يا خوفي من مشوهين السمعة

سعد بن زامل من اهل سدير كان في مجلس وكان مستغرقا في التفكير ومهموم, وعندما سأله أحدهم عن سبب همه قال:


اهتم خوفٍ على عرضي يسبّونه

........................أخاف من واحدٍ بالهرج يقفاني

أخاف من كلمةٍ ماهيب مازونه

...........................تحسني هرجةٍ ماجت بميزاني

الصدق كمل وعد اليوم من دونه

.......................لا تامن الناس لو تدعى بلاماني

كم واحدٍ عن طريق الرشد يغوونه

.......................ضلوه واغووه عنه وراح خسراني

شوير سوٍّ اذا جوا يستشيرونه

........................دافٍ لسانه وقلبه قلب شيطاني

[b]إن قل مافي يدك عيبك يشوفونه[/u]

........................عقب الصداقه يحطونك جليداني

يا باذل الجود حذرا غير ما عونه

.....................من جرب الناس شاف وجاه ما جاني

انشد مجرب ولا ينسب يقولونه

......................عني ترى فعلهم من ضعف الايماني



[تم تعديل الموضوع من قبل عبدالرحمن الفهد بتاريخ 12-22-2000 الساعة 05:34 PM]

طيب طيب...

عوايدك يابو فهد...ما تجيب ألا المليان

صح لسانه...وصح أختيارك على هالأنتقاء الجميل..

والله ياخوك انه مايلام الناس ..ما تخلي أحد بحاله..

تحياتي لك
(.......)
ولدعبس

يا سلام عليك يا اخوي يا عبدالرحمن ,,,,

صح لسانك على القصيده الطيبه واللي ما تجي الا من واحد طيب مثلك وشروااك ,,,

تقبل تحيااتي ,,,

اخوك ابو الاصاله