شاعره واجمعت فتنه وسحر ووعيد

الى الشاعره المبدعه ذات الحضورالذي يقترب من الكمال : \\\
هل بعد قرب الكمال الا النقص ؟
انها تثبت انها بشر تصيب وتخطيء \\\ لاتثريب علي مثلها \\\
مع المشاركه التي اتمنى ان تسعدكم وتحوز على رضاكم واعذروني على القصور

لدت الشاعره يمي بعين (ن) حديد
جايها علم عني حرك اشجانها

وانثنى خصرها من تحت مركوز جيد
ورف لي بالزعل مقرون حجانها

غرها زينها وانشادها للقصيد
شاعره والله اني ما اجحد لسانها

شاعره واجمعت فتنه وسحر ووعيد
فتنة العين تسبق بيض ذرعانها

ليت كثر التجارب مثل بدع النشيد
كان ما اخطت على مثلي بنيشانها

شيخة الغيد زعلت دون علم (ن) وكيد
واظلمتني وانا ما نيب ديانها

لو تعرف الحرار ولو تعرف العبيد
مدت لمثلي ليا جيت بايمانها

بس قولو لها مالي برد البريد
جعل ربي يخليها لشيبانها

للعذارى ترى مانيب خصم (ن) عنيد
وفاتلين الشوارب نهدم اركانها

فدوة لخد ها الصافي وراس النهيد
كل حسادي اللي قام شيطانها

اتبعتهم وغروها بشي زهيد
مبطنين العداوه صارو اعوانها

ابــتلفت نهار تدور ابن الوليد
وكل يمنا ضعيفه تنقض ايمانها

تركيا ما استعزت بعد عبد الحميد
مجدها غاب يومه غاب سلطانها

ما تقفيتها بالسو ولا الرشيد
عف مثلي عن الزايد ونقصانها

بعض الاقوال ما يجلاه نزف الوريد
وكل كلمه تركب فوق ميزانها

والسوالف بعضها ما يضر البليد
وعند ابو قلب صاحي تكبر اثمانها

حاسدي وانت ماهر بالردا يالبعيد
مثلي الهافيه ما ادل بيبانها

وسط رجلي عن الزلات مشدود قيد
وماعرفت الرديه بعرف اخوانها

باسم (ن) بالمحيا فالقوي الشديد
والحسوفه تمر ولا اعرف ا شطانها

يامحبة ضميرى للكلام المفيد
والقوافي غرامي سابح ارسانها


وسلامتكم

اخوكم
داهم العصيمي

ياسلام عليك ياداهم


صح السانك ولاهنت


قصيده وافيه من راس وافي


لك تحياتي

[poet font="Andalus,14,black,bold ,normal" bkcolor="" bkimage="http://www.nadawi.net/vb/images2/8.gif" border="double,4,gray" type=0 line=200% align=center use=sp char="" num="0,black"]
ليت كثر التجارب مثل بدع النشيد

كان ما اخطت على مثلي بنيشانها


شيخة الغيد زعلت دون علم (ن) وكيد

واظلمتني وانا ما نيب ديانها
[/poet]


داهم العصيمي



شااعر مبدع بلا مناازع


بيض الله وجهك


وصح الله لساانك


اجمل تحيه يالذيب




تحيااتي

ابو

امثاال

العاايضي

[c]الله الله عليك اخوي داااااهم

قصيده راااائعه من شااااعر متمكن


من الحرف والمفرده


صح السانك ياخوي


وتقبل تحياتي لك


اختك



أمســـــــــــــيه [/c]

الاخ داهم العصيمي

شيخة الغيد زعلت دون علم (ن) وكيد
واظلمتني وانا ما نيب ديانها

يا سلام عليك ياداهم صح لسانك


وتسلم طال عمرك



تحياتي


شبيب

بس قولو لها مالي برد البريد
جعل ربي يخليها لشيبانها



داهم العصيمي 000صح السانك 000بعدين والله اني ماحسد الا اللي يعرف له شاعره ابي اسمع قصيدها واخليها تمدحني 0000ولاني مزعلها اخاف تسبني 00000



صح السانك ياداهم طرح جديد وقصيده جزله 000



تحياتي وتقديري0

اخوي الغالي / داهم العصيمي



صح السانك ...... وبيض الله وجهك



ابيات رائعه وجزله يالجزل




لله درك







سنجار ( محمد بن عبدالله )

ررررررررررررررررررررررررررررائعه
"
"
"
"
"
صح لسانك مليوووووووووووووووون


اخوي داهم ....شاعر وجزل ...لله
"
"
"
دررررررررررررررك
"
سجل اعجابي .....وتحياتي لك
"
"
"
نايف بن عيفان

حسن الوطري:

صح بدنك
والله يبيض وجهك
لاهنت
وابياتي المتواضعه تشرفها قراءة امثالك

اخوك
داهم العصيمي

شيخة الغيد زعلت دون علم (ن) وكيد
واظلمتني وانا ما نيب ديانها

لو تعرف الحرار ولو تعرف العبيد
مدت لمثلي ليا جيت بايمانها

بس قولو لها مالي برد البريد
جعل ربي يخليها لشيبانها



داهم العصيمي ....عن جد قصيده تستحق التصفيق وحضور يستحق الاحتفاء ويكفي ان يكون كاتبها داهم العصيمي ...هلابك وغلا



تقبل تحياتي

اخوك الصغير/الواثق

مدلهم العايضي

صح بدنك 000 وسلمت يداك
ومشكوور على كل حرف كتبته هنا
وايضا شاكر لك مرورك من هنا وحسن اطلاعك
فمرورك مازال يعطر المكان

لك تحياتي

اخوك
داهم العصيمي

الاخـــت الغاليــه
أمسية:

صح بدنك
والله يبيض وجهك
لاهنتي
وابياتي المتواضعه تشرفها قراءة امثالك

اخوك
داهم العصيمي

شبيب شاهر

دمت ومرورك اسعدني
وخلك مقتنع انها ظالمتني يا شبيب



اخوك
داهم العصيمي

اخوي داهم

صح لسانك لا عدمتك و عز الله انك صورت و اجدت التصوير

الله لا يخلينا من ابداعك

اخوك فيصل

الاخ الغالي

هادي الرزقي

تدوم وانت الشاعر المميز
بس والله اللي يعرف شاعره
ما ينحسد
وانا اقولها لا بيها تمدحني
ولا تسبني


الله يغنيني !!
من اللي يحب المشاكل

اخوك
داهم العصيمي