دمع الفرح بارد و دمع الحزن حار ..!

بسم الله الرحمن الرحيم





مساء الخير جميعا .. آول مشآركه لي في هذا الصرح الشامخ





أبيآت متواضعه اتمنى تنال اعجابكم








[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=1 line=1 align=center use=ex num="0,#400000"]
إذا تــراكــم ضـيـقــي و صــــرت مـنــهــار=مـاهـو يسلّيـنـي ســوى نـظــم الاشـعــار
آشــعــر لــيــا مــنــي كـتــبــت الـقـصـايــد=يــزول ضيـقـي غـيـر ضيـقـي لـــه ادوار
الـى غـدت ضيقـه يـجـي بعـدهـا ضـيـق=يعـنـي يـجـي للـضـيـق فـالـصــدر تـكــرار
و لا اعترض والحزن شـي ٍ مـن الله=ولـــو لـلـحــزن نـسـبــه و للهم مـعـيــار
ان اصبح اكبر صدر في الوقت ضايق=و اعظم رجل يصبر على حكم الاقـدار
و الـحــمــد لله يـــــوم مـانــيــب شــكّـــاي=الاّ على اللـي مجـري ٍ سُحْـب وانهـار
لـو قـلـت مافيـنـي عـلـى فــلان وفــلان=ان مـا تشمّـت بـي فضـح كــل الاســرار
وش لـــي بـشـكـوى مـــا وراهـــا فـوايــد=شـكـوى لغـيـر الله هــي الــذل و الـعــار
وتـــرى الـشـعـر مـثــل الـحــرار العـديـمـه=و الحـر الاشقـر مـا يـبـي غـيـر صـقـار
الــشــعــر يـــامـــا مــوهــبـــه او وراثـــــــه=و الله يعـطـي مِــن عـبـاده مَــن اخـتــار
و الشـعـر عـنـدي ترجـمـه للاحاسـيـس=آتـرجــم الـلــي فـالـحـشـى و الـعـقـل دار
ورثٍ مـن آجـدادي و أبـوي و عمـامـي=مـــن قـــوم لا ذِكْـــرَوا يـقـولـون شــعّــار
مـانــيــب مـسـتـعـشـر ولانــيـــب جــاهـــل=وعـلـى الحـسـد والحـقـد والغـبـن صـبّـار
و الـلــي تـكـبّــر لــــه مــذلــه و حــقــران=و الـلــي تـواضــع لـــه مـعــزه و مـقــدار
حــتــى لــــو ان الــلــي تـكــبّــر قـصــيــده=محفـوظ فـاذهـان العـرب بـيـن الاقـطـار
يـنـزل مكـانـه كــل مـــا صـــار مـغــرور=و يـرفــع مـكـانـه لاتـواضــع واذا صـــار
مــتــقــبـــلٍ لــمــلاحــظـــات الـجــمــاهــيــر=مـاهــوب لاقـالــوا لــــه مْـلاحَـظَــه ثــــار
و الــلــي بـيـغـضـب لا نُــقــد مــــا تـعـلــم=لـن الخطـى وارد علـى كـبـار و صـغـار
ليـش الغضـب و المسألـه كلـهـا شـعـر=الـفــايــده تـكــمــن بـوجــهــات الانـــظـــار
و يـاطـيـب نــقــد الـمـحـتـرم و الـمـثـقـف=والـنـقــد يـاشـيـنـه مــــن لْــســان ثــرثــار
والـحـب بـحــر ودون سـاحــل و مـيـنـاء=بــحــرٍ غــزيــر وفــيــه لــولــو و مــحّــار
وثـلـث الـلـذي فــي غبّـتـه عــام مـاعـاد=ياكـثـر مــن عـامـه وهـــو غـيــر بـحــار
و الـصـدق احـلـى شــي بـيـن المحبـيـن=و اللي كذب فـي الحـب خايـن و غـدار
و اللي عشق من قلب ماهوب ناسـي=و مـاهـوب شــرط مقـاربـيـنٍ بـالاعـمـار
و يــاعــزتــي لـــلـــي هـــــــوى لـجـنـبــيّــه=ان عاش .. متعذّب و كبـده علـى نـار
و تــرى الـوفـى مـوجـود بـيــن الـخـلايـق=لــكـــن وفـــــيٍ واحـــــد بــعــشــرة انـــفـــار
و الصاحب الوافي معي ويـن مـا كنـت=أألّــــــــف الــــيــــا زل و آدوّر آعـــــــــذار
مـاقـول لــه وشفـيـك زلـيـت و آخطـيـت=حتـى ولــو يخـطـي عـلـى عـشـرة أمــرار
أسـامـحـه مـــن طـيــب راســـي و ذاتـــي=وآسكـت ومـا كِـن شـي مـا بيننـا صـار
و ان جـــاب طــــاري زلّــتــه بــعــد مــــده=آقــول كـيـف الـحـال وشـلــون الاخـبــار
طـبــيــعــةٍ فــيــنـــي ابـــــــد مـــــــا تــغــيـــر=والــلــي وهـبـهــا عــالــمٍ كــــل الاســـــرار
و راعــي الطبيـعـه مــا يخـلـي الطبـيـعـه=و راع الـوفـى ثـابـت ولــو الـزمـن جــار
وتــرى الـدمـوع انــواع ضـيـق و سـعـاده=دمـع الـفـرح بــارد ودمــع الـحـزن حــار
و صـلـوا عـلـى خـيـر البـشـر و النبـيـين=مـحـمـد الـهــادي عـــدد طـايــرٍ طــــار ٍ [/poem]






وسلامتكم

صح بدنك يا خوي حمدان
و الله يعطيك العافيه ولا يهينك

وتــرى الـدمـوع انــواع ضـيــق و سـعــاده
دمــع الـفـرح بــارد ودمــع الـحـزن حــار


سعد السحيمي


صح لسانك ولاهنت


شاعرمتمكن وجزل


تحياتي لك

علي بن عرنان



صح بدنك و ماعليك زود ياخوي

شرفتني بتواجدك هنا

لاهنت

الابن سعد

شهادتي فيك مجروحه لكن اللي اشوفه انك شاعر قادم بقوه
وفقك الله لما يحب ويرضى

والى الامام يابو براهيم

يبقى للشعر مبدعين وانت احدهم


صح الله لسانك وبيض الله وجهك


نص جميل من شاعر متمكن


تقبل تحياتي

اخوك

ابونايف

حمد السحيمي


مرحبا بك ياعم
صح بدنك و شهادتك وسام و اتشرف بها جعل عمرك طويل
الله يعافيك و الف شكر لك

معيض الوداعي

ماعليك زود ياخوي و صح بدنك
و ان شاء الله اكون عند حسن الظن دائما
الف شكر لك