مدام شوفه عيد قولوا لي اش عاد

؛




السلام عليكم ورحمة الله وبركاته .،

كل عام وأنتم بخير ومن العايدين وكل سنة وأنتوا طيبين
والشهر مبارك .. وإن بقى شي ما ذكرته العذر والسموحه



[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=right use=ex num="0,black""]
يا حي عيدٍ جابك وحي ذاليوم=يا طلةٍ تغني عن افراح واعياد
ما ميّزت عيدي تسايير وهدوم=وما عيّد العاشق ومن دونه ابعاد
لو اظهر الدمعه فلا لحقني لوم=مدام عيني خلفها شوق وقّاد
دمع الفرح معناه تصديق وختوم=على غلاس الي من العام يزداد
أهل الفلك قالوا متى نقضي الصوم=وكلٍ تحرى عيده وجاك نشّاد
وانا اتحرى بدر ما حوله نْجوم=وحده يساوي كل فرحه وتعواد
اقبل وكنّه ماخذه طاري النوم=واغفى على صدري ويدّي له سناد
ابو العيون الي طرفها به سهوم=وابو شفايًا طعمها بالشهد ساد
لو للحلا قمّة وترتيب وارقوم=حاز بحلاه أولى المراتب والاعداد
ليه أوصفه والامر واضح ومحسوم=لا صار شوفه عيد قولوا لي اش عاد ؟ [/poem]




///





إهداء للغالي / طارق بن سعيد القحطاني


[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تخيّر المعناز في كلّ مشوار=ولا ترقب الخوّه من الي فقدها
لك في خويك مرّه وتكشف أسرار=ولك في سلاحك جرّه وتعتمدها
وأنا خويي من طويلين الاشبار=رميت به سود الليال ونكدها
طارق ليا من حدتك بعض الاقدار=يضرب على صدره ويفني عددها
طارق ليا من عارض الشور الاشوار=يجفل من العوجا وياخذ سعدها
طارق ليا جته الجميله فلا بار=من طيب راسه ردّها ثم رفدها
طارق ولا له في المخاليق تكرار=نفسه على الطالات تبذل جهدها
يبشر بنا لا جات شدّات الاخطار=يوم ان عبيده ما تهمّل ولدها[/poem]





///



[poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=left use=ex num="0,black""]
الحال والترحال وامفارق ادبي=ثلاثة ٍ من وقعها شان وقعي
ادبي مشفى حي ابو حيّها حي=والحال وجعى عقبها زاد وجعي
وانا مع الترحال ما نالني شي=غير الشتات وتحبس العين دمعي[/poem]



.

[align=center]ارحب يا محمد تراحيب المطر يالله حيه....اخذتني في جو آآآخر في القصيده الاولى ولجأت بها الى لون يسمى (النسيب) وهو مابعد الغزل وجعلت المعنى في النص (الغزل)بعد ان صبوة به الى محبوبتك بحنينك للموده ونعتك بالمفردات العذبه التي تليق بالمحبوبه ويجعلها تميل تميل الى الشمائل والمعاطف الظريفه والكلام العذب والحركات اللطيفة في ما ذكرت بآخر الابيات ماجبت شي من عندي ترى هههههه ودفعك للكتابه بهذه الطريقه شجاة العشق وتظاهرت بالوجد واللوعه والرقه والتصابي حتى انفدعت في آخر المسار الى الخشونه وقد نصف التشوق هنا ومعاهد الأحبة بالرياح الهابة على الأطلال الداثرة ... اما الاهداء فلا تعليق ويستاهل طارق الابيات وغزارة الجزاله بها وكبريائها.... لافض فوك يا بوحميد ابدعت بصراحه...[/align]

؛




البقى يا سعيد .،
حضورك الجمال لا عدمتك ..
صح بدنك ولاهنت على تشريفي ..
تحيتي وتقديري،



.