(للمرة الثانيه)قـصــيـــــدة الــلــغــــــز ( وعليها جائزه ثمينة جدا )

السلام عليكم

سبق ونشرت قصيده مضمونها لغز
ولم يحله أحد . اللغز من مفصلين وقد حل البعض المفصل الثاني
وقد تم تخصيص جائزه ثمينه جدا جدا جدا جدا لمن يحله
سواء وصل الرد بالايميل قبل اعلانه ان اراد الشخص ذلك , أو يكتب جوابه بنظم أو بذكره فقط .

والله يعينكم على القرايه كما اعانني على الكتابه فلم تموت الهمم

يـقــول مـن غــنّا و قــافـه زان

مـتـمـيـّزٍ عـن بـاقـي القـيـفــان


قـافٍ بنـيتـه واحـتـكـمـت ابيـاتـه

وزنٍ بـــلا زودٍ ولا نــقــصــــان


مـا اخـص بـه رجـال دون الـثـانـي

عـلـم و هـديتـه جـملـة العـربـان


اهـديـه للي يـفـرد رمـوز الحـكـي

فـرد الـفـطـيـن مـرجّـح المـيـزان


يـا مـدرك الدعـوا تجـيك السـالفـه

مـاهـي سـوالـف ( كـان يـا مـاكـان )


امـا تـفـك رمـوزهـا و تـصـيـبهـا

والاّ اتـرك الـمـيـدان لـلـصـبـيـان



اشـوف انا: ( سـبعـة رجـال ) بشـيلهـم

عـصـيـانهـم طـرقٍ عـلى الـطـيـران


ســــــــــــــودٍ. عــــــــــــراة

و نـقـــرهــــم لـطــبـــولـهــــم:

مـثـل الحـروف تجـيـبهـا العصـيـان


مـن فـوق ضـلعٍ فـيه غــارٍ بـيّـن

صـفّـو و بـانـو كـنّـهـم: ( غــربــان )


طـقّـو الطـبول ونفّـرو مـن غـارهـم:

( جـراد ) مـا ينعـد فـي الحـسـبـان


يـوم انتشـر سـربه و رفـرف فوقهـم

غـطّـى الخـلايـق كـنـّه : الـدخــان


النـاس هـجّـو مـفـارقـين ديـارهـم

واللي بقـا: ( بـنـتٍ مـن الرعـيـان )


قـامـت تنـاظـرله وهـو من حـولهـا

سـاق الغـبـار بـرفـّة الـجـنـحـان


زل الجـراد ديـارهـا و من كـثـره

غـطّـى عـلى السـاحـات و الضـلعـان


وهـي واقفـه مثل العمـود المرتكـز

ولا انطـقـت حـــرفٍ بـراس لـســان


وهـبـّت عليها ريـاح ساقـت مـعهـا

ســودا غـيـومٍ ظــلّـت الـمـيــدان


و البنـت جـرّت صـوت مغـنى المشـتكي

و دمـوعـهـا جــادت بهـا الاعـيـان


ولاحـت بروقٍ في السـمـا عـقـب الغـنا

يقـفـا سـناهـا الـراعــد الدنّــان


تـبـدي شـكـاويهـا بعـالي صـوتهـا

حتّـى غـدت مـنـهـا تهــل امــزان


وان وقعّـت في القـاع قطـرات المطـر:

تـقـدح ( شــرار ) وتلهـب النـيـران


و الارض صـارت : مثـل جـمـرٍ يتّـقــد

شـــوفٍ عـجـيـب يـشــيّـب الـورعـان


خـلاّ الجـراد بحـرّهـا مثـل الفـحـم

يـبـس و تطـايـر ريشــه الحــرقـان


و كـف المطـر والشـمس تشـعق نورهـا

مـن مـفــرق غـيــومٍ غــدت شـتـّان


دنّـت بـنـظــرتهـا تـراقـب ظـلّـهـا

حــتّـى تـجــلاّ للـعـيــون يـبــان


مـدّت عصـاهـا لظـلهـا و تطـرق بهـا

فـي الظـل طـرق المـسـتحي البـيبـان


تهـتــز الارض لطـرقهـا و هــزاتهـا:

مثـل الـزلازل . و امـتـلـت صـدعــان


و يـوم اهجـدت هـزّاتهـا جـا صـوتهـا

مـن رجــفـهـا يـصــمـق وراه آذان


رجـفٍ تـلاه اتـفـجــّرت صــدعــانهـا

بـ( عـيـون ) مـاهـا زافـقٍ هـيجــان


مـن كـل صـدعٍ شـرّف المـا وانتشـر

نـشــر الجـريد بنخـلـة البـسـتـان


ومـن زود فيضـه سـال سـيله طـامـرٍ

كــل الفجـوج و كـنـّه ( الـطــوفـان )


الســيـل قـفـّا مـفــارقٍ مـكـانهـا

ونـشــّت عـيـون الـوارد الـزفـقـان


وهـي ثـابتـه والقـاع تشـرب نبعهـا

و تـدفـن غـويـر صــدوعهـا بادفـان


مـن بعـدهـا والقـاع ســوّد لـونهـا

مـا عـاد به غـيـر السـواد الـوان


مـتهـلشــه : مـثـل الزبـيـب الليـّن

تحـثـل بهـا لـو داسـت السـيـقـان


راحـت تمـد يمـينهـا في خــرجـهـا

تـخـــرج طـحــيـنٍ دقّـقـه طـحّــان


و تـذرّه و تـمـشـي و كـنهـا تــذرا

حـتـى كـسـت بـه قـاصـيـات اركـان



و ان ذرّتـه في ركـن يغـدي عـقبهـا

كــــــــــــــــنـــــــــــــــــّه

( بـــيــــــاض ) و ( لـــيــــن)

عــــــــلـــــــك لــــــبــــــان



مـتـنـابتـاتٍ فـيـه زينـات الشـجـر

دانـي ثـمـرهـا يـشــبـه الـرمــان


جـاهـا البشـر ينصـونهـا بافـواجهـم

يـقـبـل لهـا: المـاشـيـن والـركبـان


سـارو لهـا مـتـزاحمـات صــفـوفـهـم

يـرجــون مـنهـا ( سـاحـةٍ ) مـسـكـان


و مـدّت عصـاهـا ( للشـمـال) و كـنّهـا

قـالـت: ( هـنـاك و صـغّـرو البـنيـان )


شـتـّو المـتـاع و عمّـرو بنـيـانهـم

و تـوسـعـو فـي ثـابـت السـيـســان


بـنّـو بـهـا قصـور و تـعـدّو حـدّهـم

شـــرقٍ و غــــربٍ مــدّو العـمــران


وهـي في(الجـنـوب)ومـن تشـوفـه تنذره

هــلاك مـن عــاهـد بـعـهـد وخــان


غـارو عـليهـا و اصـلـبـوهـا حـيـّه

مـربــوطـةٍ في عــالـي الـعـمــدان


قـامـت تهـل دمـوعـهـا و تقـاطــرت

مـنهـا. عـقـب مـا غـرّقـت الاجـفـان


تـحـيــي مـدامعهـا بـهـثّـات الثـرى

ثـــورات ( هــبّـابٍ ) نـشــا زعــــلان


سـاطـي . وخـلاّ جـمـعهـم من حـولهـأ

روسٍ : يـدحــرجــهـا بــدون ابــدان


زلـزل مبـانيـهـم و خـلاّ رســومـهـا

( مـقـابـر ) لـمـوتـى بـدون اكـفـان


و مـن عـقبهـا محـدٍ وطـا بـديـارهـا

لا مـن بـني آدم و لا مــن جــــان


لكـن جـميـع النـاس تـدري بعـلمهـا

تـلـقـا سـوالفـهـا مـع الشـيـبـان


دايـم يسـوقـون الخـبر في مـجـلـسٍ

فــيـه الـوجــار و دلـّة الـرســلان


وان قـلـت: وين البنـت؟ ويـش اخبارهـا؟

يـنـقـد عـليـك فـلان و ابـن فــلان



و( الــمـــــشــــــكـــــلـــــه ):

كــــلٍ طـــمــع فـي شــــوفــهــا

كـل الرجـال العـبـد و السـلطـــان



وامـا النسـا: مـسـتكـرهـات وصـالهـا

مـكــروهـةٍ مـن جـمـلـة النـســوان


مـا تقـرب الحـرمـه طـريـقٍ مـرّتـه

لـو في ثـراهـا اللـول و المـرجـان ...



و يـا مـدرك الـدعـوا: ( جيـوشٍ غـازيـه)

حـكـمـه مـن المـولى عـظـيم الشـان


كـنهـا مـخـابيـطٍ تـطـيـش بـرميهـا

مـا يـنـدرا مـن صـوبه النـيـشـان


و العـاقـل اللي مـا بيـامـن شـرهـا

يـرســل مـنـاديـبٍ تجــيـب اعــوان


و نفـس الطـريق اللي يـودّي لفـزعـته:

مـنـّه يجـي ( الغـازي ) يشـن اكـوان


يتـقـابـل المنـدوب والغـازي ســوا

مـتـقـاتـليـن وللقــتـال ( رهــان )


ان فـاز منـدوبـه : ينجـّيـه الغـزو

يـسـلـم . ومـن جـور الحـروب يصـان


وان طـاح منـدوبـه: غـزاه اللي غـزا

حـتـّى يعـــاني ســطــوة العــدوان


كـثـّر منـاديبـك و قَـــو عــزومهـا

صـوب الطـريـق و حـكـّم الـعـنــوان


مـن يغـزي بجـيشـه؟ ومن منـدوبنـا؟

و مـن لـه عـلـوم تصـدّع الصــوّان؟؟؟؟


اطـلقـت قـيفـان القصـيد وصــابـرٍ

لـو ينقـضي عـقـب الزمـان ازمـان


مـاهـيـب كـل اللي يجـي في خـاطـري

هـدّيـت مـن خـيـل السـباق حصــان


لا هـو من اهـزلهـا و لا هـو خـيرهـا

قـدّامـكـم يـسـعـى بـدون عـنـــان


ان مـر ( خـيـّال القصـيد) و عـنــّه

يـكـشـف مــواري مـنـسـبـه لاهــان .


سـوالـفٍ ويـّا الرجـال و تـســلـّيـه

مـاهـي لضـا مـن فـوّهـة بـركــان


وخـتـامهـا صـلـّو عـلى خيـر البشـر

المـصـطـفـى الهـادي ولـد عـدنـان


وسلامتكم



خوي المطاليق

عجبا.....عجبا......عجبا......عجبا



يا خوي المطاليق.......

لله درك يارجل......

قصيدة حوت كل هذا المعنى والقوة والجزاله...


لا يجب ان تمر مرور الكرام.....دونما نقول لصاحبها


اجدت ورب الكعبه......




خوي المطاليق.....

لم آت هنا لحل اللغز فهو يحتاج لتفكير عميق..

ولكن اتيت لارتوي القصيد على اصوله...


تقبل تحيات اخوك.........حسن النايف

خوي المطاليق

للشعر معنى وتجده عند هذا الرجل

خوي المطاليق

يكتب شعرا

لا بل سحرا

فينحت صخرا

يالله

لله درك

القمه لك وحدك وانت اهل لها


تكتب مالا يكتبه الاخرون فلا تحظى باستقبال الاخرين ، ثمة مفارقة هنا !!!!

لاااجد لها تفسيرا قصائد كثيره اقراءها للضحــك من الظلم ان يقال عنها قصيده تتهافت عليها الردود من كل حدب وصوب

اما خوي المطاليق رغم تميزه شعراً الا!!!!!!

قصيدة اللغز وبعيدا عن اللغز دليل اخر لتميزك

انا لاااجيد فك طلاسم الا لغاز ، يكفيني ان استمتعت بقراءة ابياتك


هناااك من سياتي لحله

لك الشكر والتقدير

للاعتراف

بعدم القدرة

على وصف

خوي

المطاليق



..... ابو عامر

جيت هنا استمتع وطرب بهذه القصيده


واقول لشاعرها المبدع خوي المطاليق


صح السانك وبيض الله وجهك


شكرا لك ايها الرائع

صح لســانك ياخوي المطاليق على هالملحمه الرائعه ,,

ولكن عندي سؤال ؟


هل ممكـن ان توضح لنا عن حجم الجائزه وماهي جائزة هذا اللغز ؟!



وشكـرا ,,

حـسـن النـايـف

مرحبا ومسهلا عداد حروف القصيده واكثر بعد

وصــح بـدنــك

والف شكر يالغالي على كلامك الي زاد القصيده شرف

ولايهم انك لم تحل اللغز فتعبيرك الذي كتبته يشعرني بالفخر

اخوك .... خوي المطاليق

اخوي واستاذي
نـاصــر النـفـيـعـي

انت تعرف بأهمية رأيك عندي وعند الكثير فشهادتك للشاعر تعتبر كوثيقة نجاح يكتسبها

أما القمّة فلها شعار اكفأ مني بكثير ولا أنا إلا مقتدي بهم وتلميذ بينهم

وأما عن عدد الردود فليس مقياساً للشاعر بل المقياس في ( من هم أهل الردود )ثم أن هناك من أبدا رأيه بمستوى شاعر برده على أحد قصائده ويرى أن وجهة نظره وصلت فلا يتطلب تكرارها في كل قصيده

والأهم هو أن قلة الردود دليل على ما قلت لك بأني مازلت تلميذ بينكم , ولا أخفيك أني مقصر كثيرا في ردي على قصائد الشعار ( ولاتلقى اليمين الا ما قدمت )

صــح بــدنــك ياناصر

ويعلم الله ان ردك هذا تاج للقصيده حسيت معه اني استوفيت مارجيته من كتابها

تلميذك ... خوي المطاليق

ابــو عـــامــــر

وصف خوي المطاليق بسيط جدا وبمقدورك كتابته

(خوي المطاليق شاعر يقرا قصايدكم ويتعلم منكم كل يوم شي جديد , ويكتب لكم محاولاته وهو في رجا استحسانكم وتشيعكم )

لاهنت يالغالي ولاهان غاليك والله

اوجزت ايجازا تعجز عن حمله الجبال

وأسأل الله أن أكون عند حسن ظنكم

خوي المطاليق

مـجـعـد بـن مـتـعـب

صــــح بـــدنـــك و وجــهــك ابـيـض

أنت راعي الاوله دائما

وصدقني اني اعتز كلما وجدت لك ردك على قصيده لي

لاخلينا منك يالذيب


خوي المطاليق[تم تعديل الموضوع من قبل خوي المطاليق بتاريخ 11-12-2001 الساعة 11:15 PM]

يالله حي ابـــو وسـّــــــام

صـــح بــدنــك يا رمز الشعر

وقولك انها ملحمه رائعه يخليها رائعه بدون جدال لأن كلمتك مثل (صك المحكمه) مايقبل النقاش , و روعت القصيده بتزكيتك لها طال عمرك .

أما عن الجائزه فهي مفاجأه كبيره جدا جدا, استعد بها شخص معروف للجميع قرأت له القصيده وأخبرته بحل اللغز من باب ان استشيره وأبدا إعجابه الذي اثلج صدري , وقال ان عاهدتني انك ماتخبر حل اللغز لغيري جائزته عندي وهي (...........) ولا تخبر أحد ماهي الجائزة حتى أسلمها له بنفسي .

بصراحه يبو وسام اني يوم قريت اسمك بين الردود قلت الجايزه راحت وحله ابو وسام و انت قدها وقدود .

لاهنت ياشاعرنا وتقبل تحياتي

خوي المطاليق

[تم تعديل الموضوع من قبل خوي المطاليق بتاريخ 11-13-2001 الساعة 01:45 AM]

اررررررررحب ياخوي المطاليق ....


اقول نفداك شهادتي فيك مجروحه لان كل الناس يعرفون حبي لك .

وانا تراني رديت عليها المره الاوله قبل ينضرب المنتدى اول ما نزلتها ولكن كني اقراها اول مره اما الحل الظاهر اني مانيب حوله هذي تبي لها صميدع يفكك طلاسمها ويحلل بيوتها وحنا يدوبك نركب بيتين على بعض ونقول ان حنا شعار الله يخلف وينا ووين الشعر بجنب خوي المطاليق الله لا يضره علم من اعلام الشعر في رائيي الشخصي ..


تقبل تحيات اخوك /// ابو مهدي

وين اقابلك فيه


صح الله السانك ياخوي المطاليق

وتسلم على هالرائعة . . .













وانا عندي رمعة ربما تصيب وربما لا .


الحل هو :









اقوله والا ماقوله ؟؟؟

























اقوله:













اعتقد انه( شعر دقن الرجل ومراحل نموه وحلاقتــة ) وطبعاً المندوب هو الصبغ او (النيل) والغازي هو الشيب . . . والله اعلم






تقبل تحيات اخوك ملفي الشلاحي

هلا والله وغلا ياحكيم الجامعه

أولا لاهنت على رايك وهذا شرف لي يخوك

ثانيا ما يشترط لحل اللغز ان اللي يحله يكون شاعر ما بعده أحد
فكر زين يابو مهدي وعساك تعرفه

اسلم وسلّم

خوي المطاليق

ملفي الشلاحي

مررررحبا ومسهلاااا

صح بدنك ولاهنت

وجانبك الصواب طال عمرك

لكن اسمها محاوله ولايمنع من الصواب في المره الجايه

اسلم وسلم

خوي المطاليق