يا وطنا مالنا الا انت والحاسد يموت

متواضعه عسى ان تنال اعجابكم
والمعذره من الانقطاع عن المنتدى لمده طويله
وذالك خارج عن ارادتي علما اني معكم بمشاعري

[poem=font="Simplified Arabic,4,#EAEAC4,bold,normal" bkcolor="" bkimage="images/toolbox/backgrounds/50.gif" border="none,4,#400000" type=1 line=0 align=center use=ex num="0,#400000"]
يا وطنا مالنا إلا أنت والحاسد يمـوت=موتته حسـره علـى يمـةٍ يشقابهـا
عايشينٍ في سنام الوفـا هـذا ثبـوت=والفتن واهل الفتن ماحسبنـا حسابهـا
شعبنا شعب الولاء ماتغيـره الوقـوت=عادةٍ مـن عصـر جداننـا نزهابهـا
يا وطنا حبنا لك على جهر و قنـوت=نرخص الارواح دون ارضنا وهضابها
في ذرا إخوان نوره لنا عزٍ و صـوت=مع هل العوجا ولانـا علـى حرّابهـا
ما تزعزعنا شراذيم عش العنكبـوت=مملكتنـا تفتخـر بالوفـا واحبابـهـا
ابعدي يا زمرة الشر هافين البخـوت=قبـح الله زمـرةٍ جابـهـا جلابـهـا
غرهم من غرهم للتطرف والشتـوت=منكريـنٍ نعـةٍ ساكنـيـن ترابـهـا
ساكنينٍ فـي رغـد مالكيـنٍ للبيـوت=وما تزول النعمـه إلا علـى طلابهـا
والنصيحه ياهل العرف للعقّال قـوت=ينتبه مـن ينتبـه قبـل يقْفـلْ بابهـا [/poem]

اخوكم / سعد السبيعي

ياسلام ياسعد
قاف وميقاف
لاعجمت

الاخ الغالي / سعيد
مرورك بحد ذاته يشرفني

تحياتي

شعر وشور من شاعر جزل بيض الله وجهك ولافض فوك

الاخ الغالي / سعيد القير
اسعد الله صباحك بكل خير
مرورك بحد ذاته يشرفني


تحياتي