مهدي الحبابي + سعود القـت بدون ردود

[poem=font="Simplified Arabic,4,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
مهدي الحبابي
سلام ياللي لكم بين أهـل المـدح كـار= جينـا نسلـم علـى العربـان بحلالهـا

نبغي لنا شاعرِِ يقطـف زهـور وثمـار = والكلمه الطيبـه تحسـب لمـن قالهـا


سعود القـت
يامرحبا بالنيابـه عـن طـوال العمـار = والنـاس منطوقهـا مقيـاس منزالهـا

غوص البحر وانتبه فكرك يزل المسـار = واعرف ترى النفس مجزيه على اعمالها


مهدي الحبابي
دام البقاء يا مرحب عقب طول أنتظـار= والناس شفنـا بعضهـم قـام يبرالهـا

وأما أنت وفيت والدعوى ماهي باحتكار= والبيـض تبنـى لحاميهـا وخيالـهـا


سعود القـت
الحج قايم على اركانٍ ومنهـا الجمـار = وبنيـك لمخراجهـا قـدام مدخالـهـا

واليوم بندقك حـذرا لا تهـس العيـار = دوّر علـى اشـارة الـرادار وارسالهـا

مهدي الحبابي
الحج قايم يا شيـخِِ مكتسيـك الوقـار = والحجـة الثابتـه مـا غـاب معدالهـا

قبل أمس نسمع علومِِ قبل يصدر قـرار = أخذ العلوم الصحيحـة وأبغـي أبدالهـا


سعود القـت
الظاهر انك بلشـت بمعطيـات الحـوار = اتجـادل بحاجـةٍ مـا فـادك اجدالهـا

لا تسلك الدرب كانك ما تعـرف الديـار = والله يحقـق للانفـس كامـل آمالـهـا


مهدي الحبابي
لا تلف وتدور والديـرة عليهـا حصـار = ما باقـي ألا نقـول أهنـاك دسمالهـا

اللي حكم طالبان اليـوم فـي قندهـار= يطمع بهـا وأكثـر الألقـاب مشتالهـا


سعود القـت
الفعل دون السوالف والسوالـف كبـار = خلـك بفالـك وخلـق الله علـى فالهـا

معالجات الاعنـه مـا تعـرف الهجـار = والله يخلـي لكـود الحملـه اجمالهـا


مهدي الحبابي
يا عوين من وهقه شيطان نفسه وصار = عرضه وربعـه تحـب تكبـر عيالهـا

حتى طمع في حلال القوم والجار جـار = وأشعيل لو كبرت الحملة مـا يحتالهـا


سعود القـت
قلب الثقه ما يجيه من الليالـي غيـار = وروس العلا تـرّث الامجـاد لاشبالهـا

تفاخت الروس راس يمين واخر يسـار = ومن يعشـق الطيبـه لابـد يسعالهـا

مهدي الحبابي
قلب الثقه فاز به مـن يفعـل الابتكـار = واللي يفكـر بحاجـه مـا حـدِِ نالهـا

والعلم ذا موجزه والليـل عقبـه نهـار = وتبقى المدايـح لنـاسِِ بأنـة أفعالهـا [/poem]

ياسلام ياسلام علي الطاروق وهله

ابومسفر بيض الله وجهك وصح الله لسانك

وانت زميلك سعود القت محاوره رائعه جدا جدا

الله الله ياسلامي

عليكما

ياسلام ياسلام علي الطاروق وهله
ابومسفر بيض الله وجهك وصح الله لسانك

انت و زميلك سعود القت محاوره رائعه جدا جدا

تحياتي

سعود ومهدي


محاوره جميله من شاعرين عزاز على الجميع

استمتعت بكل ماتعنيه الكلمه في قرائة هذه المحاوره الجميله


تحياتي


مشهوووور...

الله يعطيكم العافيه جميع



تحيااااااااااااتي