طفلة الاقصىقصت ظفايرها(ردية السامر)

يكفيني

اني كسبت المشاركة

ومبروك للفائزين

الاهداء للجميع وللاستاذ سعيد الحمالي خاصة

يوم التوى من خصلة الشعر iiوحده .............. من فوق جيده سببت حبس iiالانفاس


طفلة بعمر الورد والزهر رغده .............. قصّت ظفايرها وْ بَقـَت خصلة الراس

تسئل عن المسلم اذا كنت ولدْه .............. اشلون باقي الشَعْر والخد ينداس

اشلون بنت القدس من غير نجده .............. حرام تتركني لهم وين الاحساس

ان كنت انا عرضك وربي فـ وعده .............. عرضك ترى أغلى بواجد من الماس

وين الغيور الّي يقاتل بجنده .............. مابيك تبكيني مِثِل كل هالناس

دمع البكا مارد الاقصى لعهده .............. أحتاج فارس موت للموت لبّاس

لا سل سيفه صال ماحْـتاج غمده .............. السيف غمده هـاليـهودين الانجاس

وخصلتي خذها فـ معْصمْك عقده .............. ينصرك ربي زود باس ٍ على باس

موادع

[/COLOR]

اخوي الغالي والشاعر الرائع موادع,



صح لسانك ولا هنت طال عمرك...



قصيده جميله من شاعر جميل....


ومشكور على الإهداء والله ما تعز إلا من يعزك.... الله يعزك على من عاداك يابوغلا



لا عدمتك قول أمين؟




أخوك,

امــــيـــــن

<===امن على دعوة ابو ناصر

موادع صح لسانك وبيض الله وجهك

قصيده جميله جدا 00 وسبحان الله كانت تقريبا نفس الفكره باختلاف بسيط لو اني شاركت بالمسابقه

ولكن سرقنا الوقت 000 كانت فكرتي تقريبا مشابهه 00 مع فرق بسيط بان خصلة الشعر كانت لفتاة فلسطينيه في عمليه فدائيه

لحظة تجهزها لسحب صمام الامان لمتفجرات لفتها حول جسمها امام عدد من جنود العدو 00 0 لكن نسيت اكملها ومر الوقت مادريت 00 لكن قصيدتك حاكت تقريبا المشاعر اللي كنت احسها

شكرا لك ياموادع على هذا النص الجميل

ويستاهل ابو ناصر الهديه


لك تحياتي واسف للاطاله

الاخ موادع
صح السانك يابو غلا
قصيده طيبه لاهنت
وبو ناصر يستاهل الطيب وانت تفعله لاهنت.

صح الساانك وسلمت اخوي موادع قصيده طيبه في من يستحقها

بيض الله وجهك مجرد مشاركتك يعتبر فوز لا هنت ولكل مجتهد نصيب

اتمنى لك التوفيق


تقبل تحياتي


اخوك راشد النصافي

امين امين امين

لا خلا ولا عدم

يالحبيب الاخو

الحقيقة ان معزتك غالية غالية جدا اخوي سعيد

اتحيا وتدوم

وطبيعي جدا وكلي فخر

ان شعوري نحو بناتنا واخاوننا وابائنا في فلسطين لا يفارق مخيلة المسلم الغيور

عسى الله يفكنا من ذلنا

وينصرنا

اخوك ابوغلا

الله الله


لاهنت اخوي موادع وصح السانك


على القصيده والموضوع الجميل



اخوك


محمد الفلاج

ودوعي
"
"
صح لسانك ولاهنت يالقرم
"
جزله ومن جزل يالغالي
"
"
"
"
"
سجل اعجابي لاهنت .
"
ابو ناصر يستاهل
"
"
"
"
تحياتي لك البدوي
"
"
"
اخووووووك

"
نايف بن عيفااان

اخوي الغالي موادع

صح لسانك و صح شعورك الراقي و صح قلبك الكبير

لا عدمتك من اخ عزيز و من مسلم كريم ومن عربي غيور

اخوك و مغليك فيصل العاصمي

الله ياعكاشة

تسلم على مشاعرك يالحبيب


اخوي مدري وش اقولك


فكرتك جميلة

والاكثر جمال الدافع المصبو اليه


وترانا قلب واحد لاشك

اكيد كل الاخوان كانو يفكرو معانا في طفلة الاقصى

خلينا نحس اننا مازلنا مسلمين

سلمت يالغالي والله سلمت

اخوك ابوغلا

الشاعر مجعد بن متعب

انت الكرم يالحبيب

ووافي بالكرم

ولك ولاخي سعيد كل الحب

اخوك ابوغلا

راشد النصافي

هالكلام الطيب مو غريب على راعي الطيب واصله

سلمت يالنشمي

وسلومة كل اهل الكويت

اخوك ابوغلا

محمد الفلاح

وى هان غاليك يالحبيب


عاجز عن الشكر يالغالي

وهذي من طيبك


اخوك ابوغلا

هلا والله نايف بن عبفان

وانت بعد تستاهل وقبل هذا وذاك

فلسطين وطفلة الاقصى

نحن لا نتجاهل نصرك

لكن سوف يجاب نداءك لا محالة

شكرا لك اخوي

اخوك ابوغلا

فيصل العاصمي


يالغالي انت ترى ماتغلي الا من يغليك


ويكفيني شعور غيور مثلك وكل غيور بيننا

كامات اعجز عن شكرك عليها


اخوك ابوغلا