ياكثر زلات البشر

السلام عليكم وأسعد الله أيامكم بالخير والبركه

من باب المحبه والتواصل أضع بين أيديكم قصيده متواضعه تهيضت بها المشاعر عسى أن تليق بذائقتكم مع فائق تحياتي للجميع ...

[poem=font="simplified arabic,6,black,bold,normal" bkcolor="transparent" bkimage="backgrounds/4.gif" border="groove,4,darkblue" type=0 line=0 align=center use=ex num="0,black""]
ياكثر زلات البشر و اللقافه=يقطع وجيه مابها ذرة إحساس
كم كلمةٍ يقولها أنسان تافه=يجرح بها أنفس و يكتم بها أنفاس
حَسّ الخواطر و المشاعر جلافه=وألا كلام الخير و الطيب نوماس
أختر سمين الهرج و أترك عجافه=اليا أنكسر لك كاس ماتجبر الكاس
بعض الحكي مثل الذهب في الصرافه=له رنةٍ تدوي مثل رنة أجراس
وبعض الحكي مثل القطن بالندافه=ماله وزن لو عند ندافه أكياس
للأرض طول و عرض و عمق و مسافه=وكل ماعلى وجه الوسيعه له قياس
مايجرح الرجال غير السخافه=من واحدٍ حطه على العين و الراس
ومايذبح الرجال غير الحسافه=اليا تردى الظن في طيب الساس
ومايطرح الرجال غير اللطافه=مع من تعده ربح و يعدك إفلاس
يفضح خفايا كل دفتر غلافه=و تبقى رسوم الورد في كل كراس
من لا أستحى من وجه ربه و خافه=مايستحي من باقي الخلق و الناس
ومن لاعرف معنى النقا والنظافه=يقعد بعيد هناك من غير جلاس
عقب الغلا و الموده و ذيك الضيافه=ماعاد له عند المطاليق مجلاس
وصلاة من أقسم بنونه و كافه=على ( نبيٍ ) للمخاليق نبراس
[/poem]


محبكم في الله

فهد ال عليه المري