Tweet
......... كان هذا صــدى لـصــوت جهز... ( ياليت لك قدرةٍ تشتاق لاخباري )
///////// البارحه مع هجوسي بايع وشاري ************* أهديتنا ياجهز نبذه من أشعارك
///////// مرثيةٍ من نوادر شعرك الناري *************وأنا لمرثيتك جاريت ومشارك
//////// ترثي فقيدٍ منه ما جرحنا باري ************** وماقدر الله لنا نرضاه ومبارك
//////// يالله يالله يامعبود ياباري ***************** ترحم فقيدٍ ترك دنياه واختارك
///////// وتصفح عنه كل ما قد كان له جاري *************وتسكنه في جنان الخلد بجوارك
///////// ماغيرك أحدٍ لذنب العبد غفاري ************** ظله بظلك وفي جنتك عن نارك
///////// مرحوم ياللي على درب الشرف ضاري **************** ياصاينٍ ذمتك ياحافظٍ جارك
/////////// ياللي من أدناس دنيا فانيه عاري *********** والا المكارم لها كساب ومدارك
////////// ماتلتفت في ضعيف النفس والزاري ************ للطيب شاري ولدروب الردى تارك
///////// درستنا وانت لا كاتب ولا قاري ************* ودربتنا مثل يوم تدرب أحرارك
//////// علمتنا أن الرجوله موقف اجباري ************ والرجل ماينثني من دونها بارك
/////// وعمتنا للرفيق الطيب نباري ************ بالطيب وتقول خل أشباره أشبارك
///////// ووصيتنا في الخوي نرضيه ونداري ************ قلت الخوي الخوي لو طال مشوارك
/////////// وعلمتنا كيف يذري للكرم ذاري ************ وشفنا يمينك نداها غيث مدرارك
////////// ومن عزتك صار درب العز هو كاري ************ ياللي الوفا والكرم والعز هي كارك
////////// مرحوم ياللي به أفخر دوم واماري ********** لوما بقي منك غير اسمك مع أذكارك
///////// ولا باقي الا صدقةٍ خيرها جاري ************ وعيالك اللي على ممشاك واصرارك
............ وســـــــلا مة الجـــمـــــــيـــع
.............. أخوكم عبــدالــــــــلـه العتـــيــبي
..................... البــــــــــــــــــــــادي .......... [تم تعديل الموضوع من قبل النايف بتاريخ 12-31-2001 الساعة 09:53 PM]
تعليق