Tweet
هذه قصيدة بمناسبة تكريم مركز التنميه الاجتماعيه رواد العمل الاجتماعي بمحافظة ميسان وهم شيوخ القبايل الذين اسهموا في اقامة الزواج الجماعي لقبائلهم على شرف المحافظ.
يوم الاثنين الموافق 24/ 4/ 1435هــ
ليا منه دعاني واجبي نحـو الملـك والديـن
ونحو إبلادي وربعي فرحت وقلت لـه لبيـه
انا جندي مجند دونهم في كـل وقـت وحيـن
اسوق الروح لووّ تروح واليا قلت قول احميه
مهو لأجل الفلوس ولأجل شهره لأجلهم غالين
ومن لايغلي اللي قلت واجـب كلنـا نعزيـه
لانه ميتٍ قلبه ولـو هـو حِسّبـة الحييـن
وعقَب مامات قلبـه مايفيـده جسـمٍ يغذيـه
هلا يامرحبا ترحيب وافي من وفـا الوافيـن
عدد مالاح بـراق المـزون وراعـدٍ قافيـه
من الاعماق والالسن ليامن قيل لـه تثميـن
يقوله سامي بن حمود وآنـا عقبـه آثنيـه
نعم به ريس المركز ظفر من لابـةٍ ظفريـن
حوى دين وكرم مع خلق دمث وطيبٍ مقديـه
نعده قدوةٍ يامر بزين وينهـي عـن الشيـن
عسى الله يحفظه ويثّبتـه وبعزمـه يقويـه
نرحب بالمحافظ يوم شرف حي هـذا العيـن
ابو خالد حضوره مكسـب إلنـا والله يحييـه
وريث العز والطاله حفيـد مفـرّق الغازيـن
فعوله خلدة ذكـره مـعَ محبيـه ومعاديـه
جعل من يجحده في فعلٍ إتصرّم بـه الثنتيـن
ويبقى في فراشه لين روحه تصعـد إلباريـه
وارحب بالدواير مرحبـا واهليـنٍ وسهليـن
جميع اللي حضرمندون اخصّص شخص وأسميه
وارحب بالضيوف المحتفى فيهم وأقل نعميـن
شيوخٍ صيتهم بين العرب كـلٍ يمـاري فيـه
سعوا في لم شمل إربعوهم في كل علمٍ زيـن
وقاموا بالزواجات الجماعيـه بـلا تشويـه
وصار المعسر المعدم لياتزوج مافوقه دَيـن
بعد ماكان دينه والفقر عـن مايبـي حاديـه
عسى الله يكتب أجر الكل وإنه للجميع يعيـن
على الطاعه وفعل الخير لامنه دعـا داعيـه
وعسى الله يحفظ إولاة الامر قولو معاي آمين
ويكفيهم تعالى شر من شره عمـى عينيـه
جحد وقفاتهم مع شعبهم في عسر والا ليـن
ونسى مداتهم للشعب واللي فقـره إمباريـه
غراب البين ينعق فالخلا دايم غـراب البيـن
ينـادي دايـمٍ للشـر وإلا الخيـر مايبغيـه
وحنا بخير وأمن ولانظرت إيسار وإلا إيميـن
يشيب الراس من هول الفتن ويزيد به طاريه
ويحزَن قلبك من اللي جرا وتقول وش بعدين؟
هذا فاول زمنا مير وش يخفـي لنـا تاليـه
الا يالله تكفينا الفتـن مـع فُرقـة الصفيـن
وتجمع شملنـا علـى كتـابٍ كلنـا نتليـه
وسنه سنها الهادي رسـول الله بـها ماشين
شفيع الامـه بيـومٍ يـرَوّع واحـدٍ ناسيـه
علـيه ازكى سلام بكل حين الصادق الأمين
وعليه من الحضور افضل صلاه وصحبٍ مواليه
الشاعر/ حسين بن داخل بن دخيل الله الحسيكي الحارثي
يوم الاثنين الموافق 24/ 4/ 1435هــ
ليا منه دعاني واجبي نحـو الملـك والديـن
ونحو إبلادي وربعي فرحت وقلت لـه لبيـه
انا جندي مجند دونهم في كـل وقـت وحيـن
اسوق الروح لووّ تروح واليا قلت قول احميه
مهو لأجل الفلوس ولأجل شهره لأجلهم غالين
ومن لايغلي اللي قلت واجـب كلنـا نعزيـه
لانه ميتٍ قلبه ولـو هـو حِسّبـة الحييـن
وعقَب مامات قلبـه مايفيـده جسـمٍ يغذيـه
هلا يامرحبا ترحيب وافي من وفـا الوافيـن
عدد مالاح بـراق المـزون وراعـدٍ قافيـه
من الاعماق والالسن ليامن قيل لـه تثميـن
يقوله سامي بن حمود وآنـا عقبـه آثنيـه
نعم به ريس المركز ظفر من لابـةٍ ظفريـن
حوى دين وكرم مع خلق دمث وطيبٍ مقديـه
نعده قدوةٍ يامر بزين وينهـي عـن الشيـن
عسى الله يحفظه ويثّبتـه وبعزمـه يقويـه
نرحب بالمحافظ يوم شرف حي هـذا العيـن
ابو خالد حضوره مكسـب إلنـا والله يحييـه
وريث العز والطاله حفيـد مفـرّق الغازيـن
فعوله خلدة ذكـره مـعَ محبيـه ومعاديـه
جعل من يجحده في فعلٍ إتصرّم بـه الثنتيـن
ويبقى في فراشه لين روحه تصعـد إلباريـه
وارحب بالدواير مرحبـا واهليـنٍ وسهليـن
جميع اللي حضرمندون اخصّص شخص وأسميه
وارحب بالضيوف المحتفى فيهم وأقل نعميـن
شيوخٍ صيتهم بين العرب كـلٍ يمـاري فيـه
سعوا في لم شمل إربعوهم في كل علمٍ زيـن
وقاموا بالزواجات الجماعيـه بـلا تشويـه
وصار المعسر المعدم لياتزوج مافوقه دَيـن
بعد ماكان دينه والفقر عـن مايبـي حاديـه
عسى الله يكتب أجر الكل وإنه للجميع يعيـن
على الطاعه وفعل الخير لامنه دعـا داعيـه
وعسى الله يحفظ إولاة الامر قولو معاي آمين
ويكفيهم تعالى شر من شره عمـى عينيـه
جحد وقفاتهم مع شعبهم في عسر والا ليـن
ونسى مداتهم للشعب واللي فقـره إمباريـه
غراب البين ينعق فالخلا دايم غـراب البيـن
ينـادي دايـمٍ للشـر وإلا الخيـر مايبغيـه
وحنا بخير وأمن ولانظرت إيسار وإلا إيميـن
يشيب الراس من هول الفتن ويزيد به طاريه
ويحزَن قلبك من اللي جرا وتقول وش بعدين؟
هذا فاول زمنا مير وش يخفـي لنـا تاليـه
الا يالله تكفينا الفتـن مـع فُرقـة الصفيـن
وتجمع شملنـا علـى كتـابٍ كلنـا نتليـه
وسنه سنها الهادي رسـول الله بـها ماشين
شفيع الامـه بيـومٍ يـرَوّع واحـدٍ ناسيـه
علـيه ازكى سلام بكل حين الصادق الأمين
وعليه من الحضور افضل صلاه وصحبٍ مواليه
الشاعر/ حسين بن داخل بن دخيل الله الحسيكي الحارثي
