لو انّها يا نفل جتني وأنا سالي,,

[align=center]أسعد الله أوقاتكم بالخير
أسند علي الشاعر نفل بن سعود الدوسري قصيدة تشرّه على خوي ترادا فيه يوم احتاجه ..فكانت هذه القصيدة ردا على نفل ..
صلوا على النبي[/align]
[poem=font=",6,darkred,normal,normal" bkcolor="transparent" bkimage="" border="groove,4,darkred" type=1 line=0 align=center use=ex num="0,black""]
عدّ الشّجر و الحجر و المر والحالي=وعداد ما ناض برق وهلّت مزونه
وعداد صيد الخلا تارد وتنجالي=يا مرحبا يا حشيمٍ هاض مكنونه
احتدّه الغيض وإن الغيض له صالي=ومثل ابو نادر تجي دعواه مازونه
واختصّني بالنوادر سمح الأقبالي=والرّوح في لازمه ورضاه مرهونه
لأنه حشيمٍ وقدره عندنا غالي=ناديتنا من طروق الشعر متكونه
لو جات من غيرهم ما سقت موالي=أبكرمه وأعتذر وأرد عربونه
وأنا ليا جيت أببدع ما تهيّالي=النفس من ميلة الأيام مشحونه
لو إنّها يا نفل جتني وأنا سالي=وفّيتنا بالجواب اللي تحرّونه
تنشد ولك فوق رجم العرف منزالي=وفرايدك بين منكشفه ومدفونه
واللي على بالكم كلّه على بالي=لاشك بآجاري القصّاد بلحونه
لا تنخدع يا نفل في كل الأزوالي=كم واحدٍ غرّته قولة يقولونه
وازهم ليا قفّلت موجات الارسالي=شيخٍ ليا كبرت القالات يلقونه
وليا تردا رفيقٍ غرّه المالي=يكفونك الناس لا قاموا يذمونه
يا راكبٍ فوق رنجٍ يذهل اذهالي=يطربك لاكان في فرّة دركسونه
اليا استوى هات عزمه واشعف التالي=إمن الرساوة تقل يمشي على هونه
تلّه كفيت الصدوف وود مرسالي=ملفاك قرمٍ نهار الضيق ينخونه
قل له مهو كل ما يطري بينقالي=والخشم لامن لطمته تدمع عيونه[/poem]

صح الله السااااانك وانا اخووووك

ياسلام ياسلام
صح لسانك وطاب بيانك يامبارك