دام الخيال هبال والواقع هبال وش فايدة ركض قليل الربوحي

السلام عليكم
بعد غياب اليكم هذه القصيدة املا ان تحوز على رضاكم

[poem=font="Simplified Arabic,6,#000000,normal,normal" bkcolor="" bkimage="" border="none,7,#400000" type=1 line=0 align=center use=ex num="0,#400000"]

ياصاحبي لاعاد تنشد عن الحال=نشدتك عن حالي تزود جروحيي
لاصار مافي يدك تعديل الاحول=مالك ومال هموم قلب ينوحي

انا لي ايام طويلات وليال=ادفن جميع جروح روحي بروحي

الوقت ناره بالحشا تشعل اشعال=والحظ لايبصر ولاهوب يوحي


العام ضاق الصدرواليوم لازال=همي يساقيني غبوق وصبوحي

قد قلت لك قدامي دروب طوال=وساق على قطع الفيافي شفوحي

كانت لي احلام عريضات وامال=يومن براق السعادة يلوحي


ياما ضربت بواقعي نايف الجال=ويامابنيت من الاماني صروحي

وياما رفعت لبعض الازوال تمثال=وياما لجل غالي حشمت النبوحي

واليوم يوم الوقت ياصاحبي مال=ياقرب هوماتي وياقصر شوحي

العمر راح وسود الافكار تجتال=تقبل بها هوج الرياح وتروحي

قل الجهد من كثر طرد اشهب اللال=ونفسي بعد عافت وقصرت شبوحي

دام الخيال هبال والواقع هبال=وش فايدة ركض قليل الربوحي[/poem]

كيف ماتحوز على الرضا وهي بكل هذا الجمال
لله درك ما اجمل حرفك ياعبدالرحمن
صح لسانك

قـد قلـت لــك قـدامـي دروب طــوال
وساق على قطـع الفيافـي شفوحـي
كانـت لـي احـلام عريضـات وامــال
يـومــن بـــراق الـسـعـادة يـلـوحــي
يامـا ضربـت بواقعـي نايـف الـجـال
ويامابنيـت مـن الامـانـي صـروحـي
وياما رفعـت لبعـض الازوال تمثـال
وياما لجل غالـي حشمـت النبوحـي

ياسلام ,,, صح لسااانك

قل الجهد من كثر طرد اشهب اللال = ونفسي بعد عافت وقصرت شبوحي
دام الخـيـال هـبـال والـواقـع هـبـال = وش فايـدة ركـض قلـيـل الربـوحـي

:


أبو راكان .. جزل .. صح لساانك

:

ياصاحبي لاعاد تنشد عن الحـال
نشدتك عن حالي تزود جروحيـي
لاصار مافي يدك تعديل الاحـول
مالك ومال همـوم قلـب ينوحـي

صــــــح لـــسانك على هالجــزله..وتقبل مروري واحترامي.