(هموم المجتمع وصدى الشعر) (( 2 )) سعيد ابو ديه وخولان بن عامر

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
خولان بن عامر =
=يالله يارب فرجها علـى الصابـر
=وتعيضنا خير وجبر كسرة الخاطر
=رحنا ضحيه لسوق المال والتاجر
=مير العوض رحمة المعبود سبحانه




الشعب فلس ياوطن حتى الغني اصبح فقيـر=والناس من ما صابها تشكي على الله حالهـا
بين المراتب والرتب والوضع حساس وخطير=ياهيئة ا لسوق العرب فـي حالـة يرثالهـا
سعيد ابو ديه=
=يالله دخيلك وبسـم الله علـى قلبـك
=اثـر الوساويـس ياخـولان تلعبـك
=تحمـد الله وعنزهـا علـى ربــك
=ترا العوض من عظيم العرش سبحانه




اركد ولا ترتاب هونها جزاك الله خيـر=بكره جميع الناس بامر الله تزين احوالها
علامة ؟ بين اقـواس والعاقـل يحيـر=امـا كـذا ولا كـذا ولا بهـا ولا لهـا
خولان بن عامر =
=الله واكبـر عليكـم ويـش سويتـو
=مستخدميـن الحصانـه كنهـا فيتـو
=بالله بالله قـلـي ويــش خليـتـو
=مير العوض من عظيم العرش سبحانه

حنا ركدنا غصب ماباقي مفر ولا مطيـر=حتى العجوز ام الضمان خذتوا عليها مالها
ماباقي الا نجلب الخلفات في سوق (....)=هاذي قضيه بلشت الجهّال فـي عقّالهـا
سعيد ابو ديه =
=اعمى الطمع قلبك الملهوث وعيونـك
=والحيـن بلشـان ياخـولان بديونـك
=الله يعينـك ولا خلفـك ولا دونــك
=مير العوض في عظيم العرش سبحانه




ماتدري ان البحر هاموره كلا الحوت الصغير=وسط البحور اللي صفقبك موجها في جالهـا
واليوم تنشدني عن الذمه وتأنيب الضميـر=والناس غايه وانت ياخولان حالـك حالهـا



خولان بن عامر =
=انتوا زرعتو الطمـع ياربعنـا فينـا
=حتـى جلبنـا مواترنـا واراضينـا
=حتى المصاريف طارت من مخابينـا
=مير العوض في عظيم العرش سبحانه






قلتوا تعالو وابشروا بالرزق والخير الكثيـر=حيله علينا والحيّـل مـن صادهـا يحتالهـا
حتى المطر با اسبابكم محبوس والديره هجير=وقلتوا علوم قبلكـم مـا واحـد قـد قالهـا
سعيد ابو ديه =

=ياحول يادمعة فاضـت مـن الحاجـر
=ياطير ياللـي توقـع يـوم وتهاجـر
=المستفيـد الوحيـد البنـك والتاجـر
=مير العوض من عظيم العرش سبحانه






العام لول في روابي نجد نسمـع لـك هديـر=واليوم ترغي مـا تشيـل اخفافهـا وثقالهـا
ما طار طير الا وقع في القاع من عقب المطير=والله يجيب الخيـر والمزنـه تهـل اخيالهـا
خولان بن عامر =
=االبنـك غشـاش لامذهـب ولاملـه
=وبعض الهوامير متلـه جعلـه العلـه
=وفي هيئة السوق لغز ما انعرف حلـه
=جاك العوض من عظيم العرش سبحانه






تكفى يابو متعب خذوا مال اليتاما والفقيـر=ياذخرنـا ياعزنـا والمملكـة حنـا لـهـا
اللي حصل واللي جرى في مجتمعنا مايصير=اطهر بلد واشرف بلد يسرق حلال عيالهـا

سعيد ابو ديه =
=بين الرضاء والغضب نحتار ونجامـل
=هنا هنا المشكلـه ياسيـدي الفاضـل
=والله يعينك على مـا جـاك ياغافـل
=مير العوض من عظيم العرش سبحانه




نخشا عواقب دعوة المظلوم في الثلث الاخير=والله يكفينـا مـن الدنيـا وكثـر اهوالهـا
ياللي تحرا للبشـاره بكـره يجيـك البشيـر=وانا اشهـد انـه قدهـا والكايـده حلالهـا


[/poem]

خيل الحرشا حمد هذا اللعب ولا بلاش


وداعتك يا عبدالله أنت وخولان وسعيد متى مابغوا يلعبون تعلموني عن طريق الرسايل الخاصة

ولاهنتوا

خيل الحرشا حمد هذا اللعب ولا بلاش


وداعتك يا عبدالله أنت وخولان وسعيد متى مابغوا يلعبون تعلموني عن طريق الرسايل الخاصة

ولاهنتوا

[align=center]والف نعم ياخيال الحرشا

وهذا شرف لنا يالوافي[/align]

لعب كبار وابداع متقن ابوديه وخولان ولاغرابه في الجزاله والذوق الرفيع

تسلم يمناك يابوعابد ولاهنت

ياسلام ياسلام



لاهنت ياعبدالله



ذهب سعيد وخولان



ذهب ذهب



الله يحفظك ويحفظهم

ابشرووووووووا يا الربع


واللي يبيني أعلمه وين باقي الحلقات بتقوووم يعلمني وأرسل له رساااااااااااااله



حاااااااظرين للطيبين



تحيااااااااااتي