اباخذ لجازه والهدف سجة المرباع

[poet font="Simplified Arabic,14,black,normal,normal" bkcolor="blue" bkimage="http://nadawi.net/vb/images2/5.gif" border="groove,2,gray" type=0 line=200% align=center use=sp char="" num="0,orangered"]
اهدي اليكم هذه القصيدة :وارجو ان توفي بالغرض وتنال اعجابكم


ابأخذ الاجازه والهدف سجة المرباع...عسى الله يساعد ياحمد ناوي النيه
معي في اكس ار الفين ومسنع" لسناع... وعندي عزيمة قلب واريا وحريه
فحصنا على الموتر ومايطلبه في ساع... وشيكت بنزينه وجهزت مبغيه
ابي لستوى كنه خريش" حداه اصداع... تويقاد شيهان" فخت كف راعيه
الى انحا مع خاطي نظيم" كما المطلاع... خطيرا" عليه ايطير لولا كراسيه
عليه الدريول ساق صاحي عقل وذراع... غرامه طريق" ماتوقف تواليه
أخذنا بعض الاغراض من شيشة الهزاع... وباقي المقاضي تونا في النعيريه
وفرقنا على خط" يجي من شمال انطاع...وشفنا مبادي طارف الديره الحيه
نسفنا ادومات يسار ويمين حزم اسباع... وشفنا ملازم باطن الريش ممليه
وظهرنا على مجيلس ضحى والدبش رتاع... شمال ام جرف وشرق عن يمة علّيه
وظهرنايسار حمار قريه مع المهياع...هبوج وحتف وفياض وبحار حزميه
وظهرنا على اجباه اللهابه وذاك القاع... وجو عشريا" والمعارج شماليه
نسفنا الصداوي والهدف بدونا النجاع ...بجوف الشعيب اللي تطارد خباريه
وشفنا نبات القاع يومي به الذعذاع... خزاما وصفار ورقاريق وسميه
وشفنا الزبيدي بين سود الحصى صلاع... وريح الخزاما ينعش الروح ياحيه
وشفنا مجاهيم" تدق الرضم وشباع... تجول بجوا"راغباته رواعيه
عراض المثاني جملة" والنحور اوساع... وفجح" شمايلها عن الوزر قفريه
تحلوز سنام اظهورها اللي يجي له باع... طوال غواربها سناد" اهلاليه
ليا قاسها المربوع شبرا" ورى لكواع... طوال الرقاب مقلدات بمقطيه
يجي خدها شبرين كان الهدف ما ضاع... مربع هوام بين شلف اليمانيه
ليا رايعت لك وانت في جنبها ترتاع...كما القايد اللي مزعلينه افداويه
الى ماقبلت كنها هنوف" بدون اقناع... طويلة قوام وشافت اللي تبي جيّه
بها من بنات الريح زوم وفخر واطباع...تشانق بسير" كايداته مواطيه
والى حورفو في شدة" والحلال انزاع ... لهي لوله ماهيب ترعى بتاليه
زعوج" تلم القاع عوبا" على القراع... وراها الدبش بطح" تحفت سماريه
وأن حطو مزاين في المزاين خبرها شاع... مابين الدبش هضبة نظيم" لها فيّه
الى شافها العراف تمشي كما الفراع... يتيه النظر فيها وتكثر طواريه
يعود وذوده في عيونه تقول اضباع... عليها قصر حتى العلف والمحنيه
وبدينا على رجما" يعديبه الملتاع... وشفنا البيوت السود في الروض مبنيه
بيوت الشرف مابين خمس وست ارباع... بها للنشاما كيف من كيف بريه
بها للنشاما منسف" وان لفوه اجياع... على كل حزه ماتوقف مساعيه
وفيه الدلال مساطرات لهن لماع... ثلاثة افصول" ثالثتهن اعويديه
على مجذويا" فوقه السمر حط اتباع... وشغلا" نظيف" حايفينه شقرديه
ومر بالعشا الشايب وجات الصحون انواع ...فقارة قعود وحايلين اكراميه
ودارو بعدها الكيف واستتبعه نعناع ...وزادو وقود النار بالسمر مثنيه
وكمبودي ماكاسرو عنده البياع ...يزورون سوقه لو تصعّب مشاريه
وقامو على الخلفات كل العيال فزاع ...وكل" على وجهه ملاله حواضيه
عسى الله يعيد الغيث ويحسن الاوضاع ...على كل عام ينزل الوسم دوريه
نشتت به الهوجاس ونشتت الاوجاع... مادام الرجيل تسير والعين صحيه
حياة"بدون البر ما اظن فيها اطماع ...علي الحرام انها الحياة الشقاويه
حنين الرعد والبرق والغيث بالاجماع... يعوضك بالاسهم والحياة الثقافية
تقفو عن الدنيا زحول بها بتاع ... وعاشو بلا فله ومنصب مديريه
ولا فيهم التاجر ولا فيهم الزراع... ثمن رزقهم سلة عريني وجنبية
وتمت وصلى الله على المصطفى الشفاع... شفيع امته يوم الحشر والمخطرية
بيوم يعود خير للسجد الركاع ... وشر"على العاصين كسابة السية

وســـــــــــــــــــــــــــلامتكـــم

[/poet]

ناصر بن لقرع الهااجري



مساك الله بالخير


رحلة المرباااع وسجته ياسنااايدي انا اشهد ان انك اخترت الوقت الطيب لهذه الاجاازه




ابن لقرع كفيت ووفيت


وصف ماايلحقه نااقد ولا منقود


انا اشهد انك فصلتهاا وشوقت من في راسه النيه على المرباااااااااااااع













تحياااااااااااااااااااااااااااتي لك

ابن لقرع صح السانك وتسلم يمناك لاعدمناك


تقبل تحياتي ...... وليّ قرائه ثانيه للقصيده ومتابعة شاعرها الفذ

اخي /مدلهم

صح بدنك

ويسرني انك اول من قرأ قصيدتي

ولاهنت يالعايضي على الرد الجميــــــــــــــــــــل


تقبل ازكى تحياتي/ابن لقرع

الاخ الغالي

ابن لقرع..

صح لسانك وقصيدة تجمل راعيها

صح لسانك.

اخوك/ الشريفي القحطاني

ناصر بن لقرع


ماقصرت قصيده طيبه ووصف وافي لاهنت





صح السانك وتقبل تحيات اخوك





راشد النصافي

الاخ ناصر بن لقرع
شاعر جزل عرف كيف يرسم افكاره ببراعه
مثل هذه القصيده لايكتبها الاالشاعر المتمكن
صح السانك .. وتقبل تحياتي

وبدينا على رجما" يعديبه الملتاع... وشفنا البيوت السود في الروض iiمبنيه

تصوووير شاعر متمكن

اخوووي ناصر

صح لسانك وبيض الله وجهك 00 وعسى يمنا كتبتها ماتشل وخاطر غنابها مايضيق

اهنئك ياناصر على هالشاعريه واهني انفسنا ان بيننا شاعر بمستواك

تصوير رهييييب 00 سرد متناسق 00 جعلتنا نرى كل ماتصوره امامنا


اما انا عزالله اني نسيت نفسي 00 من عند شيشة الهزاع 00 وربي اني كني معكم

نفس طووويل 00 ياناصر قليل من يجيد مثل هذه القصيده وبنفس الحبكه


لك تحياتي وتقديري لاعدمتك

ابن لقرع



بيض الله وجهك




قصيده وافيه من شاعر مبدع



وصح السانك مليوووون


تقبل فائق احترامي

أخيك شبيب ابن شبنان

أخى : ناصر



الله يبيض وجهك



جزل



صح لسانك



وبيض الله وجهك


لك تحياتى

[nashama]

ابن لقرع


قصيده جزله وتعتبر ملحمه لا يستطيع رسمها الا شاعر فذ ذو همه عاليه وبتاعه، سج الأقدام في شفه وشف الغوالي النادره ليعطيها ما تستحقه عطايا الله .


تقبل تقديري .

اخوي ناصر بن لقرع لاهنت يا الطيب ويعطيك الله خيره ويكفيك شره قصيده جزله من جزل لاعدمتك

ناصر بن لقرع
،
،
للابداع موعد مع ناصر ..... الله الله عليك يالجزل
،
،
عزالله انك ماقصرت وفيت وكفيت وهذى من عوايدك
،
،
بيض الله وجهك على هالقصيده وتسلم يمين اكتيتها
،
،
والله ياناصر انها شيخه قصيد .. نومستنى يالقرم
،
،
سجل اعجابى وبانتظار الجديد يالقرم
،
،
تــــحيـــاتى لــك
،
بندر المطيرى

الاخ ناصر بن لقرع
شاعر جزل نقش إسمه بحروف من ذهب
صح الله إلسانكوعزالله إن به شاعر0000 وفي إنتظار جديدك إنشاء الله
تقبل تحيات أخوك الصغير
عشير ضيفه

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الأخ ناصر

نصرك الله على جميع من يحسدك
اللهم لاحسد
فأنت شاعر شاعر يجيد ربط المفردات
لك نفس طويل ماشاء الله
ومن قراء لك يسهل عليه قرائة
الصور (الكامنه)خلف كل بيت
ما بالك بصور الواضحه
ناصر
أستطيع أن أقول لك مصور فتو ..شعري
أي بما يقابل مصور فوتوغرافي
صح السانك يااااااااااناصر

[/poet]