ســـــــــلام الله عليكم يا جماعه والحيا متبوع

[ظـــل]

انا جيت النداوي والنداوي يستحق اجيه


--------------- يقولون الحياء متبوع وعلومه تسر البال


يصيب الظــن والله ما يخيب واحدٍ راجيه


--------------- سلام الله عليكم يالنداوي والعلوم طــوال

هلا بك ياعريب الجد نحيي ظل ونحيه



___________________هلا باللي وقف جنبي من الزلزال والتجوال



يثج الليل لاسلهم قصيدي والمعاني فيه


__________________هلا بظلٍ القصايد والمواني والبحر والجال



مدري عن الوزن


..صح

والا غلط

[ظـــل]

الهارف


يناجيني رفيق الحرف بحروفه وانا اناجيه



-------------- هلا بك يا رفيق الحرف والخطوات والترحال


سمي الذيب تسري لا استبد الليل في داجيه


-------------- صحيح ان الرجال رجال يا رجال بن رجال

اذا مات القصيد البارحه فى طلتلك تنجيه

_______هلا مليوووون بالشاعر و 100 مرحبا بالخال

اشوفك منتهى الروعه اشوفك حرف مانهجيـه

_______اشوفك آآآآآآآآه فى قلبى قصيده ضمها موال




[تم تعديل الموضوع من قبل القوس بتاريخ 12-15-2000 الساعة 07:50 AM]

[ظـــل]

القوس



بيوته لو تفا جيني لقيت بيوتي تفا جيه



------------------ سكون ٍ يهزم الصمت البليد وينقلب لجدال

عسى الله يقطع بيوت القصيدوقا فيتها اجيه


----------------- تضيق بها الفجوج الواسعه ويضيق منها الحال

ظل

عسى الله يقطع بيوت القصيدوقا فيتها اجيه


----------------- تضيق بها الفجوج الواسعه ويضيق منها الحال



ضحكتنى ياظل

ليه تختار قاف عسر


صـــــــــح لسانك

[راعي العوجا]

صح لسانك وتستااااااااااااااااااااهل باللي يرد عليك

حيا الله ظل الرموش ...مليون تحيه
....حياك كثر حبات المطر وكثر الخيال
وكثرمازرع العاشق احلىالوردبيديه
....وكثر ماصيح محمدللضيف اقبل تعال
________
وسلامتكم واتمنى ان يكووووون إعجابي وصل الى اخي ظل.
وتقبل مني خالص تحياتي ومعزتي أخوك الشاعر:

يازين هالطاروق.....

السلام عليكم ..
بيض الله وجيهكم يالنشاما... يازين هالطاروق ايوالله..والله اعجبني..
والبركه فيكم...عساكم على القوة....
اخوكم/الفارس.

[ظـــل]

راااااعي العوجا والله وسبعة انعاااام بأبن عمي



هلالالا يا راعي العوجا بيوت الشعر منهيه


00000000000000000لها هيبة عتيبه طيبين الصيت والا فعال


عليها من بني عمي عزاوي في ضحى الهيه


00000000000000000 وانا مدحي لربعي ما نقص من طيبين الفال

[ظـــل]

هلا بالفارس



على صهوة بيوت الشعر فارس والله الحارس



------------- تشرفني زيارتك الكريمه يا هلا مليون



تراحيب المطر يا مرحبا واهلين بالفارس



------------- يقوله ظل وبيوت القصيد بروعته مفتون

يا مرحبــــا يا ظـــل



يا هلا وغلا الف مليووم ترحيب ,,,,,

شرفت يا ظل المحل ونورت في جيتك سااحه المنتدى ,,,,

والله انى سعدت وفرحت لما شفتك موجوود معنا ,,,,

هلا ومرحبا ما تكفيك يالغالي ,,,

لو فيه شي اكبر منهاا كاان قلته ,,,

لكن يكفي ان الله عاالم في قدرك وغلاك واحتراامك عندي ,,,,

مرحبا ونورت ,,,

تقبل ترحيبي وتحيااتي .,,,,

اخوك ابو الاصاله

[ظـــل]

اصاله والا صاله ما تجي بالسهل والساهل


--------------- اجل وشلون لا صرت انت ابوها وش يقول الظل

انا ادري معدنك صا في كريم النفس تستاهل


--------------- بيوتٍ عطرها من يا سمين ويختلط مع فل

القافيه تغيرت وش العلم يالربع ترانا متابعين

[راعي العوجا]

صح بدنك يا الظل ,,ياولد العم

سهم المنايا:دامك متابع وانا واخوك هذا انا قافية راعي العوجا
مثل ماانت عارف ماتتغير من غير قصور بالجميع
وسم يا الظـــــــــــل هذا ردك في ترحيبتك لي ياولد العم.....
___________________________
قال هلا وقلت هلا ومليون تحيه
....تحية عتيبه لحبهم للبارود وكل ميال
الا ياعزوتي ودمي خلك هنيّه
....والله لا عقّل لك ركايب القصيد عقال
وسلامتـــــــــــــــــــــــــــــــــكم,,,,,
وتقبل خالص تحياتي وحبي الصادق الوافي ياولد العم الشاعر:

[الكويتيه العنيده]

يا هلااا

السلام عليكم ورحمة الله وبركاته
**************************

الاخ العزيز / ظل

سعيدين بانضمامك لاسره النداوي ويا هلا مرحبا فيك بين ربعك واهلك ....

يا هلا قالتها نشيمه مطيريـه
********** للى حضر وسطر احلي مـــوال
اسمه ظل وافعاله نشوفها حيه
********** وزادنا من زايد الشوق بدلال

وسلامتك