بدري عليك....بدري عليك توك ماعرفتيني؟؟

الايام بينـــي وبينك لاتحدينـي

............................ باجيب راااسك على كيفي وبالقـوه

لاانتي ولا اللي بعد جابك تذلينـي

............................ وماني على ابوي.. لوما عندي مروه

بدري عليك اكبري.. لا ماعرفتيني

............................. حتى تقولين سو ..اللي تبي ســوه

هذا كلامك.. بعذرك ما بخصتـيني

............................ ماجابته امه. اللي يذلني تــــوه

يومين وشوي... وتجيني ترجينـي

............................. واللي يغير كلامه ...طافيه ضــوه

باكتبك وامحاك ماعدتي تهمينـي

.............................. وادوس حبك ..برجلي دامه مشـوه

آخر زماني تجي مثلك ..توطينـي

.............................. وانهاان لعيون خاطر بنت محلـوه

روحي مع الريح والله ما تهزيني

............................... مووتي بغيضك وقلبي خابر جــوه

انا عزومي على العليا تودينـي

.............................. وما خيلي بارق ماشاقني نـــوه


مع تحياتي اخوكم

عبدالله فلاح الهاجري (الواثق)[تم تعديل الموضوع من قبل الواثق بتاريخ 10-01-2001 الساعة 03:00 PM]

امتعتنااا يالوااثق والله ,,,,

صح لسااانك ولا خلا ولا عدم من هالقصيد الراائع ولا من طلتك علينا بموااضيعك ووجوود اسمك ,,, مذيلاَ كل موضووع ,,,,

استفزااز ,,, اعتزاززز ,,,,

كل اللي يجي منك يالوااثق جميل ويحمل الكثير من معااني الابدااع ,,,

تقبل تحيااتي لا عدمتك ,,,,

اخوك ابو الاصاله

لالالالا...ياملالالالالالالالاك...لاتفهميني غلط

اختي العزيزة//ملالالالالالالاك....هلابك وغلا...لكن تبين الحق..منتي
المقصودة في القصيدة..لانها موجودة في موقعي قبل لااعرفك طال
عمرك...وانتي يكرم عليك انك تكوني مثل المقصوده في هالقصيدة
انتي ماتستفزيني انتي تثيريني لكتابة الاروع..والاجمل..ويكفيني
فخر ان انسانه مثلك تقرا قصائدي...لك مني جزيل الشكر والامتنان



مع تحياتي

اخوك/عبدالله الهاجري

لاهنت يا راعي المراسيل لاهنت.....

اشكرررررررررررررررررك يابو فلااااااااااح علللللللى ذالرووووووووعة والجمااااال في التصوووووووير ،، بس يالواثق هل كل بنت بتتعامل معها بتسوي بها كذا ؟ .


أخوك وابن عمك / مطيع بن محمد الهاجري .

مع تحياتي للجميع..........شكرا لكم من الاعماق

استبيحكم العذر في اعادة .....ارشيفي للاعضاء الجدد....تقديرا للايميلات التي وصلتني منهم.....ربما يكون قديمي جديداٍ بالنسبه لهم لانها كانت في بداية انشاء هذا المنتدى.



اخوكم الصغير/الواثق

ابو فلاح/// الواثق الواثق الواثق الواثق

القديم والجديد عندك كله ابداع وثقه وروعه ياخي رجع كل القديم اذا كانه بهذا الروعه والمستوى الكبير ...

وعادتك مبدع في كل شي ..


تقبل تحيات اخوك الصغير /// حكيم الجامعه ( بو مهدي )

الغالي / عبد الله فلاح الهاجري

لوكانت ثقة ،غرور ،نرجسية،وعيد ،تهديد


من الواثق حلوة عليه ،لكنه اكبر من كل ما ينقص قدره ،،،
عبدالله الواثق ،،،شاعر جميل الى منتهى الجمال،،،


تقبل تحيات اخوك وتسلم من هنا لين عندك

اخي الواثق ...،



قصيده اخرجتها في لحظات مضيئه تتسلل من بين صور هي اقرب الى

الثقه بالنفس عنها للنرجسيه ..نابعه من حاله شعوريه تمتاز

بالغضب ..

رؤيا تتسرب في تواصل وتناسق وتتابع ..

والقصيده تبدو لك من الوهله الاولى نرجسيه بحته يتعذب معها

الفكر وتتوه الخواطر وانما باحساسك الصادق تنفذ في هذا البحر

الفياض حتى تهدأ النفس وتنجذب الى بعض إشعاعات وإضاءات

تطرحها هذه القصيده وتبدأ في القبض على هدف واحد وهو ... هذا

هو الواثق .. اتعلمين أيتها الحبيبة..!!؟؟

اعتقد هنا قلب رجل يتمزق حنينا وضعفا لها!! . وموانئ لا تلوح

وحمائم لا تطل ونوارس لا تزال تضل الدرب نحو النهر ..

الواثق في هذه القصيده يشعل جمرات القلب المنزوي الغاضب ويحرض

الروح الغافيه خلف اطلال الحبيبه ليبحث عن الثأر

اتمنى ان اوفق بهذا التحليل وفي حالة المعارضه ارجو مناقشتي

واقناعي ..


تحياتي النايفة ..

[تم تعديل الموضوع من قبل النايفة بتاريخ 05-24-2001 الساعة 08:21 PM]

.. الاستاذ الشاعر : عبدالله بن فلاح


.. صح السانك ولاهنت على هالقصيده الرائعه




.. ابو فلاح . في كل ما تكتب تبدع فترانا نتعلم منك او نحاول ان نكون مثلك فى كيفية كتابة الابداع


. خيال شعري شاسع وسلاسه شعريه مساحتها الى ما لانهاية



.. حبك وسبك للمفرده والمعنى تجعلنا نقف نصفق لكل ما تكتب


.. وغير هذا كله رجل بكل ما تحمل هذه الكلمه من معنى


واستاذي :

.. تقبل تقديري واعجابي


.. اخوك الصغير : سعد العازمي


... سهيل ...

الواثق

اعذرني على قصر نظري

والا كيف

مثل هالرائعة تمر علي مرور الكرام

والله ان هذا الشعر اللي يعجبني ويملا راسي وينخشش في النفوخ

يابعدي والله

هذا الكلام اللي يصخي من النوم

انت تقول وهي تستاهل

[عاشق الغرياف]

عبد الله بن فلاح الهاجرى



يا شعر الجمال ...


يا جميل الشعر ...


يا عنفوان القصيده ...


يا شموخ الشعراء .......



تغيب ... وتشتاق لجديدك .........



ترجع وبين يديك ....


هديه الواثق ....


نتلقاها بلهفه الغائب .....



كلمات بها شموخ وكبرياء وعزه ...


تحفظ للحب كرامته ...


واصالته وعنفوانه ومجده .....



لك منى كل الحب والاعجاب





اخوك : عاشق الغرياف

الاخ عبدالله الهاجري

الله عليك الله عليك

جميل ورائع

هذه القافيه كتبتها ذات قصيده ونشرتها على المحيطين فقط

وانبهرت كثيرا ً حين قرأت هنا الان الكثير من المفردات التي كتبتها !

يبدو اننا قريبين لبعض جدا !

جميل ياجميل

تحياتي

جميل جميل جدا يا بو فلاح ........

تحياتي لك وصح الله لسانك .

اخوك:
عايض راشد

اخوان اعضاء الاسرة النداوية......اخواني الزوار شكرا لكم من الاعماق......شرفتموني بالاطلاع...وزدتموني شرفاِ بالاطلاع لكم كل الحب والتقدير.


اخوكم الصغير/عبدالله بن فلاح الهاجري

.اخوي ابو فلاح
هداعصابك شوي
وهذي طال عمرك قصيده هجوميه
واسمحلي لوتدخلت وقلت عطها فرصه
او عطها وسائل مساعدات (حذف اجابتين)مثلا
.
.
.
.
.
.
.
.
.تقبل مني المداعبه
.والله والله والله قصيده روووووعه
وننتظر المزيد.
.
.
.اخوك فهد