الاخ الكريم الواثق : واجب الضيف

واجب الضيف يكرم في ردودك رحايب
---------- وانت اشوفك كريم وتعطي الضيف قدره


هبت اليوم نحوي من هـبوبك لهايب
---------- فوق راسي تولع مـدري جـنبه وحـدره

السنافي

انتظرت ماجاني احد ركبت سيارتي ومشيت !!

المعذره يا اهل المحل!!


اكرمكم الله واغناكم ...تصبحون على خير.


الساعه9.45 مساء الثلاثاء ليلة الاربعاء

السنافي

مااااش ماجيت اخي الواثق لذا بقول ياهلابك هلابك

ياهـلا بك هـلابك مالنا والمصـايب
---------- هاك قافي وشعري هاك حرفه وسطره


لنت هايب ولاني مثلك اليوم هـايب
---------- رغـم هـذا تـرانا كل واحـد وعــذره

السنافي[تم تعديل الموضوع من قبل السنافـي بتاريخ 10-30-2001 الساعة 10:34 PM]

السنافي مرحبابك ومسهلا ولي الشرف اني ارد عليك طال عمرك

ويعلم الله اني توني انتبه الحين وابشر بالرد لكن يعلم الله ان عندي ضيوف في المجلس وغديت بين نارين لاودي اسفهك فديت خشمك ولاودي اخلي ضيوفي ومثلك ماتجهله علوم الرجال اما مشروهك فهو على راعي المحل المفروض يرحب بقدومك انا في الحقيقه تفاجأت ان تاريخ تسجيلك من عام الفين2000م واستغربت لذلك مارحبت لان تاريخ تسجيلك اقدم من تاريخ انضمامي وشرواك ماتجهله علوم الرجال يا بعدي وان كان تبي الحق ابشر بالحق مايلحق
ولالك الا طيبة الخاطر يا بعدي.


وارد على هالابيات الجزله ابشربه باقرب فرصه وعذري انك انت والاخوان قد تكونون على علم به او بعضه وهو كثرة انشغالي.



واستميحك العذر ان جا مني قصور.




اخوك الصغير/عبدالله بن فلاح الحميدي الهاجري

كل اللي اقوله واكتبه الان يالفارس الاصيل

والشهم النبيل

انك سيدي

وملكت عنقي بطيب ماكتبت


عزالله انك واثق من طيب اصلك

ومايغلب الرجال الا الطيب والاصيل اللي مثلك وشرواك

ماكتبت اسمك واثق الا انت واثق انك ملكتنا بالطيب


ملكتني والله بما قريته

ومابين الاخوان حق ومايلحق


من اليوم اااانا عصاك اللي ماتعصاك

واسمح لي اكتب في نبلك وشهامتك قصيده قادمه