عبدالله عتقان وحسين الحارثي في محاوره مباشره هنا يوم

العذر على الحضور المتأخر يالربع

ومتعودين الملعبه تبدأ من 11 مار مالنا نصيب ولكن خيرها بغيرهااااا والله



وان شاء الله

وصح لساان شعرائنا الافااضل وبيض الله وجيههم

ولاهاانو الحضور

يعطيك العافية يا بن عتقان انت وابو بندر
الحقيقة امتعتونا رغم اني جيت متأخر
تصبحون على خير

بيض الله وجهك يابو هذال ماقصرت
وبيض وجهك يابو بندر وماقصرت

شاعران احيا امسيتاً رائعه

ونشكر لهم إرضاء جماهيرهم المتابعه من اعضااء وزوار

وتمنى لهما التوفيق والسداد

وتصبحون على خير

أخــــوكــم /
فـهـد الـذبـيــانـي

ابو هذال

يعلم الله انك مدرسه مستقله ماعندي في الهرج وانك تمتاز عن الكثير بخلق وتواضع وشاعريه فذه لو انك تراوغ احيان هههههههه
لكن يعلم الله اني استفدت منك ومن هذا اللقاء الرائع والمهم والاهم هو الالتقاء بالاخوان هنا واسعادهم قدر الاستطاعه
الف شكر لك انت خص والاخوان المتابعين من كل مكان وعلى راسهم الشاعر وصاحب الموقع/حمد السحيمي الذي شرفنا بحضوره رغم
مشاغله وارتباطاته الكثيره وكل الاعضاء المتواجدين لاتحضرني اسمائهم الان لكن كل الشكر لهم من القلب وكل الضيوف المتواجدين معنا

يعطيكم الف عافيه

فهد والدعوجي

تابعت الحديث واتوعد بهجوم عنيف على الدعوجي ولكن ليس الآن

ترى المبدأ عندي يالدعوجي انتبه تبدأ انت


تحياتي لجميع من تابع هذه الأمسية الرائعه واهني المتحاورين على هذا الاحتفاء

تحياتي

الحمدلله رب العالمين 0سبحانك اللهم وبحمدك اشهد ان لااله الا انت استغرفك واتوب اليك

شعراء هذه الامسيه الرائعه

الشاعر الكبير --عبدالله ابن عتقان السلمي

الشاعر القدير الراقي --حسين الحارثي

نشكر لكم تواجدكم هذه الليله التي امتعتونا فيها بتواجدكم وتحاوركم الرائع

نشكر لكم رحابة صدوركم واعطاؤنا من وقتكم ساعتين كنا نعيش فيها اجمل اللحظات وامتعها

الشكر مووووووووووووووووصول للاخ --فهد الذبياني الذي نسق هذا الموعد

الشكر لكل من حضر وشارك

تقبلوا تحيات اخوكم --ابوعبدالرحمن

محمد السليس

هلا ومرحبابك

المفروض انت من يرحب بنا لكن خيرها بغيرها وانا اخوك مثلما قلت انت

والحقيقه انا قدمناها من اجل الدوام والارتباطات

[poet font="Simplified Arabic,4,white,bold,normal" bkcolor="transparent" bkimage="backgrounds/3.gif" border="double,4,gray" type=0 line=200% align=center use=ex length=0 char="" num="0,black" filter=""]
حسين الحارثي
يامرحبـا فالنـداوي منبـر وصـرح الثقافـه=اقولها بالنيابه في رجوعك يابن عتقان
وينك مغيّب سنـه والعـام الاخـر فإنتصافـه=عن النداوي وعن جمهور لك في كل الاوطـان
عبدالله عتقان
دام البقا يارجالٍ قاموا بحـق الضيافـه=أنا اشهد إن الكرم والطيب فالوافين عنوان
بيني وبين النداوي لو حصل بعد ومسافه=العين تحتاج له والقلب بالأشواق مليـان
حسين الحارثي
الدرب موحش لكـن القـرم ماينظـر خلافـه=يمشي لوإنه يشوف الموت قدمه شوف الاعيان
من عقب راع الشداد اقفـى وقلنـا ياحسافـه=صار الرديف افضل وفرحو سليم وكل قحطـان
عبدالله عتقان
كم خطوةٍ ياحسين أتسيـر مافيهـا كلافـه=وكم خطوةٍ ياحسين أتودي الماشي خبر كان
الحمدلله بخير وصاحبـي حـط أعترافـه=أهم شي أخبر الكاتـب يسجلهـا بعنـوان
حسين الحارثي
اللي يريد المعالي لايجـي درب الضعافـه=لكن لامن سرا فالليل لايبـرز لـسرحـان
عشرين زايد ثلاث وصاحبي مافيه رافـه=والجوع والفقر فالصومال من قديم الازمان
عبدالله عتقان
خيرت الأصحاب بين البرتقاله والجوافه=بالذوق بالسعر وألا يالحسيكي فوق ميزان
أحيان فيك الذكاء وأحيان تأخذك اللقافـه=مالك ومال الدول خلك بأبوراكه وميسان
حسين الحارثي
ياللي تخير هل الطاله على كسب الزرافه=ماظن يرضونها السلمان شيبانٍ وشبان
تقولها لاجل ما تقصدت من بنك الصرافه=شاعر وتاجر وفاتح لك يابو هذال دكان
عبدالله عتقان
ياعسكري تلبـس البدلـه ولاعنـدك قيافـه=وأكبر مصيبه تقف في شارعٍ بالناس زحمان
كلٍ يمـدد رجولـه قـدر مايكفـي لحافـه=أخير وأحسن مثل يطلق على راضي وزعلان
حسين الحارثي
ترا الشعر وزنٍ ومعنى وثالث شـرط قافـه=وانته تجلي عن الاوسط وتحبك باق الاثنـان
الله يخلـي كـرام اليـد ورجـال النظـافـه=واخص راع الكرم والطيب في هالوقت حوران
عبدالله عتقان
عينك على المركز الأول وحققت الوصافه=وإذا تبي الصدق ماقصرت لو مأنته بكسبان
أكل الذبيحه يأبو بندر وحل مـن الكنافـه=يمكن سعادتك هذي تنتهي في رمشت أعيان
[/poet]

[align=center]الشاعرين الكبيرين



عبدالله بن عتقان و حسين الحارثي




صح ألسنتكـــــــــم على الطاروووق



وكان ودي اتابع معكم لحظــة بلحظــة لكـــن ماقصروووا الربع



بيض الله وجيهكـــم


لاهنتـــــــــــــــــــــوا[/align]

حسين الحارثي
عبدالله بن عتقان

لقاء قمة لقاء من الوزن الثقيل
الله لايهينكم


رسالة لابن عتقان :
الله الله في النداوي .. لاتقاطعنا طال بقاك ..

تحاياي

محمد الغيثاني

مرحبابك ياخوي محمد متابعتك مكسب وانا افداك حتى لو جاءت متأخره

لكن لايهم اهم شي هو متابعة المحاوره ولو بعد الانتهاء مع العلم انّا منوهين قبل ثلاثه ايام


عريمان السبيعي

هلا فيك شهادتك اعتز وافتخر فيها انا شخصياّ

واما عبدالله عتقان فهو غني عن التعريف والاطراء

وان شاء الله انه يتواصل معنا على طول عبر هذا الصرح الرائع

سهيرالليل

الشاعر الكبير / عبدالله بن عتقان

والشاعر الخلوق / حسين الحارثي

آسف ولا تكفي
بعدم حضوري ولكن ضروف العمل

حقيقه محاوره جميله وحضور اجمل اثرت المنتدى بحضور ممتاز

تقبلوا خالص تحياتي

محمد الجربوعي

مرحبابك يالغالي

والساعه المبارك هاللي جتبك

لاهنت وبيض الله وجهك

ولاعليك زود

اخوك

سهيرالليل

الشعراء المبدعين
حسين الحارثي
عبدالله بن عتقان
تمنيت الحضور في هذه المواجهه القويه والرائعه ولكن ارتبطت بظرف
والحقيقه محاوره قمه في الفتل والنقض وهذا غير مستغرب من شعراء مبدعين بشعرهم ومشاعرهم



للجميع تحياتي

ابو بدر فالح

هلا وغلا

اسف تاخرت في الرد

لكن حضورك له طعم خاص

لاهنت

وماقصرت يالغالي

الف شكر لك على التعليق الرائع والاطراء الجميل

اخوك

سهيرالليل