرخ السنامي
الهقاوي ياوسيع المعرفـه ماهـي قريبـه =ودي أنبهك واليامي يشـد بـه الحزامـي


رشـــــــــيـــــــــد الزلامي






قالها اليامي عسا ربي على قوله يثيبـه=مير لابرقت فيها لا حلال ولا حرامي
كل دار يارفيقي عارف خبثـه وطيبـه=والبلاء والشر فالواد هذاك أبو الحمامي

صح الله السنتهم ,,,


من مبداها فيه حبك فالمعنى وتسلسل الأبيات ...


لاهنت يابوثامر ...



تــقــديــري ,,,