الشعـر يبقـى للهواجيـس ميـدان

[صقرراشدالسلوة]

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الشعر يبقى للهواجيس ميدان=أنا اليا مني دعيته يجيني
احيان ابدّل في بحوره والأوزان=مره يجي مسحوب ومره هجيني
اهيم في واديه لاصرت عطشان=واروي ضما نفسي وآعل بيديني
والشاعر اللي له مع القافية شان=مايتعب افكاره بكثر الونيني
احدن خذا شعره مع الوقت نسيان=احدن بقى شعره طوال السنيني
بعض القصايد كنها ورد بستان=تطرب هوى اللي زاد فيه الحنيني
كلن يخايل بارق الوسم لابان=ينطر متى رزم السحايب تبيني
واللي قصيدة مايجي فيه برهان=مافيه داعي يتعب السامعيني
الشعر ريحه طيب مسك(ن) وريحان=لاصار يحكي شيمة الطيبيني
درب القصايد فيه خيل(ن) وفرسان=الجاهلين اكثر من العارفيني
ياللي على بالي مثل ديم هتان=وإنت الذي بالقلب مالك وزيني
ياكثر ماني للمواصيل شفقان=وياكثر مابيّحت لأجلك كنيني
حبي لك اغلا من غلا اي إنسان=لكن اشوفك بالجفا مبتليني
إن جابك الطاري وأنا منك سهران= ذكرتك وهلت من الدمع عيني ![/poem]

صح لسانك وطاب بيانك يابوراشد على هذا النص الجميل

[صقرراشدالسلوة]

[align=center]
سعيد الأكلبي

اشكرك من كل قلبي على هذا التعليق الكريم

ممتن لهذا النقاء

اعتز بمتابعتك ايها الصديق [/align]

احــــيــــان ابــــــــدّل فــــــــي بــــحـــــوره والأوزان
مـــــره يــجـــي مـســحــوب مـــــره هـجـيــنــي

صح الله لّسانك يابوراشد
شاعر مقتدر ودائماً في اتزان فيما تتطرق
تقديري لك واحترامي