إهداء للمنتدى وصل للتو .... من أحد المعجبين بالوقع

أعزائي
وصلتني رساله عاجله من الاخ عبدالله بن صفيان آل عاطف ومحوها أنه يشكر الموقع والقئيمن عليه ويهديكم هذه القصيده .. نيابة عنكم أشكر الأخ عبدالله واليكم القصيده :

البـارحة ونّيـت يوم أتنــزّه
و أخيـل بـرّاق سـرى وين يــــازي
و أصبحت قلبي رابعاتة تهـزّه
تهزني الأ نوار وأنا بالـــدرازي
ومن دون ربعي غبة مقلحـــزّه
وأبي العزاء منهم ولاني بعـــازي
عقب صبي بالبلد ضـاع مـــزّه
جـاء في البلاد ومن هل البر جـازي
حلفت ما وقفت فـي لعــب دزّه
وعــروضنا حنا لها بـالبــــوازي
نفسـي عـزيزة بعض الأشياء تكزّه
وياحبني لأهل النفوس الـعـــزازي
مطراش من يبي الوناسـة وعــزّه
خوة ربوع تشترى بالفــــــوازي
لاقصيت الجرّة وهــــي مستفــزّه
يـازين ممشى الرمل عقب الـعزازي
لا شّـرف الشـوّاف بأرض أمبـــزه
لين البل مثل النخيل الركـــازي
وبيوت أهلها من وراهـا بنـــزّه
ومشـيــدات بالعلا النــــــوازي
اليا أقبل الطارش ابنضـوة يهزّه
كنة على البيت الموالي يحـــازي
نوّخ ذلولة وارتكى عنـد بـــزّه
قال المعزب هموا بــالنجــازي
قام المعـزب بهجــــورة و دزّه
والضيف من طيب المعـازيب فــازي
يا زين شـب النار بأيات حـــزّه
في مجلس ما سفروا لـه بقــــازي
راعيه مـن عـاده صغيـر منــزّه
جنـوبي و لا هـوب ربوة حجــــازي
خفيف لا جاه المسير ايفـــــزّه
لاهـوب مطفـــوق ولا بالنقـــــازي
يـاجار لا منك بغيت المعـــزّه
عليـك باللي جـارهم مـا يهـــازي
واحـذر من اللي بالقرى مستلزّه
اللي يبيعون اللبن بالبيــــــازي
واحد من الجيران ودّك تلــــزّه
وأحد ترى جمعاه منـة المجــازي

بسم الله الرحمن الرحيم

الشكر كل الشكر لك يانداوي ..

و لأخيناالعزيز .. عبدالله آل عاطف ..

قصيدته كثير حلوه .. ماشالله ..

[زايد القلادي]

كل طيب يالغالي

الله يحييك يالغالي القصيدة رائعة وطيبة حيل
الله يديمك

هلا اخوى النداوي

سلمت والله ... وسلم قائلها

لك ولاخوى عبدالله كل تقدير

[راعي العوجا]

صح لسانك اخوي النداوي ولسان عبد الله

الصراحه تستاهل كل خير ياالنداوي ومثل ما رحبت فيني اشد الترحيب
وتمنيت أن كون احد المشاركين .انا لبيت طلبك
واتمنى من الله انه يوفقك وتفوز في افضل موقع ان شاء الله
وتستاهل والله العظيم من كل قلبي ياالنداوي والى الامام والافضل
وتقبل خالص تحياتي أخوك الشاعر: