حسين الحارثي وشايع العيافي وكان للأبداع أجتماع

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
حسين الحارثي

ياسلام على صرح النداوي عموم=صرح حبه بقلبي زاد طيب وغلا
يالعيافي عسى حظك معايه يقوم=ياصحيبٍ مخلي صاحبه فالخـلا

شايع العيافي

مرحبا بالنيابه كـل ليلـه ويـوم=ارحب ارحب يابو بندر هلابك هلا

ودي اني مجمل كل ماجاء لـزوم=مير مايكمـل الا الله جـل وعـلا

حسين الحارثي

البقا يالمرحب عن قوي العـزوم=كلكم ربع ياشايع وحـن ازمـلا

قبل عنهم تدافع قبل اشن الهجوم=اضبط الوقت لازيد البلاوي بـلا

شايع العيافي

للعلوم الجميله فـي يمينـك وسـوم=حدثتنـا الليالـي وشهـدوك المـلا
مير لا تحسب انك حوت بحر ولهوم=يمكن تغص باللقمـه لونهـا حـلا


حسين الحارثي

ليه عنا تغيَّب وانت رجل امعزوم=مايسوي سواتك غير ناس ابخـلا

من يدور يابو فارس لفرك الخشوم=يبشر بمطلبه مضمـون ومكمـلا


شايع العيافي

يابو بندر يشح الوقت وانت محشوم=ودي ارضيك والساعه مافيها ولاء

صل خلف الأمام وخل عنك الهموم=لاتصلـي ورا الشيطـان يامبتـلا


حسين الحارثي

من غلاتك دعيتك مع رجال قروم=مير غووك نـاسٍ للبعيـد اعمـلا

صاحبك صار شيخ امفسرٍ للحلوم=يوم بعض الخلايق من خلا في خلا


شايع العيافي

بين بدر البـدور وبيـن نجـم النجـوم=ما تسـوق مبـادي "حنـا" ولا "عـلا"

ان عطاك الزمن واصبحت مانت محروم=اذكر انه شـرب وقتـك عليـك وكـلا

حسين الحارثي

انت منته بحاكم رجل عشت امحكوم=الله مصخـرك لـنـاس ياهـمـلا

ان بغيت الحقيقه فاسترح وامخـدوم=عشت مجهول واليا مت لك نجهـلا


شايع العيافي

وقفة العز مايبلش بها الا الرخـوم=يا حيـاة تعـز الحـر ولا فـلا

يا حسين الك رب في عباده رحوم=من عطاياه بعض الخلق سج وسلا


حسين الحارثي

من يقول الحقيقـه مانلحقـه لـوم=وانت يوم اعترف اتعد صاحب ولا

احمده يوم سلطني على كل قـوم=لين صارو من الرهبه تقول ادخلا


شايع العيافي

قسمنا يابن حارث من خيار القسـوم=وانت لا جاء الصحيح حصان ومجملا

عقب طول المجادل فيه زبدة علـوم=تحسبنك متشالي وانـت مابـك شـلا

حسين الحارثي

كان جت للقسايم طيركم مايحوم=من قديم الليالي يالعيافـي جـلا

الشلاوى يابو فارس تعرف البقوم=واللحى فوقهـا شـواربٍ تفتـلا
[/poem]

ابو جابر يامال المعزه ايوالله
جهد تشكر عليه يالغالي
اخدمك فالافراح والليالي الملاح

اخوك
حسين الحارثي

أشهد إن أبو فارس ماهوب شحوح لكن الزمن

بعض الأحيان والظروف تلعب دورها

حسين الحارثي مبدع دائما وفي أي مكان تحل به ...

شايع ... يقولون دايم لبّى كلش ...

تحاياي

لاهنت ياحمد
والعيافي وحسين يستاهلون كل طيب
مع خالص التحايا

بيض الله وجهك يابوجابر و الله لا يهينك

وصح الله السنة الشعراء الكبار حسين الحارثي و شايع العيافي

وافين وجزلين

تحياتي

اخوك

اررررررررررحبوا



والله لايهينك يابوجابر على المجهود ولايهون الحاضر




واشهد بالله ان شايع وحسين مبدعين



لكم احترامي وتقديري

بيض الله وجهك ياحمد و الله لا يهينك

وصح الله السنة الشعراء الكبار
حسين الحارثي و شايع العيافي

وافين وجزلين

تحياتي

بيض الله وجيهكم

الحقيقه فاتني هالمحراف لكن مقبلات الليالي تجود

العيافي -شاعر كبير وعلم وشهادتي فيه مجروحه --والله ابو فارس ونعم ونعم

الحارثي حسين = هلا والله بالحسيكي ونعم فيك يابو بندر شاعر قدير ومميز ولكن لا يقطعنا

تحياتي للجميع