رد الشــــــــــــــــــــان؟

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
السلام عليكم ورحمة الله وبركاته
هذه اول مصافحه لي واتمنى ان تنال اعجابكم

مهرة(ن)يوم اقبلت تختال بغرور ودلالي=قلت في نفسي هني من حط في كفه رسنها
وقمت اقول انها مجرد صورة(ن)تسكن خيالي=مستحيل ان الحقيقه ينوجد هاالنوع منها
وقت عصريه وكن الشمس مالت لزوالي=جيت من دار(ن)بعيد وصرت ضيف (ن)في وطنها
وقفتي في الصيهد اللي شرق عنهم لشمالي=والعذر طيري دعيته لين لحظاته لعنها
باتعذر بشقر الجنحان دامه من حلالي=والعيون الناعسه لاراهنت بكسب رهنها
يوم شفته مقبل (ن)يمشي من البيت الموالي=والوعد بيني وبينه وقفة الصيهد ثمنها
عوده الين من غصون الراك لامن مال مالي=حظ نسناس الهوى وغصونه اللي يحتظنها
اقبلت مثل السحاب اللي تنشا به خيالي=والخفوق اقفى ورد الشان يوم انه زبنها
اقبلت يمي وهي بين الميول ولاعتدالي=قلت خذ روحي ولاصدق خبر قام ورهنها
ان تنطحها الهوى غنى لها يالال لالي=وان تقفاها يغير لغنيه ولالحنها
كامله بالوصف ياتركي وللاه الكمالي=فاتنه تفتن وصايفها ولحد(ن)قد فتنها
فاقت اوصاف الخشوف وفاقت اوصاف الغزالي=والجمال اليوسفي اصبح لها منها وعنها
لابعمر(ن) فات من عمري ولاعمر(ن)بقالي=جات صدفه في زمن ماكان يحسب من زمنها
انت يافرصة حياتي كلها ياراس مالي=والله انك عندي اغلا من بلدك ومن سكنها
كم شكالي عمدليق الورد منك كم شكالي=والقمر يشكي من انوارك وشكله غار منها
ويش اقول ويش اخلي ياالربع واللي جرالي=دام روحي هو سبب ماصابها واللي طعنها
صرت احب الطعنه اللي جات من غالي لغالي=كنها التأنيب عن مافات والتأنيب كنها
ولاجابه شفتها بالعين قبل اطرح سؤالي=يوم قلبي فز من صدري لها حتى زبنها

راشدجليميدالهاجري
[/poet]

مرحبا اخوى

راشد والله يحييك فى النداوى

وتشرفنا بنضمامك معنا ياالغالي


وصح لسانك على هاالقصيده الرائعه

وحنا فى انتظار قصايدك


تقبل تحياتي ياالغالي

اخوي مقبل النداح

هلاابك ومرحبا والله لايهينك على مرورك

الكريم واتشرف بك وبردك الاكثر من رائع

وتقبل تحياتي

مشاء الله مشاء الله نجم يا راشد اي والله اخذتنا في رحله ابداعيه تحمل سمات الشعر الجزيل الف شكر لك وبيض الله وجهك سجل اعجابي بهذه الفريده


تقبل اجمل التحايا

ابو تركي

راشد الهاجري

يامرحبا بك بين ربعك واخوانك

وقصيده فاتنه لابعد الحدود...تدل على شاعر متمكن

ابدعت فيها واجدت صياغتها

صح الله لسانك مليون يا راشد

وتقبل تحياتي

حسن العرجاني

حسن المسعودي

مرحبااااااااااالف والعفو يالمسعودي


واشادتك بي اعتبرها وسام على صدري




لاهنت وصح الله بدنك






وتقبل تحياتي





--------------------
راشدجليميدالهاجري

عزيزي حسن العرجاااني




مرحباااااااااااااااااااا الف تشرفنى بمرورك






وصح الله بدنك ملايين يالعرجاني








وتقبل تحياتي
--------------------
راشدجليميدالهاجري

الاخ: راشد الهاجري


مرحبا فيك


وصح السانك على القصيده الآكثر من رائعه




حمد بن عيد

حمد الناجعي


صح الله بدنك ومراحبا بك


واتشرف بمرورك الكريم


الله لايهينك وتقبل تحياتي
----------------------------------