التحـــــــــــــــــــــــــــــــــــــــــــــــــــــــــــــــدي

سلام يااهل الدار واهل الصفحه اللي كل من فيها نقدم له سلام
والامر لله ثم يرجع للمليك اللي حمى الديره وعز رجالها
من عقبها ياهل المعاني هيّفوا وابغى الجسيمه من مدورة الجسام
واليا غدى الشاعر وجاله قرقعه فالضايعه في لحية اللي قالها

هلا باقي محمد00


يا مرحبا باقي محمد عد ما هل المطر يازين طاروقك ويازين الكلام
المعرفه ما تنحصر ياصاحبي والناس اقدرها بطيب اعمالها

كل الديار اديارنا منهاجها ما يختلف ما يختلف منهاجها شرق ٍ وشام
ضيف ٍ جديد الله يحي ضيفنا في ساعة بانت علومه دقها واجلالها

--------
عوض

لاعدمتك يا المهلي واستلم يا القرني
وبك البقا ياللي شطفت البيت ووزانه وضيّعت الجنوب من السنام
مالوم عينك قبلك الشعّار ضاعوا بين عم اعلى الطروق وخالها
ونته ليا نوّيت راسي ياعريب الجد واف العد لا ترخ الحزام
صاحبك مجنونن ترزّفله شيوخ الجن وولى للعيون اولالها


سر المعاني يا ذيبان

اخوي باقي اذا اصبت الطاروق واصل معي 00 واذا تغير فمسموح واعذرنا 000على اللقافه


ياباقي الشكوى على الله ربنا من جيت غيرت السوالف والنظام
ابشر بعزك هاتها وامثالها في حلها تنشد على ترحالها

راسك على مرساه والدنيا سعه لد انظر واتشوف رزام الغمام
لاشك عد وعد والرفقه سبب في صافي المشرب ونضح ازلالها


----------
عوض

يا عوض اللعب لولاك وش ليبه واصل ياذيبان

حي الرفيق اللي رجع من غيبته ببيوت تشبه من زهت دق الوشام
باعداد من حج وتلزم بالمقام وعد ما تمطر وبرق خيالها

من عقبها سر المعاني سرها ياللي تبيها بينناضرب الحسام
بنت الهلالي مالها يااليعربي غيري ومن غيري يفك احبالها

سر المعاني يا زبون المعاني الليل

الاخ باقي 00

تسلم يالغالي هذا من طيب اصلك 00

تحيا وتبقى والعلوم لها ثمر مثل الزروع اللي لها حرث وصرام
ولا يميز في الحبوب الا الخبير اللي تنقاها بعد ما كالها

كل ٍ ينادي بسمها ووصافها ويقول انا عنتر ولا غيري همام
وانت اجودي والحظ دونك معتلي ما كل من مرحبها يشتالها

[تم تعديل الموضوع من قبل عوض_القرني بتاريخ 09-30-2001 الساعة 11:19 PM]

استلم يا القرني والله لا يهينك
ياللي تلاوي حدّها وتهدّها ماقصها الا مع مفاصيل العظام
وعرف ليا طق الحجر خشم الحجر جتك المناياصاحبك يبرالها
ماني وكيل ادم على جنسه وتكي للبعيد وللعنيد وللنيام
ياللي تدورها وانا ما ردها مدري تدرّاها وانا مدرالها

اللــــــــــــــــــــــــــــــــــــــيل
لونا فالنهار يا ذيبــــــــــــــــــــــــــــان

اسمع يالغالي اسمع :

جات المعاني تشتكي تهميشها وتقول انا جاني ضياع ٍ وانفصام
حنا نرقعها وفي الرقعه خلال ونرد صالحها على بطالها

من غرته نفسه وزادة زلته فلا يشوف الا انتهاك ٍ واقتحام
ناس نجمد دمها بعروقها وناسن نغلغلها ولا نغتالها

الليل 00 هههه


[تم تعديل الموضوع من قبل عوض_القرني بتاريخ 10-01-2001 الساعة 06:38 PM]

استلم يا القرني ليلك ليل
ياللي من الطايف تعديت الجموم العصر وانته ناوي البيت الحرام
عوّد خلافك كان يمديك المدى وسبر طوارفها وعد اجبالها

واليا ضربت الخبه اللي طق لك فيها العور باصبعه ***** الرسام
وقف ترى قافي ليا طال العنا قيد المعاني يافتى وعقالها

الليييييييييييييييييييييييييل ياذيبان

اسمع اسمع ياباقي :

رحت الحرم واطفت والمسعى سعيت طلبت ربي قي الملزم والمقام
انه يرد الظايعه لمراحهااحلا لنا والله عليم احلالها

ماعثر الفارس جهام المعركه للمعركه فارس وللغدرا جهام
ونا لويت اخطامها وارسانهاعزي لهملات الرسن عزالها

[تم تعديل الموضوع من قبل عوض_القرني بتاريخ 10-01-2001 الساعة 11:57 PM]