اعذب الكلام وأقوى المعاني ( الدعوه عامه وهامه )

شاركوني في هذا الموضوع
على أن تكون المشاركه بيت الى بيتين بحد أقصى ولا مانع باكثر من مشاركه والبدايه من عندي وانا سهم والردود مانبيها الا قصيد

ثروتي قلب من العله سلـيم

......................ماغشاه الحقد ويحب البعيد

مايعرف الحسد أو صحبة ذميم

......................أو غريب لحب هالدنيا شديد

( سلطانه السديري )

عساك القوة........
المجلس اللي ماتجيه الرجالي
...............وش عاد بالكيشان لو يفرشونه
وبعض الحزوم اشوى على كل حالي
...............لاصار راعي الحزم ربعه يجونه

( محمد بن ناصر السياري )

يا لبا قلبك يا العاشق المحروم

خذ طال عمرك

المرجله حبل طويل ومـــــمدود

..................... ياكود من تقصر عن الما حباله

واللي يريد الجود ماهوب مردود

.....................كم واحد تهفي مقامه فعالــــه

اخي سهم . لاتغفل عن منتدى المحاورة
والابيات السابقه لمن..؟

وخذ هالبيتين
الليالي كل حيلٍ بيّدنه && بيّدن بحيلهن راعي العزومي

ما ذرٍ احدٍ بقلبه ما كونه && واللي يرها بالسلامه ما تدومي
(جناح الليل)

اسمع الرد طال عمرك

ابشر بالسعد وانا اخو نوره ..دونك الرد


ارضعتني الطيب قبل اصبح فطيم

..................وعلمتني كيف ما اروم الزهيد

ثم خذى بيدي ابوي اللي فهيم

..................وقالي.. للمال سادات وعبيد!!



اخوكم/عبدالله الهاجري

العاشق المحروم

قمنا بالواجب في منتدى المحاوره بس الظاهر النداوي مسوي لنا دنبوشي في ذا المنتدى لاتلومني يا خوك

الابيات الذي ذكرت شاعرها غير معروف

الواثق شكرا طال عمرك وابياتك لمن اكيد لك

وهذا بيت طيب

لا صار بالدنيا رفيقك يخليك

...................... ما من ورى عوج النصايب صداقه

عدوان الهربيد
البيت يتيم وعن قصيده

يا مال العافيه..
اسمعوا هالبيتين.....
مسكين راعي الهوى مفضوح && مفضوح بالصوت والصوره

تلقاه مثلي يجر النوح && سهران ومضيّع شعوره

(عبدالله الدغيثر) ..

خلووووووها

الصبر مفتاح الفرج عــند الاذكار

..........................ومن لا صبر تصبح أحواله كسيفه

خطو الولد مثل البليـهي ليا ثار

..........................زود على حمل نقل حمل الــيفه

وخطو الولد مثل النداوي ليا طار

..........................صيده من الجزلات ماهي ضــعيفه

مقحم الصقري

ما يرد ابن الكريم ألا اللئيم *** وأعرف أن شعيل ما يشكي الشديد
العظيـــم الله وألله العظيــــم *** يا إلــهي جل شانـك يامجيـــد


ولدعبس

ابشّـرك ,,, ما يقـود الوجـه ,, مذهبهـم

ولا يرفـع الـراس ,,, من هـذي سواياهـم

ما هم رجاجيـل ,,, وان طالـت شواربهـم

ولا هم اجوااد ,,, لو الكل ينصاهــم


( فيصل الطواله )

على خير اشوفك كان حنا من الحيين
.................مصير الليالي تجمع الحي مع حيه
ترى البعد بعد القلب ماهوب بعد البين
................ليا صار من وادعك يا عدك بالجيه

( عبدالله السياري )

[البارق]

كم واحد له غاية ماهرجها ...... يكنها لوهو للادنين محتـاج

(السديري)