(ماهيب كلمة مرحبا ولا خلا ولاعدم)

. السلام عليكم




ـــ


. الأرض كوره دايـره دوّر علي موضع قــدم

========== وأثبت علي موضع قدمـك وسم بالرحمانيه



. ماهيب كلمة. مرحبا . ولاخلا . ولاعدم

========== العلم كله فالحبـال وعند جـّر السانيه


. أخذ الكلام ومن بنا جدران بيته ماهـدم

========== علـمٍ صحيح الأولـه ماهي شبيه الثانيـه



. من حكمـة الله فيه فالدنيا سلاطين وخدم

========== هي هكذا والنوق ماتسرح سروح الضانيه


. الصبر مفتاح الفرج والسرع من بعده ندم

========== والدايـم الله جـّل قدره والأوادم فانيـه



. الرجل ماودك علي ابسط شيء جاله يحتدم

========== ودك يكون الرجل ذو حكمة وذرب ألسانيه



. ترا التجارب مدرسه والرجل لو كان انصدم

========== مايجزعه يرفا خطـاه ويرحج الميزانيه



. تراك منته خالقٍ حاجه بسيط من عـدم

========== سبحان من يحيي ويفني عنـده الغفــرانيه



. الروح في وسط الجسد والعرق في داخله دم

========== والسـاعه حسـاب الدقايق والدقايق ثانيه



. بير الروا لازال ماه يروج جاله ماردم

========== والسيل لامـر الجبــال يسـيّـل الشعبانيه



. قلته وأنا والحمد للخلاق ومثبت قـدم

========== علي الفخر والبسمــله تخزيـك يالشيطـانيه



ـــــــــــ


[تم تعديل الموضوع من قبل سهيل بتاريخ 11-30-2001 الساعة 05:26 AM]

ياسلام عليك ياشاعر صح السانك قصيده نعطيها علامة الجوده

اختك //نبع الوداد

\\\\\الشاعر والاستاذ سهيل //////

استاذي سهيل

قصيده رائعه


من رايع


الله يعطيك العافيه


وصح الله السانك


تقبل

تحيات


اخوك


محمد الحبابي


\\\\\\\أبومطرف/////////

الاخت . نبع الوداد


.. شكراً علي المرور وشكراً علي الاطراء

.. ولاهنتي





... تقبلي التقدير

ياســـلام صـح لـسـانـك مـلايـيـن









لاهــنـت يالـقـرم









تقبل تحياتي

اخوك / عبدالله سالم

الاخ الغالي . محمد الحبابي

.. لاهنت يالقرم وجودك في صفحتي يزيدني فخراً


, تقبل التقدير

السلام عليكم


الشاعر القدير : ( سهيل )




كما تعودنا على غارات ابداعاتك
بعيدة المدا



ها انت تغير علينا بغاره من طراز سهيل






. ماهيب كلمة. مرحبا . ولاخلا . ولاعدم

========== العلم كله فالحبـال وعند جـّر السانيه







نعم ابداع متقطّع النظير






صح السانك ولاهنت




تقبل تحياتي وااعجابي



اخوك / فالح بن قشعم

. من حكمـة الله فيه فالدنيا سلاطين وخدم

========== هي هكذا والنوق ماتسرح سروح الضانيه




من حكمة الله جعلنا كذلك ولكن ويش حكمتك في جعلنا نتابعك00انه(الابداع)

الله الله الله
اخوي سهيــــــل

صح لساااااانك والله ماقصرت
بهالقصيده القليل من نوعها في هذه الايام

قصيده جزله من شاعر حكيم

نفتقد( الحكمى )في الشعر


تقبل شكري


وعذرني على القصووووور

اخوك نايف بن عيفان

سهـــيــــل,





لله درك على هالجمال والحكمه الرائعه:





. من حكمـة الله فيه فالدنيا سلاطين وخدم

========== هي هكذا والنوق ماتسرح سروح الضانيه


. الصبر مفتاح الفرج والسرع من بعده ندم

========== والدايـم الله جـّل قدره والأوادم فانيـه






معك على طول الخط......





أخوك,

الاخ الشاعر سهيل

صح لسانك كلام ثقيل وجزل وقضيده تستحق الاشادة

لاهنت

اخي سهيل

مساء الخير


صح السانك ولاهنت قصيده رائعه


لك تحياتي


حسن الوطري

عبدالله بن عماره


وجودك في صفحتي وقرايتك لما كتبت والاشادة به شي يجعلني في غاية الفخر لاخلا ولاعدم يا عبدالله


.. صح بدنك

.. تقبل التقدير

العزيز سهيل صح السانك يالغالي


قصيده رائعه


وهذا النوع من القصايد لايجيده الا المبدعين فقط




حاولت ان اختار بيت فوجدت كل البيوت تستحق الاختيار




وخرجت لي القرعه بهذا البيت الرائع


. الصبر مفتاح الفرج والسرع من بعده ندم

========== والدايـم الله جـّل قدره والأوادم فانيـه



صح السانك



ولاهنت يالغالي

الاخ الشاعر سهيل


صح لسانك يالمبدع



قصيدة مختلفة تماما


لكن روعة




دمت متميزا ايها النبيل