لـــــــولــــــــو على رمــــــــــــان

[راعي العوجا]

ماتعبت وانا ارحب فيكم ياهلا وغلا ,.,تفضلوا اقدعوا من قصيدي
وتقهوو من عذب القوافي..اتمنى ان القصيده هذي تعجبكم ان شاء الله..
___________________________________
تعالي يابعد روح القصيد و مطلع القيفان
......اذا غبتي انا وشعاد......ياعمري اغنيله
حرام ان القصايد كلها...في غبة النسيان
.....والاشفتك ...افز ..و كل قافٍ ...انا ديله
يقولون التغلي هو طراة الروح... للخلان
.....وانا اقول الحياه ابلا غلا ياناس ..وشهيله
غناتي لا ذكرت اعيونك اللي طرفها نعسان
.....تحلويت الهجوس افداك.. و قلت الهاجسي خيله
وسرى هاجوس ليلي من هنا يبرق الى الصمان
.....يشق الليل...نوره...لين يرعد..في مداهيله
ترى قاف القصيد اليا تمشى.. في خيالك لان
.....بقومها صفوف.....و كل بيضا تلعب الليله
اعرفك لاخذيتي ...خطوتين ...وطقوا الطيران
.....واعرفك لانثنى ذاك الجسد.. وارتفعت الشيله
اعرفك لاختلط في وجنتك... لولو على رمان
.......و اعرفك لاعرضتي و اعترض(.....)ركز حيله
مهو كل النساء...لايقلهن اللعب بالميدان
.....سوى من يرتعش الها الخفوق ...ويعتزي خيله
تعالي... لايردك غير مجلس ...شاعر ..صلفان
.....أظنه لاتقهوى ....يقدعك سكر... على هيله
وسلامتكــــــــــــــــــــــــــــــــــــــم,,,,,
اتمنى من اني وفقت بما يعجبكم .,.,وان احوز على رضاكم.
وتقبلوا خالص تحياتي ومحبتــــــــي أخوكم الشاعر:

تعالي يابعد روح القصيد و مطلع القيفان
......اذا غبتي انا وشعاد......ياعمري اغنيله



قمه يالغالي


صح السانك

[راعي العوجا]

صح بدنك

شرف كبير لي انها اعجبتك.وصح بدنك مره ثانيه واشكرك.
وان شاء الله تعجب باقي أخواني الموجودين.
وتقبل خالص تحياتي أخوك الشاعر:

ترى قاف القصيد اليا تمشى.. في خيالك لان
.....بقومها صفوف.....و كل بيضا تلعب الليله

فعلا لولو على رمان ..

صــــح السانك ....شكرا على القصيده الجميله ...احسنت ...وسجل الاعجاب


وتحياتى لك

[راعي العوجا]

صح بدنك===========> اخوي القوس

وتسلم يابعد كل من لي وإعجابك واصل من زمان ,وانت اقبلني اخو لك
وياهلا وغلا فيك,,ويشرفني انها أعجبتك هذه القصيده.
وتقبل خالص تحياتي ومحبتي أخوك الشاعر:

اخي العزيز راعي العوجا

تسلم يمينك وصح لسانك إذاكانت القصيده لك وشكرا على الاختيار إذا هي للغير.

[راعي العوجا]

صح بدنك ياطير شلووووووى

تسلم على حضورك وهذا اعده شرف كبير لي....والقصيده نعم من إحدى
قصائدي,
وتقبل خااااااالص تحياتي ومعزتي أخوك الشاعر: