شعب الكويت

[ [poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
شعب الكويت

محاورة بين الشاعرين : جبار مقعد بن جبر السبيعي و محمد مبارك الردعان

جبار السبيعي:
سـلام يا شـعـب الـكويت أمـير وأفـــراد = يا أهل البلاد اللي حوت مهجة فــؤادي
عشنا ثلاث عقود معكم يا أهل الأمجاد = وأعـدكم ربعـي وديرتكـم بــلادي

محمد الردعان:
يا مرحبا والـطـيبـه في الـطـيـب تـنـقـاد = ومقـابل أهل الـوافـيه غـايـة مــرادي
الله يـحــيـكـم وهـذا طــبــع الأجــواد = ما يجحدون الطيب والعلم الوكــادي

جبار السبيعي:
يا محـمد الـردعـان جـاد الـمـلـح والـزاد = وأنا أفتخـر في عرف خـطـلان الأيادي
وأنا زعجت الصـوت مـير الـصـوت مـا فـاد = ما فيه واحد قال وش يـبـغى الـمنادي

محمد الردعان:
بـلاك مــن نــاسٍ لــهـم مــصــدر ومـيراد = ما فـيـهم اللي عـن طـريق الحق غادي
يمكن تصيبك صدفتٍ من غير مـيـعـاد = إن كان عـيـنك ما دخل فيها الرقادي

جبار السبيعي:
حـنـا قـبـايـل مـن بعــضـنـا يابن شـداد = وألـيـا قــدح زنــدك يبا يقدح زنادي
أنا ونـفـسـي يـا حـكيـم الـعـرف بجهاد = أحدها للـبحــر والـحـظ إمـتـحـادي

محمد الرعان:
لـيـلٍ نـشـوفـك عـنـدنـا مـن ليل الأعـياد = مثل الـمزون أن سيلت في كل وادي
من جـاك قـله مـرحـبـا وأن راح وش عــاد = ما أشوف فيك أقصور يا راع الشدادي

جبار السبيعي:
أنــا بــشـر مـانـي لـراع الـعــرف جـحــاد = والسيل يـامـر فيه خـلاق الــعبادي
ما نــخـتـلف لـو تـختلف معك أمة الضاد = بالـمـوجبه بأيمانك سيوفٍ حـدادي

محمد الردعان:
ما جـيــتـنـا الأ من ديـارالناس الأجـواد = جيّتك من ناسٍ يضدون الـمـعــادي
ما يـستـوي بـين الـرفـاقــه هـوش وعـنـاد = يا رايةٍ ما تـنـكـس وقت الحدادي[/poem]

جبار

صح لسانك يابو محمد

وبن ردعااااااااااااان كاااااااااااارثه

والله اني اطرب لهذا الرجال

لاشك انكم تطربونا بين الحين والآخر بما تنقلونه من محاوراتكم معه

مره اخرا لا هنت يابو محمد

ياسلام سلم ياسلام

أستاذي الكبير شعراً وأدباً وأخلاقاً جبار السبيعي صح والله السانك وصح الله السان الشاعر الكبير محمد بن ردعان

لعب على أصول قلما نجد مثل هذه المحاورات بيض الله وجهك

سجل إعجابي

صح لسسسسسسسسا نك يابو محمد

وصح لسسسسسسسسان الردعان



دائماً محاوراتكم جميله..



تحياتي..

صح لسانك


ولسان الردعان



محاوره قيمه تليق باسميكما


لاهنت

صح لسانك يابومحمد


وصح لسان الردعان



شعراء كبار ومحاوره رائعه



لكم تقديري واحترامي

أبو محمد صح لسانك مدد

والله يطول حياتك

وصح لسان ابن ردعان

ولاتحرمنا من محاورات الديوانية اللي أنا خابر
الله لايحرمك الجنة

تحاياي

ابو محمد

صح السانك والسان ابو عبدالرحمن


محاوره رائعه من شعراء مبدعين

لك تحياتي

انها من الصدف الجميله ان يكون أول دخولي بعد طول غياب مشاهدة هذه المحاوره الجميله بيّن شاعرين أكن لهم كل الاحترام والتقدير
صحت السنتكم محاوره قمه في الأبداع وانتم شعار شهادتي فيكم مجروحه حيث تجمعني معكم صداقة سنين طويله


تقبلوا خالص تحيااااتي // أخوكم سعود بن دواس

أخي وزميلي العزيز شايع العيافي
أشكرلك تواجدك وكلامك الجميل
وهذا من ذوقك الرفيع يابو فارس
ونحن نحتاج للنقد والشرح الصادق
لأهنت
تحياتي لك

أخي وزميلي العزيز حمد الدحابيب
كلامك تشجيع لنا وتواجدك يسعدنا
لأهنت ولك شكري وتقديري الخاص

أخي العزيز مفرح عبدالله بن بداح
صح بدنك وأنت أجمل ولأهنت
يابن العم

الزميل حسين العبدي
أشكرلك تواجدك ورايك
وصح بدنك

الاخ العزيز الزميل الفاضل هادي بن عسكر
صح بدنك وأنت أكبر وأروع
وكلامك يشجعنا وتواجدك يسعدنا
مع خالص تحياتي

أخي وعضيدي العزيز عريمان السبيعي
أشكرلك أهتمامك وتواجدك ورايك
ومشاعرك النبيـلـه
كل ذلك من مايشجعنا
لأهنت