العراوي 2003 هل سيعجب الباديه

من المعروف أن ابناء الباديه يفضلون السيارات اليابانيه وخاصه نوع العراوي ..
فهل سيروق لهم الشكل الجديد للداتسون 2003..
دعونا نرى تعليقاتكم بالشعر على هذه الصوره بحد أقصى بيتين شعر ..
"" بس الله يستر لا يزعلون علينا الوكلاء لهذه السياره "" ترانا نمزح يالربع .

وهذه مشاركتي :

الددتسن اللي صار شكله عدامي ..... ماعاد ابي شوفه ولا أحب طاريه

حطو عليه من الزباريق خامي ..... في ذمتي والله والله ما أشــــــريه

صباح الخير يابو ثامر



الى نطحته قلت كنه حرامي
وسط الخلا فالليل ما اكثر مساريه




والا كما طيرٍ مع الجو حامي
والمشكله كل المواتر تباريه

ارحب يابو ثامر
هذا واحد زعل يوم شاف شكله ولا هو براضي عليه ..علشان سعره غالي
..وتعذر انه ماهو زين .....

جاناء خبر قالو عراوي عراوي

::::::::::::نزل جديد اليوم فالسوق مغليه

ياشين وجه يوم قفى خلاوي

:::::::::::::ياجعلها بالكسر يد (ن)تسويه

ههههههه

ابو ثامر ترا انجانا وحده من الثنتين ..بنقول انت الي حرضتنا .....
تحياتي

ابن عيفان صباح الخير


كني حسيت انك غيرت القافيه




يمكن اكون غلطان

هلا والله صباح الانوار ابو رويس
والله ياخوك .مدري كان .تبونها على قافيه وحده ابشروا..
بس اتوقع ابو ثامر مانوه عن الشي هذا .....
وجبناها على النيه ....

صبااح الخير يازايد

صباح الخير يانايف ..

مشكورين على المداخله ..

والظاهر اللي بيزعلون واااجد .. أنا أولهم ..

عني عز الله ما شريته وذا شكله ...

هلا يابو ثامر 000 ومساكم الله بالخير جميعا واحسن الله عزاكم بالعراوي

هذا واحد شرى من الدداسن الجدد ويوم بغى ينزل صحراء عيا الددسن 000 وااله اكبر اللي من اول الددسن رمز للخشونه والعربجه والجلافه اليوم صار ياي وياربيه عاد الرجال اللي تمثل هو رفيق لي بس ما اعرفه قال


الله يذكر دستن(ن) فات بالخير

-------------------- نشمي .. وذرب.. ومن طويلين الاشناب



يفداه ذا اللي طسمته خنفرة عير (كرمتوا)

--------------------ويقول .. صحراء!! لو تموتون ماناب

أخوي الإستاذ / ابو ثامر

السلام عليكم ورحمة الله


اسعد الله اوقاتك بكل خير يابو ثامر

ياخوي هاذي ددسن ولا وشهي بابها إلي ورى منين ينفك


عاد اسمح لي بالمشاركة :-

ياشين وقفتها بوسط الخيامي ** وراع البلـد تبا تجيـبه تـوديـه
ويزها بها السواق وإم اللثامي** وليا فرق للبر طارت براغيه


اقبل فائق إحترامي

والسلام

ارحب ياعكاشه

لاهنت على الابيات

هلا اخوي ابو مهنا .. تجدها فرصة للترحيب بك هنا .. مشكور على البيتين .. بالنسبة لسؤالك عن كيف ينفك باب الددسن .. اتصلنا فيهم وعطونا هالصورة :

"
"
"
الله روعه كثيررررر شكله ناااااايس ..

"
"
"
حرام عليكم لا تتهجمون عليه وبعدين هذا لا تسمونه عراوي تري يزعل

"
"
"
أمســــــــــــــــــيه

أخوي الإستاذ ابو ثامر


طاب لنا المقام والأفتخار

وعلمك الغانم وصلنا يابو ثامر

والمهلي ما يولي

عساكم على القوة


شكراً على الرد على السؤال يابوثام صندوقها علا مه تقول فرن ألي


يا عساهم مايعودون عاد شف وشلون تنفك بيبانها تقول بوابة حوش على شارع خلفي


بس يابو ثامر شفت وشلون


لمن تصلح فعلاً شكله نااااااااايس وهااااااااااااااااااااايس

ويصلح من فندق خمسة نجوم إلي المطار والعودة

وليا ركبته كن مختطف من قبل كوكب أخر


لك تحياتي وتقديري

والسلام

ابو ثامر

صباح الخير



انا مع التطور

وتقبل مني هذي الابيات


ياصحابنا يامكثير(ن) الكلامي

++++++++ عصر الحضاره كل عاقل يباريه

هذا ترا مركوب ربع(ن) حشامي

++++++++ لولا فعوله مانلد النظر فيه


لك تحياتي

اخوي حمد الظاهر انه لو جابوا ذا الشكل بيكتبون عليه ممنوع اللمس ...

وعلى العموم العراوي عراوي لو حطوا عليه بدي فياقرا ..... ويمكن اكثركم يذكر الابيات اللي قالها راعي الجمس اللي بدله بعراوي و يوم انه ضرب النفود غرس عند اول رميله فقال الابيات المشهوره

لعن ابو ذا الوجه يا وارد عراوي ..... كيف غرزتي وانتي جديدة

الحموله تيس و السواق ضاوي .... يا عل ما يبقا حديدة مع حديدة

وهذي مشاركتي .. المتواضعه

يا وارد الــيــابــان مـنـتـه غـرامي ..... جعــلـك فدا من نايف الطعس يفريه

جمسٍ على قطع المسافات ظامي ..... شــفـه عـلى لـيـل المـطاريش يسريه


ولكم خالص تحياتي

يا الربع الددتسن لو يطورونه ويخلونه يطير لا يمكن يبطل طبعه
تدرون وش طبعه ..............القرقعة

أما التيوتا ......اوووه ما في داعي للكلام تقرقع عظامك وهو ما تقرقع.


خل الددسن عنك يا سامع كلامي..........خله عنّك وانا اللي با اقول لك ليه

وش جاب الدتسن للتيوتا غرامي..........وهذا راي اللي له في البر ومفاليه

جسم الددتسن لا بد يحزّم بحزامي..........والا على كل قشعة ينثر براغيه

تسمع قرقعة المدكر ويّا الصدامي..........وعساهو يوصل كامل(ن) ويّا راعيه

تبي الجد يا أبو ثامر ؟


الونيت هذا رايق


إحجز لي واحد


لكن لازم يكون دفع رباعي والا ما ابيه