ســـــــامــــريــات / مجدا تساما

السامر ويحلوا الحديث ويجلوا النفوس طهر الالسنه باطهر السير بعد سيرة نبينا عليه الصلاة والسلام والصحابه اقول السير الطاهره العطره بافضل الخصال وحميد الافعال من لدن الرجال الافذاذ ..
اقول وعلى الله الاتكال سبق ان وعدت انني ساورد هذه القصيده عن شاعرا خلدته السير في المجالس والملتقيات والسمر سيرته مع من يعرفه ومن لايعرفه اذا مادعاه داع لان يواجهه.. اقول مختصرا هذا الشاعر ليس شعره فقط اللذ ي اشتهر به وذاع صيته ولكن افعاله الجزال ومواقفه التي لايقفها الا الندرة من الرجال اضافة لشعره العذب المتدفق الجزيل اقول الشعر رافدا من روافد الرجوله والتميز ولكن رافد الشعر الفعل وذلك ماسمى بشاعرنا الرائع المتميز السامر صاحب السمو الامير عبدالعزيز بن سعود بن محمد بن عبدالعزيز الفيصل ال سعود يحفظه الله فتجلى فلكا تزين بكوكبة من النجوم والاقمار وسائر الاضواء والحلل ... مواقفه كثيره حفظه الله ولكن من مواقفه اذكر انني كنت في مجلسه قبل مايقارب الخمس سنوات فتسال سموه عن بيت من قصيده لمن من الشعراْ ومن يتوقع منكم كيف حفظ سموه هذا البيت وعدة ابيات اتت بعده .... لاحفظها انا والتي تربطني مع شاعرها معرفة وصداقه اقول حفظها مجرد ان سمعها ببرنامج شعبي بالتلفزيون السعودي وكان ذلك بالامس عصرا وسموه يوجه سواله لجلساءه فيقول من منكم شاهد البرنامج الشعبي امس فيرد الغالبيه بنعم فيتساْل سموه باعجاب بقصيده سمعها

الاخ/محمد عبدالله البدراني 00000000000طابت اوقاتك

نشكرك على هالمشاركه اللي تكلمت فيها عن فطنة وذكاء سمو الامير الشاعر/ عبدالعزيز بن سعود

وهذي طبيعة النادر

وان دل شي هذا انما يدل على ذائقة سموه اللي لاتهتم الا بالجزل وهذي طبيعة الجزل

شكرا يابو عبدالله وليتك تذكر لنا شي من القصيده 000 والا 00 احرجتك ماحفظتها يابو عبدالله؟
ماهيب مشكله نعطيك فرصه تتصل بصديق المهم نبي القصيده 00 اكيد ماعلقت بذاكرة النادر الا انها نادره من النودر

تحياتي وتقديري لاعدمتك

سامريات /سحر هاروت مع ماروت بالحانه

للجميع للنداويه اعتذاري فقد انقطع الارسال بنفس وقت ارسالي لمشاركتي السابقه وهئنذا اكمل سيرة عطره وقصائد البوح الصادق والقصيد الجزل يعشق هل الفعل الجزيز,,, واعتذار خصوصوي جدا لاخي عكاشه!!
:::::::::::::::::::::::::::::::::::::
.. اقول تساأل سمو الامير عبدالعزيز بن سعود حفظه الله عن القصيده التي سمعها بالامس فاجاب الغالبيه من جلساء سموه بالله نعم ولكن البعض خمن معرفة اسم شاعرها .. فمن محاسن الصدف ان شاعر تلك القصيده كان ايامتها بالرياض فذكرت لابو راشد حفظه الله انني اعرفه تمام المعرفه وانه متواجدا لدي تقريبا لحيث انه بالجهاد وحنا اخر شهر فياتي من الفويلق لاستلام راتبه وعلى الفور طلب مني سموه ان ادعوه لمجلسه غدا ..عموما ماحفظ من القصيده اللي تسال عنها سمو الامير عبدالعزيز الا ها الشطر والذي صار محور التسال عن معناه وماهدف اليه الشاعر وهو( .. البكره اللي غدة قدام لاسمها ) وفي الغد احضرت معي الى المجلس العامر باهله لاعدمناهم وبرواده من الادباء والشعراء والاعلاميين .. فوقفت على باب المجلس وقدمت الشاعر وقلت طال عمرك هذا راعي البكره وشاعرها حماد بن مريزيق البشري فرحب به سمو الامير واستقبله بوسط المجلس ثم اجلسه بجواره وبداء بملاطفة هذا البدوي الذي لم يالف مثل تلك مجالس ولكن اريحيه الامير وكرمه ازلا عنه كل ماقد يحول بينه وبين الابداع والتجلي فبدا بالقصيد وبتلك القصيده بالذات وعن هدفها فالمح لسموه بما قد توراه ابا راشد سابقا دون ان يصل البعض الى مارمى اليه الان ثم بدا بقصائد اخرى واذكرمنها مطلع:
عزا الله اني جلست وطال مجلاسي ........لكن عسى كل تاخيره بها خيره
.....:::::::: وكان سمو الامير سلطان بن سعود حفضه الله موجدا .. وكذلك من ضمن الموجدين الشاعر العلم احمد الناصر الشايع والشاعر الكبير راشد بن جعيثن والشاعر محمد الخس واخرين اشادوا بمواقف سمو الامير وتكرمه بدعوة مثل ذلك الشاعر المطبوع بالموهبه والشعر اللذي لم يلمعه الاعلام .. وبعد العشاء استاذن الشاعر حماد فما كان من سمو الامير الا ان سار معه لمنتصف المجلس وهو يساله ان لديه حاجه او يريد من الامير اي لزوم يقضيه له والشاعر يردد جعلك بالوجود والله يحفضك يالامير الشهم .. وبعدها بيومين ارسل لي الشعر حماد من الفويلق بهذه القصيده:
_________
يامحد الجابه اللي مالها نافي ........................ اقولها من ضمير هز وجدانــــــــــه
حر كمل في نقاء طبعه والاوصافي .................حلواٌ نباه وبعيدن شوح ميدانه
راعي هلا مرحبا مقدار للافي.........ــــــــــ......... ياطيب سلم النجيب وسلم جدانه
ماهو غريب التواضع والنباء الوافي................... من مثل عبالعزيز سعود واخوانه
السامر اسم لمع في راس مشرافي.................... الشعر فكره جمع حصه ومرجانه
عريب منسب واديب ومعدن صافي .............. روح الذهب منجمه واللطيب عنوانه
له في سنام العلا والمجد ميقافي ...................... علم شهوده من اصحابه وعدوانه
ليا جاء مجال الثناء مع سبع الاسلافي ................. يرجح مع اهل الوفاء كيله بميزانه
لولا مصابيح غدراء نورها طافي ................... كان الفعول الجليله مالها خانه
اللي لبس تاج مجد الـ بوسها ضافي ................... حر عرفته قبل لا طب ديوانه
اقصد سمي المعزي محذي الحافي ..................... عبدالعزيز الثلاثه يرفع شانه
مع طيب الافعال خلق وسيد عرافي ..................... واكبر دليل على الرجال خلانه
قبلي يقوله لبيب صخر القافي .........................القيل يبقا ء متى ماشيف برهانه
يامعدن الجود والنخوه والانصافي ....................... اقبل شذا العنبره مع ريح ريحانه
يوم انت راهي وللجزلات صرافي ....................... ان هس قافي بحلمك زل نقصانه

::::::::::::::::::::::::::::::::::::::::: وبما ان ذلك الشاعر وكما قال لسمو الامير قبل سفره مايعرف يدله بالرياض الا البدراني والا يضيع فقد بدا القصيده مخاطبا لي ومقررا بالتاكيد بان الشى الذي لاينفيه اي نافي هو مايهز الضمير من الفعل ويبقى امام ناضري من شاهده ويحوك بصدره حتى يوْ كده لمن لم يحضره والخبر ليس كالعين فهذا ماراه الشاعر حماد البشري بام عينه من طلاقة احجاج ابو راشد وتواضعه الجم ومعرفته للرجال وافعاله الجزال فروى ذلك حماد شعرا .... فاخذت بالقصيده الرساله وذهبت بها لابو راشد حفضه الله فقال لي هذا رجل طيب ونقي السريره وش رديت انت ... وانا غدا ساورد ردي لكم يالنداويه واعذروني ..
ومطلعه: اهلا هلا ماغدا للبرق رفرافي ............ واحيا الفيافي حقوق هل ودانه
باللي حوا القاف واللي باللقا وافي ......................والرجل يضهر كنينه منطق السانه ..
واكمل غدا انشاالله ودمتم بخير والله يحفظ لنا ابو راشد // امير الشعر وانســـــــــــــــــانه /////////

ابو عبدالله والله اعتقد انه مايقطع الاتصال بس انت تبي 00 تخلينا نتشووق

عجل علينا لاعدمناك 000 وحماد ابن مريزيق 00 مافيها كلام شاعر وصل صيته وقصايده 00 لكل مكان وخاصه اللي مع عيد ابن سمير 00 وصاحب السموو يقدر الرجال ولاهيب غريبه عليه

وعجل علينا بالقصيده الرد لاهنت


[poet font="Simplified Arabic,14,darkblue,normal,italic" bkcolor="" bkimage="http://nadawi.net/vb/images2/49.gif" border="double,6,deeppink" type=0 line=200% align=right use=ex char="" num="0,black"]
يامحمد الجابه اللي مالها نافي =اقولها من ضمير هز وجدانــــــــــه
حر كمل في نقاء طبعه والاوصافي =حلواٌ نباه وبعيدن شوح ميدانه
راعي هلا مرحبا مقدار للافي=ياطيب سلم النجيب وسلم جدانه
ماهو غريب التواضع والنباء الوافي= من مثل عبالعزيز سعود واخوانه
السامر اسم لمع في راس مشرافي= الشعر فكره جمع حصه ومرجانه
عريب منسب واديب ومعدن صافي =روح الذهب منجمه واللطيب عنوانه
له في سنام العلا والمجد ميقافي =علم شهوده من اصحابه وعدوانه
ليا جاء مجال الثناء مع سبع الاسلافي = يرجح مع اهل الوفاء كيله بميزانه
لولا مصابيح غدراء نورها طافي =كان الفعول الجليله مالها خانه
اللي لبس تاج مجد الـ بوسها ضافي = حر عرفته قبل لا طب ديوانه
اقصد سمي المعزي محذي الحافي =عبدالعزيز الثلاثه يرفع شانه
مع طيب الافعال خلق وسيد عرافي = واكبر دليل على الرجال خلانه
قبلي يقوله لبيب صخر القافي =القيل يبقا ء متى ماشيف برهانه
يامعدن الجود والنخوه والانصافي = اقبل شذا العنبره مع ريح ريحانه
يوم انت راهي وللجزلات صرافي = ان هس قافي بحلمك زل نقصانه

((( الشاعر/ حماد ابن مريزيق البشري)))


[/poet]


يستاهل سموالامير المدح لانه اهل وكفو له


وصح لسان الشاعر حماد 00 وسلمت يداك يابو عبدالله