كـــاشـــــــــــــوووو يا شـلـــــة الأنـــــس

http://www.nadawi.net/vb/showthread.php3?threadid=6606
عايض راشد




http://www.nadawi.net/vb/showthread.php3?threadid=6608
نواف الدبل


http://www.nadawi.net/vb/showthread.php3?threadid=6612
ولدعبس



http://www.nadawi.net/vb/showthread.php3?threadid=6616
خوي المطاليق





اسمعوا يا شلة الانس:





إنداش راسي كني إبروضة أطفال

.................. كيف التصرف في عظيم البليه





Tom و Jerry صاروا اليوم الأبطال

................. وحنا نحب أهل الصفات العليه





أربع جهات بينها صرت أنا ضال

.................... الدرب وينه لا نطيح بهبيه






مسكين يالي ماعرف حل الإشكال

.................... يبغاالسعاده والحياه الشليه





وإن كان ما صاب الهدف صار بطال

.................... وبعيونهم يا قرد راعي الخطيه





يا قوم انا نزال والصبح رحال

........................ يالله دخيلك طحت أنا بالسريه





يفداكم اللي فالبشر صار مختال

......................... مغتاب بايق نيته شر نيه






كل البشر تدري ليا صرت محتال

...........................وفضيحتك ياكبرها فالبريه





والجاهل اللي مافهم رمز الأمثال

.......................... اللي يصيد ولا يذوق الشويه





واعد جميع الناس لا صرت جمال

....................... عساه يوفي واحد فــ خمسميه





والله كتب للناس أعمار واجال

........................... والذيب يقدم لا ذكر له سميه





الله يديم العرف والطيب لأجيال

...........................وانا فداً لأهل الوجيه الرضيه






ظفران و أدري ما تحبون الأنذال

............................ وانا بأكوش يا هل المقدريه








[تم تعديل الموضوع من قبل سعيد الحمالي بتاريخ 01-14-2002 الساعة 11:26 AM]

اخي واستاذي العزيز


سعيد الحمالي


صح لسانك وبيض الله وجهك قصيدة جزله ومعناه قوي وبيض الله وجهك

هكذا الشاعريه ولابلاش


الحمالي

هلا وغلا يا محمد الحبابي,





شرفتني بطلتك البهيه .......



وشهاده عزيزه علي لأنها من شاعر كفووووو.....








أخوك,

[شفق]

الاخ سعيد الحمالي

لاهنت طال عمرك وفيت ولا هفيت,

عزالله انك سبقتني بالتكويش قبل اكوشها انا .


انت اذا كوشتها يستحون منك , وانا لو اكوشها طاروا في حلقي.



تبقى اخ و صديق افتخر به يا بو ناصر



تحياتي


شفق

هلالالالالالالااااااا ابو عبدالله


صح الساااااانك ... ولو بنوريك الشغل معهم

لكن لا كوّشت بنخبص من جديد


تحياااااااااتي ي ي ي ي ي

هلا وغلا أخوي شفق,



صح بدنك ولا هنت يا غالي....



ما تحب الا اللي يحبك يا بعدي.....



أعتز بك وبأخوتك كثيراً .....



أما بخصوص التكويش أنا والا انت واحد أهم شي نكوش عليهم لانه الحل الطبيعي لوضعهم




ما أقول الا : الله يديم العرف والفضل بين النداويه جميعاً و شلة الأنس أو عصابة الأربعه من أعز الأخوان لدي و علاقتهم ببعضهم قويه جداً وهذه المساجله تؤكد هذه العلاقه......





[تم تعديل الموضوع من قبل سعيد الحمالي بتاريخ 01-14-2002 الساعة 02:11 AM]

هلا بك يا بو عبدالعزيز,



صح بدنك ولا هنت......




لكن ليه توروني الشغل معهم؟؟ أسوي خير ينقلب علي شر؟

وإلا هذي حصاة الفرّاع اللي يقولون .....


على كل حال تبون تخبصون أخبصوا التعب على يديكم, لكن إنتبهوا لا أكوش عليكم مره ثانيه ترا اللعب يبيله حنكه ونباهه






أخوك,

مشاالله عليك عليك يا بو ناصر هذا وانت ما لعبت بلوت من زمان وتكوشها على الغشيم ظافر


اجل 400 في الحكم الله يخلف عليه

لا وخويه مدبل من زين الطبايع

صح لسانك دايم تواجدك يضفي الرقي


والله كتب للناس أعمار واجال

........................... والذيب يقدم لا ذكر له سميه

هلا وغلا بنواف,

شرفتني بردك لا هنت...


البيلوت بحر عسى بعض الناس يتعلمون

لكن أسف أنا معتزل ولا لي نية رجعه الا إذا فيه عقد إحتراف يستاهل..



دائماً حضورك يشيع البهجه في قلب أخيك...






أخوك,

ابو ناصر ........

تصدق انك مسوي فيهم خير ....... والا ترا ليلنا طويل .. وانا نويت افجرهم بيني وبينك ... خاصه ابو عوارض ... بس احترامك يخليني اتعوذ من ابليس

تحياتي لك يالقرم .....

وصح لسانك ..


اخوك:
عايض راشد

هلا وغلا بعايض,



يالله دخيلك من التفجير

على فكره تراهم بلاوي والسلم زين يابن العم...


لك كل التقدير والاحترام أيها الشاعر الفذ....






أخوك,

بسم الله الرحمن الرحيم

الاخ العزيز سعيد الحمالي


صح لسانك ماقصرت كوشتها في فورتها ،،، ما قصرتوا ولا هنتوا

استمتعنا بالروح الحلوة والابيات الجميله بين اخوة لا يلحقهم شك في بعض وهذي اخلاق الشعراء ،،،،،

هلا وغلا بك يابوفهد,



أسعدني تفاعلك وإستمتاعك بهذه المداعبات الأخويه......





لا هنت وجعلك ذخر......






أخوك,

صح لسانك ياسعيد الحمالي

كل هذا من صالح الشعر

ومن صالحنا يامتذوقينه ان نقراء

ابداع × ابداع

وبيض الله وجيهكم جميعا 000 مادام ان القصد سعة الصدر وبدع الطواريق

الله يوسع صدوركم بالهدايه والعافيه

لكم جميعا تحياتي

الأخ / سعيد الحمالي


بيض الله وجهك ...... انشهد انك كتبت واجدت يالقرم


وكوشت ولا ربحو الأجواد







تحياتي لك





اخوك الصغير




سنجار ( محمد بن عبدالله )