Tweet
عادةً لا احب نشر القصائد الخاصه .. ولكن تأثري بالموقف والقصيده .. وحجم الوفاء اجبرني على النشر
قابلته صدفه .. عرفني وتذكرته بعد جهد .. لتغير ملامح وجهه فهو الآن طالب في السنوات الاخيره من دراسته الجامعيه ..
دار بيننا حوار غير طويل انتهى بتصميم منه على دعوتي لمحله اعتذرت بانشغالي ولكنه لم يتركني الا بعد ان خزن رقم جوالي بجواله .. وفي اليوم التالي ارسل لي ما ستقرؤونه .
كان احد طلابي في الصف الرابع .. يملك شقاوة اطفال لذيذه .. مستواه الدراسي متوسط كان لظروف فقد والده دور كبير في ذلك .. ونظرا لذكائه الفطري اصبح من افضل الطلاب بعد القليل من التشجيع والاهتمام به
وحفظا للحقوق اسم هذا الطالب ..الوفي الرجل فلاح قبلان الدعجاني
عمرياً لا احد يحسب .. تراني شاب .. وبيني وبين الاربعين مسافة آلاف الكيلومترات
وشعرياً تمنع المقارنه (( فقد يتفوق الطالب على استاذه )) .. وهذا مصدر فخر للاستاذ
يقول فلاح
قابلته صدفه .. عرفني وتذكرته بعد جهد .. لتغير ملامح وجهه فهو الآن طالب في السنوات الاخيره من دراسته الجامعيه ..
دار بيننا حوار غير طويل انتهى بتصميم منه على دعوتي لمحله اعتذرت بانشغالي ولكنه لم يتركني الا بعد ان خزن رقم جوالي بجواله .. وفي اليوم التالي ارسل لي ما ستقرؤونه .
كان احد طلابي في الصف الرابع .. يملك شقاوة اطفال لذيذه .. مستواه الدراسي متوسط كان لظروف فقد والده دور كبير في ذلك .. ونظرا لذكائه الفطري اصبح من افضل الطلاب بعد القليل من التشجيع والاهتمام به
وحفظا للحقوق اسم هذا الطالب ..الوفي الرجل فلاح قبلان الدعجاني
عمرياً لا احد يحسب .. تراني شاب .. وبيني وبين الاربعين مسافة آلاف الكيلومترات
وشعرياً تمنع المقارنه (( فقد يتفوق الطالب على استاذه )) .. وهذا مصدر فخر للاستاذ
يقول فلاح
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
هذا انت والا حلم في غفوة النوم=جيت ومعك كل الطواريق جتني
انا بعد شوفتك تطري لي علوم=اسنين في حضن المواقف رمتني
في فصلنا يا استاذ وحلومي حلوم=في فصل رابع كان عينك نستني
اذكر تقول اجلس واعاندك واقوم=واذكر عصا طيبتك يوم اضربتني
في فصلنا يا استاذ وهمومي هموم=صغير وظروفي غصب كبرتني
تطلب خبر ( إنَّ ) واقول الك مظلوم=وانا الذي ( إنَّ ) معاك اظلمتني
ماضي ومره حلو ما يجرح الصوم=كم حاولت دنياي ما ضيعتني
واليوم شفني اسبح بحور واعوم=وان طبت طيبي من يدينن ربتني
شفتك وطير الذكريات اصبح يحوم=في صدري .. ومن طيبها ريحتني
احس كني بالشكر صرت ملزوم=شكرا لصدفة طيب معك اجمعتني
رجعت قدامك طفل مرتبك دوم=لو للطفوله حظن كان احظنتني
في نبرتك ماضي واحاسيس وسلوم=وفي نظرتك حملن رخيت اله متني
يا استاذي البارح ويا خويه اليوم=شف دورة الايام كيف ارفعتني[/poem]
رديت عليه بهذه المتواضعه
[poem=font="simplified arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
هذاك انا ..قبل امس والامس واليوم=تمضي سنين العمر ما غيرتني
في صفحة الوافين لي قسم مقسوم=لو كانت عيون الحسد ما قرتني
في وقت صار ابه الوفا شبه معدوم=قلوب احاول كسبها واخسرتني
وانا ولو لي فضل واضح ومعلوم=ووجيه طلابي بعضها انكرتني
أصد عن بعض السواليف واشوم=كم مبخره من طيبها بخرتني
طافت بك الذكرى ولا يلحقك لوم=وطافت بي الذكرى معك واجبرتني
اعود واتذكر علامات ورقوم=وبراءة اطفال وسوالف طرتني
بين انتبه..واسمع..وركز..ومفهوم=كلمات مدلولاتها استعمرتني
تشوفني استاذ ومنزّه ومعصوم=وانا بشر وذنوب نفسي برتني
دنيا ومن ويلاتها صرت مصدوم=يا ما بتابوت الهموم اقبرتني
همومها برقاً ورعاد وغيوم=ما فيه يوم يمرني ما امطرتني
كم هم في صدري له اسنين مكتوم= وكم ليله بركب المواجع سرتني
ساومتها منها وهي تفرق السوم=واعطيتها وجهي ولا عبرتني
والمعذره لو شفتك بوقت مزحوم=دقات ساعات العمر بعثرتني
ان شفت للدنيا على وجهي رسوم=قل ليه تعزف لحنها ما اشعرتني
ولو بالظروف الكايده صرت محكوم= ما انسى قلوب بطيبها آسرتني
ولا همني من طبعه الكبر والزوم=بسمتك من كسر الزمن جبرتني
يا جعل ابوك بجنة الخلد مرحوم=وايدٍ ربتك اكبر فخر لا اشكرتني
واليوم كلي ريح وردٍ ويشموم=مدة يمينك بالوفا عطرتني[/poem]
وسلامة قلوب الأوفياء
.
.
تعليق