يالله العفو ياسلطان الهاجري

يقول الشاعر القدير/ سـلطان بن وسام الهاجري جوابا لذلك الارعن



قال انا عند ظنك قلت لا بالله
==== اختلف فيك ظني نوبه ونوبه

قال واللي سواتك يدمح الزله
==== قلت والغلطه اللي منك محسوبه

من يباني على الشده رفيق له
==== لا يقصر بماجوبي وماجوبه

الرفيق المهجن رفقته عله
==== لا بس ِ لي عباة الود مقلوبه

لو يجامل معي والكره مشتله
==== المحردب تشوف الناس حردوبه

الرجوله شجاعه والردى ذله
==== لا تحن الحصان الا من الكوبه

يارفيق يحد السيف ويسله
==== كل مااقفى رفيقه حش عرقوبه

رفقة مالها مذهب ولا مله
==== يالله العفو والغفران والتوبه

لا اردد بعد شاعر بني هــــاجر محاولا مجاراته بكلام قد يسمو لمنزلة الشعر وقد يقول عنه كريم قصيده



جـــــــر سلطان فالمرقاب صوت له
ــــــــ ياهل الشعر فالمرقاب حيـــوا به

بن وسام وان غنا بقاف له
ـــــــ ـقيمه وحكمه بمعناه وعذوبه

شاعر يفتل الطاروق ويحله
ـــــــ ومتميز عن الشعار بسلوبه

افتخر يوم اقول اني رفيق له
ـــــــــ (نــْـعْــــمْ) قسمه من شيوخ تطاروا به

معك مانتبع الا نذال لا والله
ــــــــ كل رجال ياسلطان ودروبه

وانت مثلي تشوف الدرب وتدله
ـــــــــ تقطع البيد والخطوات محسوبه

ان دعا الموقف الغصاب قــــــــد له
ـــــ عز ساعة بني هاجر تناخوا به

والمهجن يروح بعيد واحسن له
ــــــــــــــــ لا انت صوبه ولا ني فالوطن صوبه

عــلــّم الغافل من اصحابنا قله
ـــــــــ ان مليون حاجه فيه عذروبه

لو يعيش الدهر ياصاحبي كله
ــــــــ دون كسب المراجل دوبه ودوبه

غض بالطرف مثلي عنه وامهل له
ــــــــــــــــ يشرب من البحر ماجاءه مطلوبه

النفيعي

صح الله لسانك ولسان ابومحمد



قصيدتك جزله وابو محمد جزل وفي اروووووووووووووووع القصائد قصائدكما




تقبل تحياتي/ ناصر ابن لقرع الهاجري

الأخ ناصر النفيعي


صح الله لسانكما


قصيدتان ولا أروع


الله يعطيكم العافية


تقبل تحياتي


أبو عبدالعزيز

اخوي/ ناصر لقرع
الله يسلمك ويعافيك

ياطويل العمر

تحياتي لك

ياسعود

هلا وغلا

شرفتني

الله يسلمك
تحياتي لك

انت جزل وبن وسام جزل
الله لايهينك

وانت وافي

ايها الهاجري المبارك

اسعدتني بردك يامبارك

تحياتي لك

الله يسلمك يالهاجري


تسلم

صوت لشاعر قدير/ سلطان الهاجري

وصدى لمتمكن / ناصر النفيعي

لاهنتم