ارشيفيه موجهه لفالح بن قشعم

قصيدة قديمه سندتها لفالح بن قشعم في النداوي
ونظرا لكونها اختفت من المنتدا , ولكون المنتدا المكان الوحيد لحفظ وتوثيق قصائدي
بحثت عن القصيدة حتى وجدتها وأحببت أن اعيدها لهذا المنتدا الشامخ

[poem=font="Simplified Arabic,4,undefined,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يالله يللي فوق في علاه = ياسامعٍ عبدٍ ضعيف دعاه

ارحم عبيدك قبل يوم المحشر = في يوم كلٍ ماخذٍ قضاه

من عقبها يا وين فالح وينه = اللي عطا القلب العليل دواه

نسل الرجال اللي تعلاّ صيتها = نمرٍ يعز الجار في ذراه

ليثٍ لطم خشم العداة بمخلبه = من عانده يبشر بيوم عزاه

هطل اليمين اللي تشرّع مجلسه = حيّه ومن مثله وحي نباه

صحيتني يالهاجري من غفلتي = بعلوم فيها للرجال طراه

فزيت منها فزة اللي روّعه = مشهاب في عرق الجبين كواه

انا يبن عمي تتبعت العرب = وخذيت من بئس الشوير وصاه

واثر المطاوع للشوير الجاهل = بيده بلا نفسه وجاب عماه

لكن ترد الخيل لامن دبّرت = ردّه تمكّن للشجيع مداه

ردة حصانٍ جازعٍ من طرقته = من حاوده صوب الطريق عصاه

عرفت انا الدنيا وخافي ماخفا = وجنّبت من رايه يطيع هواه

وحليت معقود الحبال وجبتها = حتى تقدّم للفطين قداه

انا ادري ان الذيب حذرٍ لا عدا = يرخي الخطا حتى يصيد عشاه

وادري ليا منّه تعجّل خطوته = تجيه من راعي القطيع عصاه

والبيت لويبنا ولا شد الوتد = يطيح لو هب الزمان هواه

والثوب لو كان الشلوع تعيّبه = حملٍ على اللبّاس ما كساه

والحر يكفخ بالجناح ويعتلي = وبين الشمع مسكان كل قطاه

والعود لو ماتت عروقه يحطبه = نجار خبثٍ بالسليك لحاه

والله يا فالح لجوّد بالرسن = وارد مفلوت العقال وراه

ان ما عذرتوني على ماقد حصل = فمن يعذر المخطي على خطاه

انتو قناديل الفواد الصادقه = وانتو ليا هب البراد غطاه

وانتو تقدّونه ليا ضاع البصر = واعماه قومٍ في الغياب وشاه

اسلم وسلّم يبن قشعم وانتهى = علمي وعلى سيد العباد صلاه


خوي المطاليق[/poem]

صح الله السانك ياخوي المطاليق

بيض الله وجهك ولاهنت

موقع النداوي هو صندوقنا الامين


جزا الله القائمين عليه خير الجزاء وعلى راسهم الاستاذ\حمد السحيمي

صح لسانك ياخوي المطاليق ويستاهل ابن قشعم من يسند له ..
تقديري