قصه وابيات أهدء الى المراقبين

[عبود سليم]

القصه ان فيه واحداً عبد(مملوك) كان يرعى عند عمه وكانوا بخلا (يعني ماعندهم احد ) هو وعمه ومرة عمه المهم ان العبد مهاوي مرة عمه ويوم من الايام كان العبد جالس الحاله ويقول :

البارحه بالليل جاني مرادي
زين الحلايا كامل كل الاوصاف
الاوله حبيتها حــب قـادي
والثانيه حبيتها حب الاسراف
والثالثه ضميتها في فوائدي
واسقيت زرعاً بالحشاعقب ماهاف


ويوم ان العبد انتبه وان فم البندق عند راسه وهو ايناضر بالارض وشاف رجل عمه وعرف انه هو وانه يبي يذبحه لاانهم بديرة خلا ولاعندهم احد ايتغزل فيه العبد الاعمته في هالحظه تصرف العبد تصرف ذكي علاشان يتخلص من هالمشكله واصل القصيده وقال :


عسى حلوم الليل تعطا الهجاجي
حتى حلوم الليل فيها تغطراف
يوم انتبهت وطار عني ارقادي
واني ابنجـد وسيدي يم الاطراف

وسلامتكم

[عبدالله جاسم]

تسلم على الهديه ياعبود وسليم

الهديه وصلت وهذا ردها ياطويل العمر وهذه قصة وفا وتبادل المعروف والجميل حتى لو كانوا اعداء لبعضهم القصة على الأخوين طاحس وطاحوس من من المشانيط من العضيان الروقه مشهورين بالشجاعة والحيافة كما قيل فازن حايف يخلي المراح يسرق ما فيها بالليل وهم يعرف عنه ذلك وفي يوم عمدوا العرب كالعادة عنما قربوا بالليل من العرب قامت عليهم الكلاب فقال واحد للثاني أنت خلك بجهة الكلاب تحذفها ويلحقنك اما انا بالصوب الثاني كان الكلب معروف ما يؤخذ من دبشهم شئ ومكفيهم بالحماية ولا يحرصون على الدبش لخبرهم بالكلب انه يفكهم بالمعتاد المذكور مع الكلاب على حالتهن والثاني عمد الإبل وكما قيل فيها بالكلاب معرفة ووفا لمن جاورهم وعرفوه تعد الجار مثل اهله والمذكور العام مجاورهم من أمراء مطير راعي الكلب يقاله ابو قرنين والكلب يوم رجع للي بالإبل عرفه وترك النبح وقام يتطرح له نوع معرفة إذا هو اخذ سبع من الإبل من المراح فرد عليه اخوه وعرفوا الكلب انه كلب قصيرهم العام في هدنة بينهم والآن قوم قال اخوه ما يصير الكلب اطيب منا معرفة ووفا حنا اولى منه فردوا الإبل على مراحها وعمد غيرهم واخذوا اراتهم من غيرهم وفي الصباح فقد راعي الإبل ابله فعمد لأبو قرنين يطلبه الفزعة بطلبهم فأى ابله عقلها عليها وانهم تاركين ابله شيمة حسب العرف فقال بنفسه ما يمكن اطلبهم وهذا عملهم معي واعتذر من راعي الإبل بأن مثل ذولا لا يمكن إدراكهم حيث انها مأخوذه بأول الليل وقد وصلوا منتهاهم وهو قصد يجازيهم بفعلهم معه .

نحييك ونشكرك على الإهداء

اهلا عبود سليم ومشكر أخي على الإهداء

الغيره بدت

اسعد الله اوقاتكم بكل خير ...عبود سليم اللي ماشاء الله صار يلعلع في المنتدى وباقى المراقبين
انا اشوفكم يالاخوان بديتوا تعدون على حقوقنا الظاهر ان عبود سليم يبي يشبها بين المراقبين ؟؟!! هالقصه وابيات اللي ضيعت طريقها وجات هنا !! وش السالفه؟!

عموما نفرح بالمشاركات وين ما كانت ,,,, الله يعطيكم العافيه جميعا,,,
الساهر