سري عاجل ( ما عاد للصمت داعي ) .

بسم الله الرحمن الرحيم

اخواني واخواتي الاعزاء

لعل القصيدة تنبئكم بما في الخبر

للأهميه وسري عاجل لقلوبكم مع التحيه


[poem=font=",6,,normal,normal" bkcolor="transparent" bkimage="http://www.mlokshaer.com/vb/mwaextraedit2/backgrounds/27.gif" border="double,4," type=2 line=0 align=center use=ex num="0,black""]
يا فجر لملم جروحي .. ما بي منام ونعاسي = ما عاد للصمت داعي .. والصدر ضاق انشراحه
يا إيه العالم اللي تتخاطفون الكراسي = مني إليكم رسالة .. شاعر على الله فلاحه
سري .. ولا هو بسري ..عاجل بليا التباسي = ودي أقول الحقيقة.. والصدق لي فيه راحة
إخواننا في العقيدة .. في كل ديره تداسي = يا ملوكنا والفخامة .. يا كل صاحب سماحه
انتووا الأمل والذخيرة .. والخير بعد اليباسي = الأرض تنزف مواجع .. والغرب يضحك رباحه
الظلم كبر وتخطى .. كل العقد والمآسي = غظ النظر ما يفيدي .. والمجرم أشهر سلاحه
كنا جسد .. لين غاروا بعض العداء والخساسي = واخذوا برأس السيادة .. والثور كثر نطاحه
ضاع التطور .. وتاهت كل الخطاء والحماسي = وأصبح جسدنا منتف .. بين الفقر والفلاحة
بشار خان الامانه .. والليبي أخنس وخاسي = والوضع عند اليماني ما عاد يرجي صلاحه
الوضع ما هو بطيب .. خيب وفيه انتكاسي = هذا مشرد .. وغيره يغتال لجل الصراحة
وهذاك ميت مسافة .. والثاني الوضع قاسي = والثالث .. اللي عدوه .. عرضة لقاه استباحه
والرابع اللي يدور بين القمامة لباسي = والخامس أمسى ينادي .. ولا نفع به صياحه
والسادس اصبح مكبل .. ينشات بأرخص مداسي = من غير ذنب وخطيه .. في السجن حطوا مراحه
يا كم احسب واعدد .. يا بحر مالك مراسي = صومالنا صار أيه .. والموت غطى المساحة
هذا بعض ما يعاني .. بعض العرب بالقياسي = والبعض منهم تنفخ .. ما بين بسط ً وراحة
وأطياف منهم تراهم .. بين العنا والتكاسي = وأكثرهم اللي همومه .. بين السفر والسياحة
الليل بين الحراير .. والظهر حول التباسي = والعصر .. ما عنده إلا .. هم الإبل واستراحة
ناسي وساهي ولا هي .. رأسه معبأ عماسي = صبحه يساوي مساءه .. ليله يساوي صباحه
يا رب تحفظ بلدنا .. وتجنبه كل بآسي =امن وأمان وستيرة .. والطير يكفخ جناحه
أمن الوطن كم يساوي ؟.. لا صار حبه أساسي = في برنا في بحرنا في جونا والملاحة
ياللي خيانتك بانت .. وأصبحت ضمن البساسي= تذكر السيف وأهله .. واحسب ليوم الإطاحة
دون الوطن ما نبالي .. لا صار في السلك ماسي = علم بها من يهمك .. قبل الشقاء والنياحه
في ضل أبو متعب اللي حبه يضاهي الرواسي = نمشي معه .. صف واحد.. ضد الفتن والوقاحه [/poem]


تقبلوا خالص التحيه

اخوكم


ابونايف

ابونايف
عساك ماتعجم
نص حكيم وإدارته حكيمة بالشعر
صح قلبك

اخوي ابو نايف

صح لسانك

واعتلا شانك

حضور رايعه

الله يصلح الاحوال

تقبل احترامي

لا فض فوك
ياشاعر المجتمع
ولسان الامه

ابونايف
عساك ماتعجم
نص حكيم وإدارته حكيمة بالشعر
صح قلبك

الغالي سعيد الاكلبي



صح بدنك


شاكر لك مرورك وتلطفك بالرد


لا هنت ومقدر لك مشاعرك الرائعه


تقبل تحياتي


اخوك

ابونايف

اخوي ابو نايف

صح لسانك

واعتلا شانك

حضور رايعه

الله يصلح الاحوال

تقبل احترامي

ابو مسفر

راحب تراحيب المطر

وصح بدنك

يالغالي

شاكر لك التلطف بالمرور والاضافه الرائعه


تقبل تحياتي


اخوك


ابونايف

يــــــا رب تــحــفـــظ بــلــدنـــا .. وتـجــنــبــه كـــــــل بـــآســــي
امـــــن وأمـــــان وسـتــيــرة .. والـطــيــر يــكــفــخ جــنــاحــه

:
:

آمين آمين ... صح لسانك يابونايف اجدت هذا البحر مما جعلنا نعيد القراءه للنص اعجاباً

ارحب ياهمداني
حي والله ذي الابيات واللي كتبها
صح الله لسانك وبيض الله وجهك
ابيات حكمه

تقبل مروري والله يوفقك