ياسلامي عليكم بعد غيبه طويله

السلام عليكم ورحمة الله وبركاته

اقرب نداوي يقلط حياه اللله

ياسلامي عليكم بعد غيبه طويله 0000 جيت اسلم على الاصحاب قاصي وداني

يالله اني طلبتك في علوم الجميله 0000بعد هاضت هواجـــيسي وغنّا لســـــــــاني

تحياتي

وعليكم السلام ورحمة الله

ياهلا بك ..


مرحبا الف يا راع العلوم الجزيله ....... ردة ن من بعد ما زان طرق المغاني
عن هل المنتدى يا مسندي با رتكي له ....... مرحبا بك وانا با قوم واجلس مكاني

تحياتي

اخوي الدعوجي...

ما ادري ناوي تواصل والا لا ؟؟

ابو عايض ..

البقا لك

استلم

البقا يالمرحب عد وبل المخــــــــــيله 0000 ياولد يام ياراع العـــــلوم السماني


كيف ابجلس مكانك وانت شيخ القبيله 0000 من هذاك الزمان اليا هذاه الزماني



تحياتي

ما عليك زود ..
استلم ..


احمد الله ربي حطني في سبيله .. .. صدفة غاليه ما جات لي بالتماني
والله انك بعلم الطيب باعك طويله .. .. هات علمك وانا بارد لك في ثواني

.. مع التحيه ..

السمع

الخفيفه خفيــــــفه والثــــقيله ثقيله 0000 مار عشرك يامـــسفر لاتعود ثماني

الشرك حول راسك نفتله كل ليله 0000 وانت ماعاد تدري عن فلان وفلاني

خلوها .

طال عمره يبينا ظنتي ننثني له .. .. لين ننشده عن غيبته من ذا الزماني
يا نجوم السما اللي ساريه بيني له .. .. لا يضيع ما بين الجدي ويا اليماني

اسمع

مايدل الدروب الا الرجـــال الدليلــــــه 0000 عد ثنتين راحت يالبعير العماني

وان تعبت استرح في ظل شجره ظليله 0000 لا تظلي تلوّى كنّك العقرباني

تحياتي

ارحبو ارحبو اااااااااا

انا اقول المنتدى اليوم منور ..


يامرحبا والله يالدعوجي " والله اني صادق " زاد النور نور ..

جيتك مثل المطر .. لا تقطعنا ..

مسفر اليامي : انت يوم سجلت تقولانا شاعر نظم .. وشلون صرت شاعر محاوره .. !!

قامت تطلع الفنيات والابداعات ..

سلمتو .. متابعين لكم ..

لعلك البقا يابو ثامر

المنتدى منور باصحابه

انت راعي وفا اول وتالي وعساك سالم وغانم وانا معكم ومنكم وفيكم

الدعوجي يامرحبا اسفرت وانورت شاعر وتهمني متابعته


الأخ مسفر اليامي ياسلام عليك وتراني مع صفك والليل اليل

البقا والله بالجميع ..

وسلمتوا جميع ولا هنتوا ..

وانا يا بو ثامر ترا مجرد تجربه اولى ان كنا شفنا في السيل مجزع والا ما انحراف عليها بكايد .


اخوي الدعوجي انت تركتني البارح ومشيت والظاهر انك نا وينا نخربها من بدري

خلوها يالربع .................

الله الله على بعض القلوب العليله .. .. ما تفرق ما بين قصير ن ورمضاني
كان يا هوه ما نقدح زناد الفتيله .. .. هيه فالطهبله ما تنفع الروغاني

ماتخرب يامسفر وانا وانت سوى

وبعدين البارح اخر ردي كان الساعه8،28 وانت رديت الساعه9,04 يعني اكثر من ننصف ساعه ونت اخبر دواام ومدارس وغير معقول الانتظار اكثر من نصف ساعه ولك تحياتي

اسمع

انت ياليامي اعلومك كثيره قليله 0000 حسبك الله ظلمت الناس يامودماني

تاكل من العسل وتطش حب البليله 0000 وان لمسناك تجفل يابطل ماتداني

تحياتي

ياهلا بك .
والتاخير البارحه اعتقد انامن الجهاز .....

ولكن ما حصل الا الخير ..

استلم .....

خل منك العلوم العلم عند الحصيله .. .. امس تسلك طريق ودربك اليوم ثاني
امسك العلم وان جيت القطا في مقيله .. .. لا تغبي عليه الفي ما هو يداني

مع خالص التحيه ....

اسمع

تخلط الهيل يامسفر على الجنزبيله 0000 تحسب ان الشعر ضرب الشحم فالصواني

ياحليل العميل اللي يخلـــص عميله 0000 مايظلي يعلك الهــــــرج علك اللبــــــاني