Tweet
انته تراك الكل والكل كله
كل يعايد في ضحى العيد خله
..................وانا وليفي غايب وين الاقيه
له مدة والبيت مانيب ادله
..................وكبر الصغير اللي امنول نوصيه
يامن يسوي خير ياصف محله
..................بمر سوقه كود عيني تراعيه
بشوف منهو سم حالي وسله
..................واركى على قلب المولع عراقيه
خل خليل خج قلبي وتله
..............لولا اضلوعي كان قطّّّّّّّع عراويه
الصاحب اللي حط في القلب عله
..................ياحبني لاسمه وذكره وطاريه
سمي نجم اسهيل يازين دله
.................واليا بدا نجم حدا الذيب حاديه
والتين والرمان فاسمه حل(ن)له
..................نظم على الريحان ياباخص فيه
ياعارف اسمه بدقه وجله
..................خفه مثل ماكنت عنهم مخفيه
ترى الصحافة وآلمه والمجله
...................وانا وليفي حالف اني مااسميه
آصل وليفي ثم رح له وقل له
...................ترى الشمالي مخطر وفيه مافيه
شفق لشوفك باين فيه خله
...................ولاطاع فيك اليوم عاذل وناهيه
ولاغيرك احد في حياته دواء له
...................وشوفك ادواه ان كان ودك اتداويه
وقل له تراك الكل والكل كله
...................ولاغيرك احد في حياته تساويه
وانته تراك اليا مشى مثل ظله
...................وقل له تراني دايم هاجسي فيه
واليوم عيد وكل شي وحله
..................يجي يهنيني وانا مثل اهنيه
الشمالي
تعليق