Tweet
اخواني النداويه تحية طيبة. .
محاوره بين الشاعرين ملفي المورقي وعبدالله بن شائق
اعجبتني واهديها لكم هنا امل ان تحوز علي رضاكم واستحسانكم
محاوره بين الشاعرين ملفي المورقي وعبدالله بن شائق
اعجبتني واهديها لكم هنا امل ان تحوز علي رضاكم واستحسانكم
[poem=font="Simplified Arabic,5,blue,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/18.gif" border="double,5,firebrick" type=0 line=0 align=center use=ex num="0,black"]
عبدالله ابن شايق=
هلا ترحيبة مثل الخلاص وتمرة النبُوت=على طاسة حليب بكار شقح عند مصلاحي
دعوني والتقيتك يا ابن مزيد وأنت مثل الموت=لكن لا تهتني لك يوم يا قصاف الارواحي
ملفي المورقي=
يدوم بك البقا يا شاعر شعرك شراب وقوت=ليا مني ذكرتك في المنام أنهض ليا صاحي
أنا ما ارضى عليك تغيب لا شوفه ولا لك صوت=أبا أحدك وأردك لين يحيا ذكرك الماحي
عبدالله ابن شايق=
بيوتٍ كنها الثلجة وبيت من صخر منحوت=حضرنا والمعارك مابها مشمش وتفاحي
ثمان بيوت عن بيتٍ وبيتٍ عن ثمان بيوت=لكن هذا زمان الهجولة يا لاح ياملاحي
ملفي المورقي=
ما أبا السيارة اللي ما لها رفرف ولا كبوت=ولو كانت مع السكة تسابق هوج الأرياحي
ذلول إبليس تركض في السباق وحبلها مفلوت=مطية مير فوق خفوفها خفين وجناحي
عبدالله ابن شايق=
قليل العاقل اللي لا هرج شفت الجميع سكوت=ويا كثر اللي تشوف اليوم في يمناه مسباحي
أنا خابرك يا بحر العرب كلك درر ياقوت=لكن اليوم كلك يا بحر حوتة وتمساحي
ملفي المورقي=
ليا شفت الك فرصة لا تخليها عليك تفوت=ترى يا صاحبي في وقتنا كم جاء وكم راحي
أعرف أن البحر فيه الجواهر والدرر والحوت=وفيه الشر كله والعلاج مداوي الأجراحي
عبدالله ابن شايق=
يا ما شاء الله يا بو وافي سحت المال يا ساحوت=ومغترة ولد خالد عطتك وسام ووشاحي
أنا ما ني مصدق قصة التلفاز والريموت=وتراني مستحي لا أقول لك سارق ومزاحي
ملفي المورقي=
تراك أنته هواوي عارفٍ قصة عقاب ونوت=تعذَب في هواها كيف يتركها ويرتاحي
ابن شايق بعد ما لبسوه الناس بشت وكوت=تركهنَه وقفَل دونهن بابه بمفتاحي
عبدالله ابن شايق=
لعبنا بالمحبة لعبة الشطرنج والبيلوت=تمثل لي سعاد وقمت أمثل فيصل الضاحي
مما لا شك فيه أن كرتٍ أحمر عن ثلاث كروت=لكن ويش أنت خاسر قول يا رازق يا فتاحي
ملفي المورقي=
ألا يا شايت الكورة توقَع لا تشوتك شوت=ترى كم لاعب في أثناء المحاور طاح ثم طاحي
أنا وانته لساق السدر لكن الورق محتوت=تعبنا في النهار وليلنا ما ذقنا الامراحي
عبدالله ابن شايق=
قناة الساحة تصور ترى هرجك عليه ثبوت=مع أنك ذيب في المسرى ولك في الصبح مسراحي[/poem]
تعليق