(رثاء العظماء) لابن مايقه الحبابي

هذه قصيده للشيخ الشاعر / حامد بن علي بن مايقه الحبابي

وهي قصيده رثاء في أبنه ,,, وهي من القصائد المؤثره والذي كتبها بعد وفاة أحد أبنائه

البرره ..... حيث ألمنا هذا الخبر المفجع والذي نسأل الله أن يتغمد الفقيد بواسع

رحمته ويلهم ذويه الصبر والسلوان

أنه علي كل شيء قدير







[poet font="Simplified Arabic,14,burlywood,normal,normal" bkcolor="black" bkimage="" border="none,2,black" type=1 line=200% align=center use=sp char="" num="0,black"]
وأطيري اللي في ليالي هداده = تقطعت من راس كفي سبوقه
بانت مواري مقبلاته وعاده = لاطال عمره بان خافي عموقه
زرع نفد قدام ياتي حصاده = مات النبات ويابسات عروقه
ليلي من الظلما تزايد سواده = علي ثمر قلبي وطبه وعوقه
فرخ الحرار اللي بعيد مصاده = نازع عموقه للمراجل تسوقه
عينه وكفه وأن تحدث زياده = شفت السعاده في مباديء طروقه
قم ياخيالي تالي الليل ناده = قل له لذاذة نومنا مانذوقه
وقل له ترى حامد تقطع فؤاده = مثل الجريح اللي وساع فتوقه
وقل له ترى عودك تغير رقاده = يطلب رقاده والسواري تبوقه
يحط راسه فوق جال الوساده = ويشوف زولك بين جفنه وموقه
ويون وناتٍ عليها شهاده = دمعه وشمعات الفؤاد محروقه
وقل له عسى جنات ربي مهاده = زرعٍ زرعنا ماقطفنا عذوقه
وقل له جرى لي في ظروف أبتعاده = جرحٍ بجوفي ماتبرد حروقه
لولا رجاء اللي يرتجونه عباده = لاشق جيب الثوب وأفري شقوقه
لولا رجاء اللي كلنا في مراده = لازور قبره وأتمنى لحوقه
قلبي وزابه مثل شوك العراده = وعروق حلقي بالعبار مخنوقه
حلقي عدا به مثل ريق الجراده = مرٍ علي ذوقه غداه وريوقه
حزني بنصف الليل يبدأ عناده = وأهم يومي من بداية شروقه
هوَّن مصيبتنا زعيم القياده = حامي حما شعبه وراعي حقوقه
والشعب وأصحاب السمو والسعاده = جميلهم من تحت راسي وفوقه
الله يادار الوفاء والسياده = دارٍ لجزلات المفاخر صدوقه
من راس ركن الي جنوبي زباده =جعل الحيا توضي عليها بروقه
[/poet]

اخوي بحر





صح الله لسانك



والله يعطيك العافيه

اكثر قصيده أثرت فيني من لحظه سماعها للمره الاولى من ابن مايقه..
الله يلهمه الصبر انشاء الله في ضناه..
ويرحمهم الرحمن برحمته..

والف شكر اخوي بحر..
لاهنت..

قم ياخيالي تالي الليل ناده


&&&&&&&قل له لذاذة نومنا مانذوقه


ياوووووووووووووووووووووووووويل حاااااااااااالي يابحر وربي ماكملتها وصلت هالبيت

وجمدت00 ويابري حاااالي 00 والله يم اتصوور راعي القصيده عسى الله يعوضه

ويجمعه مع ولده في الاخره 00 مع اهل الجنه


والله ماينقال قصيده رائعه 00 والله اني اخجل اني ابدي علامات الانبهار 00 امام هذه الموجعه

ما اقوول الا عسى الله يروف بالحال ويرحم الفقيد ويصبر اهله ويلهمهم الصبر والسلووووان

.

انا لله وانا اليه راجعون
لاهنت يابحر
والرد ماعاد نقدر نقول شي والشاعر ابن مايقه

اخي العزيز

بحر


صح الله لسانك ولسان الشاعر بن مايقه والله يعوضه في المرحوم وبيض الله وجهك على الختيار المناسب

تحياتي وتقديري يالقرم




اسلم وسلم يابحر

اخي / بحر

عز الله انها قصيده توجع

والله يرحم الفقيد ويسكنه فسيح جناته وابن مايقه شاعر لا يحتاج تعريف

والله لايهينك على النقل

تقبل تحياتي / ناصر ابن لقرع

لاهنت يا بحر وبيض الله وجهك

هذه القصيده في إبنه سعد ,, حيث ان سعد كان مبتعث من قبل دولة قطر للدراسة في أكاديمية نايف بن عبد العزيز للدراسات الأمنيه , وتوفي في حادث سير ,, نسأل الله له الرحمه

تفاجأت بالقصيده في إذاعة قطر من قبل الشاعر ابن مايقه وكنت بعده في المشاركه

فعزيت له بعدة أبيات كتعبير فقط رغم علمي انها ليس بالمستوى الذي يؤدي الغرض ولكوني ارتجلتها بعد سماع القصيده وألقيتها على الهواء مباشرة بعدحامد بن علي
وكانت الأبيات كما يلي

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يبن عمي وصلنا العلم والله عليم = انّه افجعني اللي صابكم في ضناك

يا عسا من فقدته في جنان النعيم = والله يزيل عنّك همّك اللي بلاك

اصبر اصبر فديتك خابر انّك حكيم = والليالي بلاها ما خبرته خفاك

ماعلى الارض سيٍ دايم ومستديم = كل شيٍ تشوفه خاتمته الهلاك

قلت اعزيك وارجي رحمةٍ من رحيم = عظّم الله أجرك واحسن الله عزاك

[/poet]

أكرر شكري للأخ بحر وأعده وأعدكم أن أرسل قصائد الشاعر ابن مايقه لمن يرغب بها ولكم نشرها هنا اذا الله اراد حتى آخر القصايد

ويشرفني من ابن مايقه أبياته التي منها توقيعي

وأبلغكم سلامه للجميع

خوي المطاليق

يحط راسه فوق جال الوساده = ويشوف زولك بين جفنه وموقه

لا وا عزّااااااااااااااه يا سيف

ماجور يا قلب (وزابه مثل شوك العراده )

( وقل له عسى جنات ربي مهاده ) آآآآآآآآآآآآآآآمين الله يجعله في جنات الخلد

و اسال الله ان يربط على قلب شايبه

و الله يحسن عزاه و يعظّم اجره و يخلف عليه في اللي بقا له من عياله

اخوي سيف لا هنت على هالمشاركه و الله انه يا سيف غدا جسمي كنه ضاربه كهرب ميتين و عشرين من كثر ما يقشط على جلدي و انا اقرا القصيده والخافي اعظم

لا هنت مره ثانيه

اخوك فيصل

بيض الله وجهك يابوبندر بياض يشيع مع كل ريع

قصيده سمعتها بصوت شاعرها ويعلم الله حجم الألم اللي حسيت به في لحظتها

مانقول الا اللهم اجبر عزاه يارب

شكرا يابوبندر على ايراد القصيده
د

مشهور......

اخوي الكريم ...... بحر ...

الله لا يهينك ... وابن مايقه علم من اعلام الشعر ....

والرثاء اصدق الاشعار واقربها للقلب ...


تقبل تحياتي ......


اخوك:

عايض راشد

الاخوه والاخوات الافاضل


جزاء العتيبي

ريم قطر

عكاشه

مبارك الهاجري

محمد الحبابي

ناصر ابن لقرع

خوي المطاليق

فيصل

مشهور الخيال

عايض ابن راشد


اشكركم ... كثير الشكر علي هذا التفاعل الطيب مع هذه القصيده المؤثره

والذي اسأل الله ان لايريكم أي مكروه

وأن يتقبل الفقيد بواسع رحمته .... وأن يثبته عند السؤال ويلهم ذويه الصبر والسلوان

وتقبلوا فائق تقديري


أخوكم / بحـــــــــــــــر

السلام عليكم

قم ياخيالي تالي الليل ناده .......... قل له لذاذة نومنا مانذوقه
وقل له ترى حامد تقطع فؤاده ........... مثل الجريح اللي وساع فتوقه
أبيات تبكي العيون وتدمي القلوب
صح لسانك



ألى أخي/ بحر

جزاك الله خير على هالاختيار الموفق
والله يرحمه ويرحم موتى المسلمين ويصبر أهله

أختك / أماني