الماطر واحد .... وعلوم الحيا يالنداوية

اسعد الله أوقاتكم بكل خير ومبووك عليكم نزول الغيث يالربع ..

اخواني في هذا الموضوع نرجو أن يتكرم الجميع وكل من لديه من علوم الحيا شي ان يسجلها هنا لتعم الفائده ..

بالنسبة لي وللعلوم اللي عندي ..

من وادي العجمان شرق الى الفاضلي يشمل منطقة الحبل واللدام والجوف جوف بني هاجر وقبورا وريش نصار وقدام والسحامي شرق الى ان وصلت الدمام قطوع وهو سيل .. والندى في بعض المناطق " كرسوع " هذا سيل البارح اللي من الساعة 10 بالليل وحتى وجه الصبح . والبدو اللي في المناطق هناك ممطورين أمس الظهر مطر جيد . خلال تواجدي ليلة البارح في هذه المنطقة رأيت بروق لم يسبق لي في حياتي ان رايتها وكذالك دوي الرعود ..

نسأل الله أن يغيث البلاد والعباد وأن ينزل البركة آآآ مين .

تحياتي لكم جميعا ..

حي العلوم ومن جابها .......

اخوي الغالي ابو ثامر .... لاهنت على هالمعلومات الطيبه وعلى هالاخبار السعيده ........

وعسى الله يرحم العباد ويغيث البلاد ...

اما من ناحيتي انا ..... اقولك ان الثقبه قامت تخر من المطر

اللهم لك الحمد ...


تقبل تحياتي ..

اخوك:
عايض راشد

سلام عليكم وطابت اوقاتكم بالمسرات

علومكم غانمه الله يبيض وجيهكم

وعسى الله يرحم المسلمين برحمته

<<=== ماشي من الدوادمي يوم الربوع الى الرياض عن طريق لبخه وحويته والخباري اللي بين حويته والطويله فيها من الماء اللي فيه بركه انشالله والماء واصلن الى دون المسفلت يجي 10 امتار او حولهن ويميز الوصف اللي يعرف المنطقه من قبل وهو من مطر يوم الثلوث اللي راح وبالنسبه للدوادمي يوم الثلوث ومن الفجر ديم الى حوالي الساعه تمان الضحى وطريق الرياض السريع يوم الربوع تشوف اثر المطر في منطقة الجله وخاصه اللي بين السيدين مليان ماء وانا مريت هالمنطقه والوقت قد اظلم وهذا اللي ميزته ويذكرون القصيم جايه امطار والعلوم تفاوت حسب مناطق القصيم احد يعد سيل واحد يعد ديم

واسمحوا لنا على القصور والاطاله وعسى الله يتبع له بالسيل والبركه