متعلمه فن فارقني تعلمها ! ! !

هذه القصيدة للشاعر / نجد وهي خاصة بالسوق والمظاهر التي تحصل فيها من الاخوات المتبرجات جزاهن الله خير اقول فيها :-




يارجل عن عالم بالسوق سديبي
-------------------------- الناس مالي لزوم في محارمها

عن مغضب الواحد المعبود قفيبي
------------------------ عين تغض البصر ماني بلايمها

مع السعه عن خشاش السوق هجيبي
----------------------- فالسوق رجلي قليلات لوزامها

وابعد عن المعصية والشك والريبي
---------------------- واكرم النفس دام الله مكرمها

يكفيني اليوم عن عيب العرب عيبي
----------------------- خوف يجي فرصة للعين واتهمها

ابليس متوعد فالنار يهويبي
----------------------- الا ان عظامي عظيم الشان حرمها

واهم شيء عليه فالمواجيبي
----------------------- ملاومي والنشاما في ملازمها

يالله كاني نزيه وانت تدريبي
--------------------- والناس تكشف سرايرها وعالمها

طالبك يالمعتلي راع المطاليبي
-------------------- تغفر ذنوب علي يوم اقدمها

وتوفيق في طاعتك ياعالم الغيبي
-------------------- اغنم سنين بقت واتغانمها

واللي على العبد يجهد فالتسابيبي
---------------------- وانت ولي البشر تقضي لوازمها

والسوق فتنة ومجمع للرعابيبي
-------------------- اللي بعضهن عدو الناس قاومها

وابليس عاقب لعله للعواقيبي
------------------- ليا لقى اللي تحب السوق لايمها

فالسوق خيم ودقق له مناسيبي
------------------- ***** جد بيوت الناس هدمها

يلعب على الله جذبها بالمجاذيبي
------------------- ويقودها بالرسن فالسوق لازمها

وتشيل ثوب حوى كل العذاريبي
------------------- امرودن واسفل الرجلين حازمها

ولاشد قام يتخطرف للعراقيبي
------------------ متعلمة فن فارقني تعلمها

وابليس واشي وملحق للمشاهيبي
----------------- ويكر نار الحرايب لين يشعمها

وتعوذوا من طعام ام الكلاليبي
---------------- ماله حقوق على العالم يخاصمها

وصلوا عدد ماتبين الشمس وتغيبي
----------------- على رسول جميع الرسل خاتمها



ومعليش على عدم الترتيب





اخوكم (((( ابو فهد ))))

[تم تعديل الموضوع من قبل سعود العتيبي بتاريخ 12-08-2001 الساعة 08:08 PM]

ابو فهد
صح لسانك



ابيات جزلة
ومعاني سامية


تدل على خلق رفيع وتمسك باداب الدين
جعلها الله في ميزان حسانتك



لك تحيايتي

العتيبي


صح السانك يابن العم



ابدعت ياخوي سعود



واذا لم نعالج بقصيدنا مشاكلنا ونحاول تقويم المعوج



لافائدة في الشعر



جزاك الله خير

وسجل اعجابي

اررررررحب يا وحيد



مسيت بالخير والرضا والعافية

صح بدنك وماقصرت على متابعة مواضيعي



وشكرا


اخوك ابو فهد

هلا يا ابن العم ضاوي



مسيت بالنور

صح بدنك وماقصرت على متابعة مواضيعي

وهو صحيح اذا ماحلينا القضايا اللي زي كذا بالشعر هجل وش حياة

الشعر له

وشكرا


اخوك ابو فهد

ابو فهد لاهنت ... وصح لساااااانك مليون ...
واعذرني على القصوووور ..
اخوك وتلميذك ..

تدوم وانا اخوك

دائما نقى السريره شرواك مرتاح وصدقني ويصدقني الاخوان مافيه اهون ولا اكثر سعاده من الاستقامه ولكن من يقدر عليها الا من وفقه الله

واجمل ما قلت

يالله كاني نزيه وانت تدريبي
والناس تكشف سرايرها وعالمها

طالبك يالمعتلي راع المطاليبي
تغفر ذنوب علي يوم اقدمها

اسال الله ان يكافأك على نزاهتك قل امين

والسوق فتنة ومجمع للرعابيبي
-------------------- اللي بعضهن عدو الناس قاومها

وابليس عاقب لعله للعواقيبي
------------------- ليا لقى اللي تحب السوق لايمها

فالسوق خيم ودقق له مناسيبي
------------------- ***** جد بيوت الناس هدمها






صح لسانك ولاهنت على هذه القصيده الهادفه....



والله انك صادق, السوق فتنه بالذات اللي قلبه "خضر" ويا كثر القلوب الخضر هالأيام وابن ادم ضعيف ....


ورد في الحديث الشربف: " خير بقاع الأرض المساجد وشرها الأسواق" أو كما قال صلى الله عليه وسلم.....





أخوك,

اخوي عبدالناصر العتيبي



لاهنت طال عمرك على ردك لهذه القصيدة









مرة أخرى أشكرك بعنف






أخوك ((((((أبو فهد))))))

اخوي داهم العصيمي



ما عليك زود ياخوك


وصح بدنك






أخوك أبوفهد

الاخ / سعيد الحمالي ... حفظه الله


بصراحة مرورك على قصائدي شهادة أعتز بها وأفتخر بها




أشكرك على هذا الرد الجميل لهذه القصيدة




أخوك / أبو فهد

السلام عليكم

اخوي سعود

اسعد الله مساك بكل خير


ياخوي انا معي كاسيت الان فيه القصيده هذي بسم الشاعر مرير بن عبدالمحسن العتيبي صاحب اللغز المشهور ( اللسان )، والتبس علي الموضوع وحبيت توضح لنا اللبس .



والكاسيت يباع في ( الركن الوطني ) في النسيم شارع حسان بن ثابت اللي هو النخيل

اخي وعزيزي سعود العتيبي

صح لسانك ياسعود


وبيض الله وجهك على هالقصيدة الجزلة


وحيولله الرجال الي نتكر المنكر


اقول علي الطلاق انك قرم

وصح السانك ملايين الملايين

لا يا سعود


الكلام هذا ما يصير


وهذي اسمها سرقه شعريه

والمفروض انك تذكر اسم شاعرها

مرير بن عبدالمحسن الحبيل الحمادي والمعروف في عالم اجهزة الكنود باسم ( نجد )


وانا اعرفه معرفه شخصيا وسبق سمعتها منه ومثل ما قال اخوي عبدالرحمن الغبين القصيده موجوده في شريط مرير
ويباع في جميع مكاتب الشعر في الرياض وغير الرياض



واتمنى من المشرفين يقفون ضد هذه السرقه



لاجل خدمة الشعر الشعبي اللي كلنا نسعى لها