Tweet
مشاركه للشاعر محمد بن علوش الهاجري
السلام عليكم
مشاركه باسم الشاعر محمد بن علوش الهاجري انشرها وكلي فخر
لانـي بأناني ولا أحب الأنانيه
ولانـي بمفتون في تحقيق رغباتي
ولاني بمشفوح ابي هذي وابي ذيه
عندي قناعه وتعجبني قناعاتـي
ومن فضـل ربي وذي نعمه الآهيه
قلبي غني كٍن ماتحصى عماراتـي
قلبي غناوي ولي نفسٍ غناويّه
وماهيب تطري الحسف في فايتٍ فاتي
عندي خبر ماكتب ليّه كتب ليّه
وأدري بأن ماكتبلي لازمٍ ياتي
ماخذ الأموور برخا وشويّه شويه
الوقت علمني اراجع حساباتي
ومانيب حباب للروحات والجيّه
في المجلس ارتاح واقضي معظم اوقاتي
مابين عود وشحـم ودلال بريّه
وجمعا ارجالٍ يسدون المهماتي
وعن من تمنّا ولا حقق تمانيّه
يالله عساني بك الحق باقي امناتي
العين شرهه ولي نفسٍ رهاويّه
ترهيني الحق علي باقي طموحاتي
ولايمكن اضحك واجامل ناس معنيّه
حتي لو أنها تلدد بعض حاجاتي
وماعرف في كل يوم اعيش شخصيّه
وعلي المصالح ماحب أبني علاقاتي
وماني باخطط علي الأريا الدناويّه
حتي ولو خابت ظنوني وهقواتي
أشوم واللي تلوآ له ملاويّه
ومعذره يوم عجز يسوي سواتي
ومن فضل ربي لاشفت عباد مبليّه
تطري عيوبي علي واشوف زلاتي
من شاف غيره تهاونها بلاويّه
والكامل اللي رفع سبع السماواتي
الله عطاني كرم طبع وحسن نيّه
هذي طبوعي مع الناس ومع ذاتي
هذي طبوعي سواءٍ زينه أو سيّه
أنا كذا هذي عيوبي وميزاتي
واعيب من بالقفيّا ترقل إلحيّه
ومع الطراقي علومه تاتي افواتي
ولعلمه إني لو اكوي بنجح الكيّه
ساكت ولايحسب أنه إبيطول سكاتي
أنا صديعٍ لمن خابت هقاويّه
في واحد او فالف لاساوم ولاأحاتي
ابيعهم بيع جمل وبيع كميّه
حييّن وأعدهم في اعداد الأمواتي
وأن جات للشـعر يعني عشره في الميّه
مع إني أعتبره من افضل هواياتي
أسبح بحوره وتطربني معانيّه
ومع من أغلي وأحب أذخر مهاراتي
إلاّ لمن لحقت الأشيا الضروريّه
أقدم ولايمكن أرجع في قراراتي
لامن قريت ولقيت بيوت مخفيّه
في وسط بعض القصايد في المجلاتي
لامن تأكدت بإن هو،، هو وهي ،، هيّه
أنسي النسب والهوايه وأسـمع الآتي
والله يوم أعتمدهـا للأهميــّه
إنها عن بيوت غيري تفرق أبياتي
خصٍ لمن الزعــل بانت مواريّه
ومن الزعل كأنها كثرت حركاتي
ياويــل من ساقته الأقدار في إيديّه
والله إن يقفي إقفاية ميتٍ مــاتي
وســـــــــــلامتكم
تعليق