Tweet
محاوره شعرية بيني وبين الشاعر الكبير صاحب السمو الأمير/خالد بن سعود الكبير وصاحب السمو معروف على مستوى العالم العربي ومحاورتي مع أبوسعود ليست أبراز موهبه أو تحدي ولكن للأستفاده من شاعرية صاحب السمو حفظه الله
[poem=font="Simplified Arabic,6,,bold,normal" bkcolor="transparent" bkimage="" border="none,6," type=1 line=0 align=center use=ex num="0,black"]
مسفر بن حمد آل رشيد
سلام ياهل العرف والعز والجود=ياهل الوفا واهل السيوف الصقيله
بعض العرب ياطيب الذكر مقرود=يطمع لحاجه والمعرفه قليله
الأمير/خالد بن سعود الكبير
يامرحبا ترحيب ودٍ لمودود=رحب الشرف والمرجله والفضيله
ترحيب محمودٍ تلاقى بمحمود=من بينهم تحلا العلوم الجزيله
مسفر بن حمد آل رشيد
أبك البقا ولكل رجال مجهود=يالشاعر اللي ترتكي لثقيله
واللي يعزف العود يبقى على العود=وانا اتمشى كل يومٍ وليله
الأمير/خالد بن سعود الكبير
الحمد لله كلها سهود ومهود=والناس كلٍ له قبيلٍ يشيله
الله خلق بيضٍ وداولهن بسود=وكلٍ على ما قيل قلبه دليله
مسفر بن حمد آل رشيد
اقول كلٍ له معايير وحدود=بس الزمن جا فيه عدله وميله
ابو سعودٍ ماهو بحول مسعود=منه تعلمنا البيوت الأصيله
الأمير/خالد بن سعود الكبير
صدقت مسعودٍ ما هو بحول ابوسعود=انشد خبير يعلمك كل حيله
ترى الذكي ما هيب دايم له سعود=حتى الزعيم اللي غزى له دليله
مسفر بن حمد آل رشيد
احدٍ نهر واحدٍ بحر دايم يزود=واحدٍ عظامه فللقا ما تشيله
لا يرجع اللي يبغي الصيد مصيود=وتقصر حباله بعد كانت طويله
الأمير/خالد بن سعود الكبير
حتى البحر في بعض الاحيان محدود=والنهر عذب ومثمراتٍ نخيله
والظبي كم جندل له نمور وفهود=لو هو ضعيف سهوم عينه مهيله
مسفر بن حمد آل رشيد
كلٍ على ما قيل من جوده يجود=والزرع شفنا ويش ناتج حصيله
طويق ثابت ما تحرك من النود=واللي يشوفه من بعيدٍ يجيله
الأمير/خالد بن سعود الكبير
عين الرضى عميا ولو شافت العود=شافت زهور ناعمات جميله
وعين السخط لو شافت الظل ممدود=شافت فنودٍ ظامياتٍ هزيله
مسفر بن حمد آل رشيد
ما قول قول ماله أثبات وشهود=ولا كل هرج عندي أخلي سبيله
هذا التواضع منك يامير معهود=عاداتكم يأهل الوفا والجميله
الأمير/خالد بن سعود الكبير
طبع الكرم في يام يا صاح مشهود=ولا هو غريب ان قلت نعم القبيله
وانا احمد الله خالقٍ كل موجود=اللي وصل حبل القلوب النبيله[/poem]
تعليق