Tweet
مدخل
====
انا حزني على موت الضماير في زمان الجور && وعلى بيع الذمم في ساحة اللي تاجده مده
======== القلوب البور =========
حزين اي والله ان قلبي حزين وخاطري مكسور
مثل ماقال بن قضعان مره يابحر جده
==========
انشهد والله اللي يعلم المكشوف والمستور
الن الحزن مابين الحنايا بالغ حده
========
حزين ولاني اللي تحزنه غيدا سواة الحور
ومن يحزن لفرقا الغيد الا لارحم ابو جده
========
انا حزني على بذر الجمايل بالقلوب البور
وهي جرد وعرايا احساس لا هاته ولا وده
========
مداهيل النفاق وحاويات للردى والزور
واساس العنجهيه والعبث واللهو والرده
========
تحركهم مصالحهم كما تحريك باب الدور
ليا خف الهوا وقف ولا هب الهوا لده
========
على العاده لهم مبدا يعدونه لهم دستور
اذا منته مع الواحد اكيد انك مع ضده
========
انا حزني على موت الضماير في زمان الجور
وعلى بيع الذمم في ساحة اللي تاجد مده
========
وعلى قصر الوفا اللي كان باول شامخ معمور
مراويده رجال يمسكون السيف من حده
========
لكنه صار في هالوقت قصر بالي مهجور
مايرتاده سوا ناس مقاريد ومنحده
========
احد يدخل مع بابه وأحد يقفز جدار السور
وأحد يرتاح في ظله ولامن جا المسا هده
========
الى هالحد ياقصر الوفا ماعاد غورك غور
الى هالحد غورك يسبره من قال له يده
=======
الى هالحد مظلمة دروبك عقب هاك النور
اجل ماهي غريبه تنهدم هيبتك في مده
=======
واذا باكر لقيت العرف داخل ساحتك منحور
لاتستغرب وقل من هان تسهل عنده الشده
========
انا ياوين بلقالي خوي للوفا دكتور
يشاركني عنا سدي ويطلعني على سده
========
خوي ما يتغير لو يمر دهور عقب دهور
ليامن قفت الدنيا ولامن جات مرتده
=========
على النوبات والا الضايقه والا على الميسور
يجي ثوبه على قدي ونا ثوبي على قده
========
ليامن عقدت الاشوار يفتلها صليب الشور
بشور تنتهي عنده لمور وينهي الصده
========
هذا والله مكانه من ورى عالي حنايا الزور
عسى عمره طويل وجعل حزني فيه ماعده
========
ونا ماجرني للحزن والا الحزن بي محفور
سوا فقد الرفيق اللي بلاي اغليه واوده
=======
ولا خلاك يادمع الشقا متحدر منثور
سوا دمعة يتيم شفتها تنثر على خده
=======
ابصبر والمعين الله ياصبر ايوب يالمذكور
ياصبر ايوب صبرك صبر لا مثله ولا نده
=======
تصبر حيل ياقلبي ترى سعي الصبر مشكور
وباب ينفتح لك منه حزن بالصبر سده
=========
ناصر علي الحارثي ( هداج )
====
انا حزني على موت الضماير في زمان الجور && وعلى بيع الذمم في ساحة اللي تاجده مده
======== القلوب البور =========
حزين اي والله ان قلبي حزين وخاطري مكسور
مثل ماقال بن قضعان مره يابحر جده
==========
انشهد والله اللي يعلم المكشوف والمستور
الن الحزن مابين الحنايا بالغ حده
========
حزين ولاني اللي تحزنه غيدا سواة الحور
ومن يحزن لفرقا الغيد الا لارحم ابو جده
========
انا حزني على بذر الجمايل بالقلوب البور
وهي جرد وعرايا احساس لا هاته ولا وده
========
مداهيل النفاق وحاويات للردى والزور
واساس العنجهيه والعبث واللهو والرده
========
تحركهم مصالحهم كما تحريك باب الدور
ليا خف الهوا وقف ولا هب الهوا لده
========
على العاده لهم مبدا يعدونه لهم دستور
اذا منته مع الواحد اكيد انك مع ضده
========
انا حزني على موت الضماير في زمان الجور
وعلى بيع الذمم في ساحة اللي تاجد مده
========
وعلى قصر الوفا اللي كان باول شامخ معمور
مراويده رجال يمسكون السيف من حده
========
لكنه صار في هالوقت قصر بالي مهجور
مايرتاده سوا ناس مقاريد ومنحده
========
احد يدخل مع بابه وأحد يقفز جدار السور
وأحد يرتاح في ظله ولامن جا المسا هده
========
الى هالحد ياقصر الوفا ماعاد غورك غور
الى هالحد غورك يسبره من قال له يده
=======
الى هالحد مظلمة دروبك عقب هاك النور
اجل ماهي غريبه تنهدم هيبتك في مده
=======
واذا باكر لقيت العرف داخل ساحتك منحور
لاتستغرب وقل من هان تسهل عنده الشده
========
انا ياوين بلقالي خوي للوفا دكتور
يشاركني عنا سدي ويطلعني على سده
========
خوي ما يتغير لو يمر دهور عقب دهور
ليامن قفت الدنيا ولامن جات مرتده
=========
على النوبات والا الضايقه والا على الميسور
يجي ثوبه على قدي ونا ثوبي على قده
========
ليامن عقدت الاشوار يفتلها صليب الشور
بشور تنتهي عنده لمور وينهي الصده
========
هذا والله مكانه من ورى عالي حنايا الزور
عسى عمره طويل وجعل حزني فيه ماعده
========
ونا ماجرني للحزن والا الحزن بي محفور
سوا فقد الرفيق اللي بلاي اغليه واوده
=======
ولا خلاك يادمع الشقا متحدر منثور
سوا دمعة يتيم شفتها تنثر على خده
=======
ابصبر والمعين الله ياصبر ايوب يالمذكور
ياصبر ايوب صبرك صبر لا مثله ولا نده
=======
تصبر حيل ياقلبي ترى سعي الصبر مشكور
وباب ينفتح لك منه حزن بالصبر سده
=========
ناصر علي الحارثي ( هداج )
تعليق