محاوره بين محمد الردعان ومجعد بن متعب

جرت هذي المحاوره بين كلٍ من الشاعر محمد الردعان والشاعر مجعد بن متعب


في يوم الاثنين الموافق 19/9/2005


[poem=font="Simplified Arabic,7,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
محمد الردعان

ماني على مجعد شفوق ان صك بابه وانطوا = حنا ليا صد الخوي نلقا على الدنيا خوي

حنا سوا في حال والا حال ما حنا سوا = اليا قربنا من هذاك الضلع والذيب يعوي

مجعد بن متعب

يا محمد الردعان لا هبت ذعاذيع الهوا = تبا تشوف اللي مع الطرقه ويلويها لوي

ان شفت ذيب وراح ذيب وذيب قدامك عوا = ياللي تحب الناس ما ظني تساويها سوي

محمد الردعان

احد ٍ قوا يشتالها بالمتن واحد ٍ ما قوا = الله يعينك يالضعيف اللي مخاوي لك قوي

كم واحد ٍ ضامي ومرته السحابه ما رتوا = البرق يبرق فالسحابه والرعد جاله دوي

مجعد بن متعب

حنا ليا شفنا المريض نقوم ونجيب الدوا = وان كان ما فاد الدوا ما عندنا غير الكوي

انت السبب بالمشكله واللي نوا غيره نوا = واللي ورد هداج يا محمد لزوم ٍ يرتوي

محمد الردعان

لا تختلف في طرقتك لا شفت لك نجمٍ هوا = خل الطريق الملتوي واخذ الطريق المستوي

الغصن يخضر وان قطعنا الماء عن الشجره ذوا = هذي حقيقه وانت يا مجعد معك عقلٍ سوي

مجعد بن متعب

النجم لا منه هوا يزعج وضاع المحتوا = لو كان كل المعرفه فالصدر حاويها حوي

لا تقطع المعروف يالمعروف والراوي روا = لكن لا منك زعلت الناس تشويها شوي[/poem]

ابو عبدالله

أشكرك على اختيارك لهذه المحاوره

فعلاً اخترت ماده جزله والشعراء أجزل (أعلام شعر)

من شعراء الكويت المعروفين الذين لا يقدمون إلا المفيد

محمد الردعان شاعر كبير وعلم من أعلام المحاوره المعتبرين

ومجعد بن متعب شاعر جزل كذلك ويتميّز بجزالة المعنى

وشهادتي فيهم مجروحه حيث انهم من اقرب وأعز رفاقي

وانت كذلك يا ابو عبدالله

تحياتي لك

الله الله يابو عبدالله


الله لايهينك على ايراد هذه المحاوره بين اثنين من اجزل الشعراء في النظم والمحاوره


شهادتنا لبو متعب مجروحه وايضا بن ردعان

ولكن كلمة الحق تقال


محاووره جزززززززززله


مره اخرى شكرا يابو عبداالله

وكل عام والجميع بخير



مشهوووور....

يا سلام...يا سلام

عز الله ما قصرت يا ذيبان...اختيار موفق و جميل

محمد الردعان شاعر له وزن و تاريخ معروف..و علم من فوقه نار

و مجعد بن متعب...شاعر تدل ردوده على قوته

تحياتي...

صح لسانهم

خلووووووووووووووووووووووووووووووووووووووها

الله اكبر

صح السان الردعان وصح السان مقعد

مشكور يابو عبدالله على النقل لاهنت

ابو عبدالله ............... جزل واخترت الجزل من المحاورة ..

تسلم يالغالي