انـتـبــهـــو ا يالــنـداويــــه00!

اخواني الاعزاء 00اخواتي العزيزات00اعضاء منتديات النداوي

صبحكم الله بالخير والرضا


لكل من وصلته رساله مني بعنوان (توصيه ارجو نشرها) بالأمس ارجو اتلافها فورا
لعدم مصداقيتها وهذا بعد التحقق والسؤال عن صحتها فقد اتضح لي انها افتراء وان من ارسلها
لي (ماعنده سالفه) المهم اقدم لكم جميعا00

اعتذار رسمي امام الجميع ويعلم الله انني لا اقصد من ارسالها شيء انما ان من ارسلها لي جعلها امانه
في رقبتي لنشرها وبصراحه(خفت) من ان اسأل عنها00

على العموم (انما الاعمال بالنيات وانما لكل امرىء مانوا)

ولأخواني الاعزاء00
فيصل العاصمي 00محسن الدويخ00
بيض الله وجيهكم00انا فعلا اتصلت على شيخ وسألته البارحه وقال لي ان محتواها غير صحيح وانتو ماقصرتو
الله لايخليني منكم00

ارجو قبول اعتذاري عن ارسال الرساله وليس العيب هو ان نخطىء وانما العيب هو ان نتمادى في اخطائنا00

وارجو من اخوي ابو ثامر او اخوي سعيد الحمالي تثبيت الموضوع لقراءته فيمكن ان اللي ارسلت لهم الرساله
قد ارسلوها هم بعد لأننا على نياتنا والله يعلم مافي الصدور00

شكرا للجميع والف شكر لمن قد نبهني من اخواني00

الاخت الراسيه

صباح الخير

اشكرك علي التنويه والحمدالله تدراكتي الامر بهذة السرعه ...والحمدالله على كل حال

اعترف بان الامر كان شغلي الشاغل لعلمي بأن هذا الموضوع لا اساس له من الصحه


" وما اتاكم به النبي فخذوه "

ولا ياتينا النبي بأمر ٍ الا والبينه بين يديه ..ولا يقوم ديننا الاسلامي علي الخزعبلات ...انما هو دين الدليل

فمن يقول : ان من الواجب على كل مسلم نشر هذة الوصيه فقد ادخل نفسه فى افك عظيم ..حيث لايجب على المسلم الا ما اتاه بالقران الكريم من اوامر واضحه او اوجبه رسول الله صلي الله عليه وسلم ..فلذلك نري في سنة الرسول ماهي واجبه وكذلك المستحبه التي لايقع اثم على تاركها ويجزي فاعلها ..فما بالكم بما اتي به شخص غيره او شيطان في حلم في حلم فاوجبتموه علينا ...هل يعقل هذا ...؟

اليوم صاير مطوع


المهم
اشكرك للمره الالف على التنويه وانشاء الله ما حصل الا الخير ...وبارك الله فيك يالراسيه


اخوك
محسن الدويخ

هلا ام فيصل

سوف نقوم بارسال رساله للجميع وهذا سوف يكون أفضل من التثبيت بكثير ..

تحياتي

عفوا ..

المفروض المراسلات الصادره لجميع النداويه تخص اخبار الشعر واموره فقط لا غير..

بعدينا عن الدين ...الخ


مجرد اقتراح ..


والامر متروك لكم


اخوكم
محسن الدويخ

اخوي العزيز / محسن الدويخ

لاهنت

بيض الله وجهك

اقول:


ماكنك قلبت مطوع في الرد الاول

وهونت في الرد الثاني

على العموم انا معك في كل ماقلت

وهونا من التوصيات

السمووووووووحه

لاعدمتك

الغالي جدا جدا جدا / ابو ثامر

مرحبا في ذمتي والله اني صادقه

جعل عمرك معمر وعسى راسك يسلم

وجعلك ذخر00


والله اني داريه انا دبلنا كبدك بس الله يعينك

علينا


لاهنت يالغالي

لا هنتي يا ام فيصل

و آجرك الله على فعلك و في كل حال

و انتي ارسلتي لرساله الاولى من طيبك

و اثبتي طيبك في رجوعك عن الخطاء لما عرفتي انه خطاء

وهذا شي طيب ان الواحد ما تاخذه العزه بالاثم و يتراجع عن فعله اذا تبين له خطاؤه

و اثبتي بارك الله فيك انك على مستوى الظن الحسن

لا عدمناك من اخت طيبه

فيصل العاصمي

الغالي اخوي / فيصل

الله لايحرمنا من الاخوان اللي مثلك

ولاهنت لولا الله ثم تنبيهكم لي كان صارت (علووووووم)


لكن الحمدلله بني آدم خطائين وخير الخطائين التوابين00


شكرا على سعة صدوركم علي

لاهنت

صباح الخير يا ام فيصل



وش عقبه



عقب ماقلت للعجوز وماخلت احد من قصرانا الا وعلمتهم



والله يهداك بس تبين تنكبينا بالوصيه ذي



تحطينها برقاينا وانتي ولا همك


علي العموم لاهنتي

اخوي العزيز / نواف ال مركوز

صباح النور

تكفى وانا اختك لا عاد تزود علي تراني كل ماتذكرت شكل عيالنا وعيال جيرانا

وهم يوزعون الاوراق كنهم يعملون مظاهره في هالقوايل احس اني توثمت فيهم


اشوى انها جات على العجز 00المشكله حتى الشيبان قامو يوزعون هاالاوراق يوم قلت لهم ان فيها

دراهم (الله لا يعاقبني)

المهم 00

السموحه وانا اختك العجايز يبون بيوتهم تعفا والشيبان يبون دراهم وانا ابتلشت00

المعذره من الجميع 00

تكفون لا احد يدعي علي00